Ikastolek "ausardia" eskatu diote Eusko Jaurlaritzari hezkuntza sistema propioa lortzeko
Ikastolek "ausardia eta kemena" eskatu diete Eusko Jaurlaritzari eta alderdi politikoei "euskal hezkuntza sistema propioaren bidean urrats sendo bat emateko". Hezkuntzaren Euskal Legearen zirriborroa kritikatzeaz gain, "ekarpen, zuzenketa, negoziazio eta adostasun" berriak espero dituzte.
Bergarako (Gipuzkoa) Seminarixoa aretoan ikastolen 2022-2023 ikasturteari hasiera emateko ekitaldia egin da larunbat honetan, eta, besteak beste, bertan izan da Jokin Bildarratz Eusko Jaurlaritzako Hezkuntza sailburua.
Eusko Jaurlaritzako Hezkuntza Sailak duela egun gutxi argitaratutako Hezkuntza Legearen lehen zirriborroa izan da hitzorduaren gai nagusia.
Koldo Tellitu Ikastolen Elkarteko presidenteak adierazi duenez, ikastolak "atsekabetuta" daude testu horrekin, eta espero du "ekarpenak, zuzenketak, negoziazioak eta adostasunak eginda, benetan behar dugun Hezkuntza Legea egitea".
Tellituk onartu du zirriborroak "puntu positiboak" dituela, hala nola "Hezkuntzako Euskal Zerbitzu Publikoa sortzea, doakotasunaren printzipioa eta Derrigorrezko Hezkuntza amaitzean ikasleek eskuratu beharreko hizkuntza-gaitasunak".
"Etsipena" ekarri duten gaien artean, aipatu du Hezkuntzako Euskal Zerbitzu Publikoan sartzen diren ikastetxeek ez dituztela eskubide eta betebehar berberak izango, eta horrek, bere aburuz, "dikotomia publiko-pribatua" betikotuko duela.
"Gainera, ikastolak ez gara identifikatzen ikastetxe pribatu itunduak izenburuarekin agertzen diren definizioekin", azaldu du, ez dutelako islatzen ikastetxe horien "izaera komunitarioa, kooperatiboa eta antolatzeko modua". "Ikastolak sare propioa gara, izaera publiko desberdinarekin, sare bat Euskal Herri osoan", adierazi du.
Halaber, kritikatu du zirriborroak, derrigorrezko ikasketen amaieran ikasleek lortu behar duten euskararen ezagutza-maila ezartzen duen arren, ez duela aipatzen "Hezkuntza Itunean agertzen zen murgiltze-eredua edo ikaskuntza-eredu orokor inklusiboa".
Horren aurrean, "Hezkuntza euskalduna" aldarrikatu du, "euskara eta euskal kultura hezkuntza-proiektuan protagonista nagusi eta lehentasunezko elementu direla". "Euskarak ezin du hizkuntza soil baten tratamendua jaso. Herrialde baten, gure herrialdearen, kulturaren eta izaeraren oinarria da", azpimarratu du.
"Euskal curriculuma, belaunaldiz belaunaldi euskal kulturaren transmisioa ziurtatzeko ezinbesteko beste elementu bat" ez dela aipatzen ere gaitzetsi du. Ikastolen presidentearen ustez, Legearen zirriborroak "Euskal Herria ahazten du", eta ez du azaltzen "nola gauzatuko duen ikasle eta familia guztiei hezkuntzarako eskubidea bermatzeko doakotasun helburua".
Tellituk "Hezkuntzako Euskal Zerbitzu Publiko bat eratzearen alde" egin du, "arlo publikoaren kontzeptu berri bati ateak irekiko dizkiona, funts publikoez hornitutako ikastetxeek eskuratu ahal izan dezaten, baldin eta, beren nortasunari eutsiz eta eskubide eta betebehar berberekin, hezkuntza-zerbitzuaren ezaugarriak betetzen badituzte eta ikasle guztien hezkuntzarako eskubidea bermatzen badute, inolako diskriminaziorik gabe".
Hala, "ikastetxeei benetako autonomia aitortuko dien sistema bat" aldarrikatu du, "beren proiektuak eraginkortasunez garatzea ahalbidetuko diena, gauzatzeko baliabide materialak ziurtatuko dizkiena, eta giza baliabideak eta baliabide materialak gardentasunez eta autonomiaz kudeatzeko gaitasuna aitortuko diena".
