Ukrainako errefuxiatuei harrera egiteko politikak migratzaile guztiei bidera ditzatela eskatu dute
Beste urte batez, Ongi Etorri Errefuxiatuak elkarteak 'Marea Horia' ekimena burutu du gaur, larunbatean, Plentzia eta Gorlizko hondartzetan. Ehun bat lagun batu da hareatza horietan gobernuei migrazio-politika berriak eskatzeko; izan ere, azpimarratu dutenez, aurten "argi" gelditu da hori posible dela, Ukrainako errefuxiatuei egindako harrera mahai-gaineratuz.
Pertsona migratzaileen aldeko elkarteak antolatutako urtez urteko ekimenak Bizkai kostaldeko bi udalerrietako hondartzak gurutzatu eta Plentziako Ontziola plazaraino egin dute martxa, hori koloredun hamaika banderez lagunduta.
Aurten ere, ekimenaren helburuak bi izan dira: alde batetik, mundu osoan milioika pertsonak bizi duten errealitatea agerian jartzea, "izan ere, hainbat arrazoi direla medio, beren jatorrizko herrialdeak utzi eta arriskuz eta zailtasunez beteriko bide bati ekin behar izaten diote, Europara iritsi nahian"; eta, bestetik, gobernuei eta erakundeei eskatzea nazioarteko itunetan jasotako giza eskubideak errespetatuko dituen migrazio- eta harrera-politikak har ditzatela.
Lehenengoaren ildotik, elkartekoek salatu dute 2014tik gaur egun arte 28.000 pertsona baino gehiago hil direla Europara iritsi nahian. 1993tik, aldiz, 49.000 pertsona hil dira, Afrikatik, Asiatik eta Ekialde Ertainetik gurera etortzeko bidean, "bereziki Mediterraneoan eta Atlantikoan, baina baita Balkanetan, Alpeetan, Mantxako Kanalean zein Bidasoa ibaian".
Bigarrenaren harira, aldiz, gogoratu dute posible dela Europan bestelako migrazio-politika bat garatzea, Ukrainako gerratik ihesi gurean hartu diren errefuxiatuekin bideratu direnak bezala. Azaldu dutenez, begi onez ikusi dute Europar Batasunak gerratik ihesi gurera etorri diren milioika ukrainarrei harrera egiteko politikak, haien egoera modu azkarrean erregularizatuta. Hala, azpimarratu dute badela garaia neurri horiek bideratzeko gainontzeko pertsona migratzaileei, haien jatorria zein den kontutan hartu gabe: "Errefuxiatuek, Espainiako Estatuan eta Euskal Herrian duintasun baldintzetan jarraitu ahal izatea aldarrikatzen dugu, baita eskubide, zerbitzu eta baliabide publikoak eskuratu ahal izatea ere, haien jatorria eta sartzeko bidea edozein izanik ere".
Ildo horretan, Luis Guridi Ongi Etorri Errefuxiatuak plataformako bozeramaileak penagarritzat jo du gai horretan Europan indarrean dauden politikak, "segurtasun politikara" bideratuta daudelako, "garapenera, harrerara eta giza eskubideetara baino". "Arazoa herrialde igorleen mugetan geratzea eta hona ez etortzea da helburua", kritikatu du.
Halaber, gogoratu dute irailaren 30ean eta urriaren 1ean "Eskubideak. Hilketarik ez" goiburua duen protesta ekitaldia egingo dutela Bruselan. Ekimen horietan, Europar Batasuna salatuko dute, heriotzak eragiten dituzten migrazio-politiken erantzule gisa, eta Europako instituzioei eskatuko diete migratzaileen giza eskubideak bermatuko dituzten neurri zehatzak ezartzea, baita Europar Batasunean iritsi diren eta bizi diren pertsona guztien erregularizazioa bideratzea ere.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.