Gibraltarren hondoa jo zuen ontziak zeramatzan isurien parte bat kostaldera iritsi da
"OS 35" ontziak zeraman gasolioaren erauzketa-lanak arrakastaz amaitu dituzte arratsalde honetan. Astelehenean talka egin zuen Algecirasko badian, eta istripu osteko isuriek eragindako orbanak La Lineako eta El Peñongo kostaldeetara iritsi dira orain.
Arratsalde honetan amaitu da ontziak tangetan zeramatzan 500 erregai tonak ateratzeko lehen ponpaketa-fasea. Ostegun arratsaldean hasi ziren lanak, eta gau osoan zehar luzatu dira.
Istripuaren unean, 250 tona gasolio, 215 tona fuel-olio astun eta 27 tona olio labaingarri zeramatzan ontziak.
Atzotik egindako erauzketan gasolioa atera dute ontzitik, horren makineriak funtzionatzeko bost tona izan ezik, eta fueloil astuna eta labaingarria ateratzeko lanak abiatu dituzte orain.
Bitartean, 50 eta 75 metro arteko orbana iritsi da Cadizko Poniente hondartzara, Linea de la Concepcion kostaldean.
Andaluziako Osasun eta Kontsumo Kontseilaritzak debekatu egin du hondartza horretan bainatzea eta 150 metro inguruko gunea hesitu du. Udaleko garbiketa talde bat aritu da bertan lanean, eta hondakinak kendu ditu jada.
Gibraltarko Portuko Autoritateak (Gibraltar Port Authority, GPA) bihar aldatuko du une honetan "OS 35" ontziari atxikita dagoen hesia, eta diamante itxurako beste bat ezarriko du, gogorragoa.
Aske gelditu da ontziko kapitaina
Istripuaren eraginari aurre egin bitartean, aurrera dirau horri buruzko ikerketak. "OS 35" ontziko kapitaina fidantzapean aske utzi dute atzo atxilotu ostean, eta britainiar koloniatik ateratzea debekatu.
Atxiloketaren aurretik, Fabian Picardo Gibraltarko ministro nagusiak adierazi duen talkaren ostean gelditzeko eskatu ziotela ontziari, baina "ez zen gelditu, ez zituen Gibraltarren aginduak jarraitu eta kalterik ez zuela esan zuen".
"Itsasarterantz atera zen ontzia, bidaia jarraitzeko eta, behin Itsasartera iritsita, Gibraltarren aginduen aurka, hainbeste ur sartu zen ontzian ezen kapitainak ezin izan zuen bidaia jarraitu, eta Gibraltarko Kapitaintzaren aginduak onartu behar izan zituen orduan", gaineratu du.
Albiste gehiago gizartea
Palestinarekin Elkartasuna plataformak euskal hiriburuetako jaietan mobilizatzeko deia egin du
Plataformak "hipokrisia" leporatu die gobernuei eta hedabideei, eta manifestazioak deitu ditu Gasteizen (abuztuaren 6an), Donostian (abuztuaren 10ean), Bilbon (abuztuaren 15ean) eta manifestazio nazionala Iruñean (urriaren 4an).
Bilboko kale-saltzaileen aurkako sarekadak areagotu direla salatu dute
Udaltzainenganako errespetua eskatu du Bilboko Udalak. Manteroek diote euren egoera legeztatzea ezinbestekoa da bestelako lanetarako aukera izateko. Sarekadak salatzeko protesta deitu du biharko Bizkaiko Manteroen Elkarteak.
Bi atxilotu Gasteizen, gizon bati indarkeriaz lapurtzea leporatuta
04:15 aldera jazo da lapurreta, hiriburuko parke baten inguruan. 31 eta 29 urteko atxilotuak epailearen esku utziko dituzte, beharrezko izapideak amaitutakoan.
Atxilotu bat Ordizian kokaina, 10.000 euro eta kontrabandoko tabakoa zeramala
Gidaria atxilotu dute substantzia estupefazienteen trafikoko ustezko delitua egotzita, eta deklaratu gabeko tabakoa edukitzeagatik.
Tigre-eltxoaren kontrako fumigazio lanak egin dituzte bart Hendaian
Lapurdin chikungunya gaitzaren lehen kasua agertu ondoren egin dituzte desinfekzio lanak, Hendaiako igerilekutik, tren geltokiraino. 22:00etatik 07:00ak arte kaleak erabat itxita egon dira, eta bizilagunek agintarien aginduak errespetatu behar izan dituzte. Herritarrak kezkatuta agertu dira, ez dakitelako zer-nolako eragina izan dezakeen erabilitako produktuak haien egunerokotasunean. Fumigazioaz arduratutako enpresak dio erabilitako produktua ez dela kaltegarria, eta tigre-eltxoen % 80 bat hiltzea lortzen dutela.
20.000 sinadura, txosnak Euskal Herriko ondare inmaterial izendatzeko
Bizkaiko, Gipuzkoako eta Arabako txosnen batzordeek adierazi dute jaigune horiek "arriskuan" daudela, eta ondare inmaterial izendatzeko eskaera sinatzen eta zabaltzen jarraitzeko deia egin dute.
Zeledonek prest ditu aterkia eta ardo-zahatoa, kanpandorretik jaitsi eta Andre Maria Zuriaren jaiei hasiera emateko
Zuzeneko musikak, kalejirek, ekintza herrikoiek eta familia guztientzako proposamenek beteko dituzte Gasteizko kaleak abuztuaren 4tik 9ra, sei eguneko jai giroan.
Karabela portugaldarrak topatu dituzte Bakioko hondartzan beste egun batez uda honetan
Goizean, marmokak ikusi dituzte Bizkaiko zazpi hondartzatan, eta, atzo arratsaldean, Zurriolako hondartzan bainua hartzea debekatu behar izan zuten, karabela portugaldarrek eragindako "ziztada ugari" zenbatu baitzituzten, horietako batzuk nahiko larriak.
Auroroek Gasteizko Alde Zaharrean barrena abestu dute, Andre Maria Zuriaren jaietarako deia eginez
Igande honetan izandako Arrosarioaren Prozesioak milaka gasteiztar bildu ditu, Andre Maria Zuriaren horma-hobiaren aurrean hasita eta San Migel elizan egindako meza batekin bukatuta.
"Bakean eta indarkeriarik gabeko" Gasteizko jaiak aldarrikatu ditu Roberto Ugarte Euskadiko Orkestrako zuzendariak
2025eko Andre Maria Zuriaren jaietako pregoiaren protagonista musika izan da. Izan ere, piano doinuek pregoia girotu dute. "Gasteiz musika da", azpimarratu du Ugartek. Ondoren, Maider Etxebarria Gasteizko alkateak jaietako zapia jarri dio.