Ulertzen "zailak" diren kritikak
Ikastolen Elkarteko presidentearen kritikak entzun ondoren, Jokin Bildarratz Hezkuntzako arduradunak esan du ez duela ulertzen ikastolek "desengainuaz" hitz egitea finantzaketaren edo legearen oinarrien inguruan egin dituzten topaketen ondoren. Era berean, Hezkuntza Legea etorkizunari aurre egiteko "erabakigarria" delako lanean jarraituko dutela aurreratu du.
"Ikastolei diru gehiago emateko akordioa onartu dugu, datozen urteetarako finantzaketa bermatu dugu, eta legearen oinarriak jarri ditugu mahai gainean, besteak beste. Horretan elkarrekin lan egin ondoren, desengainu hitza entzun behar izan dugu, eta niretzat zaila egiten zait ulertzea", adierazi du.
Zure interesekoa izan daiteke
Ikusmin handia EITBren Bilboko egoitzan, Olentzero eta Mari Domingi agurtzeko eta azken gutunak emateko
Haurren gutunak jasotzen eta haiekin argazkiak egiten izan dira biak ostiral arratsaldean, Bilboko kaleetan zehar egingo duten kalejiraren aurretik. Abenduaren 23an izango da hori, eta zuzenean jarraitu ahal izango da streaming bidez eitb.eus-en, 18:30etik aurrera, Anabel Arrizaren eta Aritz Mendiolaren kontakizunarekin. Emanaldia asteazken arratsaldean emitituko da ETB1en.
Migrazioa delinkuentziarekin eta zerbitzu-abusuarekin lotzen dutenen kopurua jaitsi da
Ikuspegi Immigrazioaren Euskal Behatokiak egindako azterlan baten arabera, euskal herritarren % 10ek baino gutxiagok aipatzen du immigrazioa herrialdeko arazo nagusietako gisa, eta % 2,7k baino ez dio modu pertsonalean eragiten diola.
Gipuzkoako Auzitegiak absolbitu egin ditu haurra hiltzen saiatzeagatik akusatu zituzten gurasoak
Gipuzkoako Probintzia Auzitegiak absolbitu egin ditu gurasoak, haurra hiltzen saiatzeagatik akusatu ostean; ondorioztatu du ezin izan dela frogatu, neskatoaren lesioek jatorri traumatikoa zutenik edo kolpe baten ondorio zirenik.
3I/ATLAS kometa Lurrera ahalik eta gehien hurbildu da, eta ezustekorik gabe urruntzen ari da
Zientzialari errusiarrek baztertu egin dituzte, berriro ere, estralurtarren ustezko ontzi bat zela zioten teoriak.
Lau gaztetik batek frankismoari buruzko pertzepzio positiboa du
Egonkortasun ekonomikoa eta gizarte-ongizatea ekarri zituela iritzi diote, azken Deustobarometro Sozialaren arabera. Etxebizitza eskuratzea da euskal gizartearen arazo Nagusia.
Guardia Zibilak erietxera eraman ditu Beloradotik joandakoekin Urduñan bizi ziren mojetako bost, osasun-baldintza kaxkarretan zeudelakoan
Ostegun honetan Santa Klarako monastegitik 87 eta 101 urte arteko bost moja atera dituzte eta Basurtuko erietxera eraman dituzte azterketa egitera, epailearen aginduz. Guardia Zibilak jakitera eman duenez, emakumeak osasun-baldintza txarretan bizi zirela egiaztatu ahala izan dute. Adierazpen horiek gezurtatzeko helburuz, etxeko mojetako batek sareetan zabaldu ditu eraikin barruko irudiak.
Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.
Moto gidari bat zauritu da Donostian, GI-20an hainbat ibilgailuren artean izandako istripuan
08:00ak aurretik izan da ezbeharra eta errepidea itxita gelditu da momentuan, auto ilara luzeak eraginez. Geroxeago zabaldu ahal izan dute erreietako bat.
Gabonak, inoiz baino garestiago: trikimailuak eta alternatibak, gure menua merkatzeko
Arkumea, bisigua, turroia, ostrak, anana... Gabonetan pairatzen dugun prezioen gorakadaren ondorioz, produktu batzuk gure mahain izatea ia ezinezkoa izaten da. Baina ez etsi, alternatiba goxoak egon badaude gure Gabonetako menua hain garestia ez izateko.
Elkartasun uholde bati esker, EITB Maratoiak 361.665 euro batu ditu zahartze osasuntsuaren aldeko ikerketarako
Beste urte batez, ehunka pertsonak eta erakundek euren onena eman dute zahartze osasungarria ikertzeko dirua biltzeko. Guztira, egun osoan zehar, EITB Maratoiak 361.665 euro batzea lortu du, eta kopuru horrek hazten jarraituko du datozen egunetako dohaintzei esker.