Lehen Arretan betetzeko zailak diren lanpostuetarako pizgarriak lantzen ari dira, Sagarduik esan duenez
Gotzone Sagardui Eusko Jaurlaritzako Osasun sailburuak argitu duenez, Osasun Saila ari da Lehen Arretan betetzeko zailak diren lanpostuetarako, besteak beste landa eremukoak, pizgarriak "pentsatzen eta lantzen", eta profesionalentzat "erakargarrienak" direnak martxan jartzeko prest agertu da.
Euskadi Irratiko "Faktoria" saioan zehaztu du pizgarri horiek ez dutela soilik soldata alorrekoak izan behar, eta ordutegi moldaketak ere eskatu dituztela profesionalek, baita Lan Eskaintza Publikoetan (LEP) pisu handiagoa izatea ere. Horiek guztiak gaur egun dauden ordainsariei batuko zaizkiela azpimarratu du.
Pandemia tarteko, itxaron zerrendak hazi egin direla eta, Sagarduik esan du hori konpontzeko lanean ari direla, eta jakinarazi du urtarrila eta ekaina bitartean, bederatzi egunean murriztu dutela itxaronaldia. Gogorarazi duenez, "hiru hilabetez, azarotik urtarrilera, geldi egon behar izan ginen, eta premiazkoak ziren kirurgiak bakarrik egin genituen. Ez dugu ahaztu behar nondik gatozen".
Musukoa garraio publikoan derrigorrezkoa izateko neurria altxatuko ote den galdetuta, sailburuak azpimarratu du Osasun Publikoko lurralde arteko batzordean gaia ez dela eztabaidatu ere egin, eta Osasun Sailak eta berak uste dutela erabakia irizpide zientifikoetan oinarrituta hartu behar dela.
Azkenik, ESK sindikatuak egindako salaketa hizpide —LEPan irregulartasunak salatu zituzten hiru anestesistetatik bik lana utzi dutela "tratu txar eta jazarpen instituzionalagatik"—, Sagarduik azpimarratu du Osakidetzak "berdin, errespetuz eta dagozkien baldintzekin", tratatzen dituela profesional guztiak. Hartara, babesa agertu dio Osakidetzaren zuzendaritzari: "Ez da egon tratu ezberdinik, ez txarrik ez onik. Denei tratu bera ematen diegu".
Zure interesekoa izan daiteke
GOIDIaren biktimak: "Gure senideak ez zituen klimak hil, kudeaketa txarrak eta zientziarekiko errespetu faltak baizik"
GOIDIAren Biktimen Elkartearen presidenteak, Rosa Alvarezek, deitoratu egin du Kongresuko ikerketa-batzordeak kondenatzeko legezko baliorik ez izatea, eta, "garaipen soziala" dela esan duen arren, azpimarratu du oraindik pauso handi bat geratzen dela emateko: Mazon espetxera bidaltzea.
Ezkutatutako gailuak baliatuta gidabaimen-azterketan kopiatzen saiatu diren bi lagun harrapatu dituzte Bilbon
Agente batzuk ohartu ziren bi gizonek jarrera urduria eta antinaturala zutela, eta bularra ordenagailuaren pantailaren ondoan zutela azterketa egin bitartean.
Shein, AliExpress, Temu eta Wish jomugan, haur itxurako panpina sexualak saltzeagatik
Frantziako Gobernuak Shein plataforma debekatzearekin mehatxu egin du, panpina horiek merkatutik erretiratzen ez baditu. Online merkataritzako erraldoia, bere aldetik, Frantziako Justiziarekin kolaboratzeko prest agertu da, Parisko Fiskaltzak ikerketa abiatu ondoren.
Gizon batek bikotekidea hil du Zaragozan
Auzokideek Polizia Nazionalari deitu diote, bikotearen etxean liskar gogor bat izan dela jakinarazteko. Patruila bat bertaratu da, eta emakumearen gorpua aurkitu dute, labankadak dituela. Ustezko hiltzailea dagoeneko atxilotu dute.
Nortzuk dira Espainiako aberatsenen Forbesen zerrendan agertzen diren bost euskal herritarrak?
Daniel Mate donostiarra (Glencore) da euskal ordezkaritzaren buru Forbesen zerrendan. Ondoren, De Urrutia, Ybarra eta Arregui familiak eta Jose Antonio Jainaga siderurgiako enpresaburua daude. Burtsak gorabehera, Euskal Herriko aberatsek Estatuko mapa ekonomikoan duten indarrari eutsi diote.
Mariatxi talde batek Bizkaiko DYAko presidente ohia hartu du Bizkaiko Lurralde Auzitegiaren atarian
Fernando Izaguirre Bizkaiko DYAko presidente ohia epaitzen hasiko dira astearte honetan, gobernuz kanpoko erakundearenak ziren 4,75 milioi euro bereganatzea leporatuta. Fiskaltzak eskatu du akusatu naguiak 7 urteko kartzela-zigorra bete dezan, iruzurra egitea egotzita.
Ikerketa batek melatonina luzaroan kontsumitzea bihotz-gaixotasunen bat izateko arriskuarekin lotu du
Amerikako Bihotzaren Elkarteak aurkeztutako lan batek eztabaida sortu du adituen artean, iradoki baitu urtebete baino gehiagoz melatonina hartzeak bihotz-gutxiegitasuna izateko arriskua areagotu dezakeela. Espezialistek lasaitasunerako deia egin dute, eta gogorarazi dute farmazietan errezetarik gabe saltzen diren produktuak ezin direla bi miligramotik gorakoak izan.
Abisu horia baso-sute arriskuagatik EAEn
Abisua indarrean egongo da asteartean eta asteazkenean, hegoaldeko haize-bolada bortitzak aurreikusten direlako.
Gaur hasiko da Bizkaiko DYAko presidente ohiaren aurkako epaiketa, 4,75 milioi euro bereganatzea leporatuta
Fiskaltzak 7 urteko espetxe-zigorra eskatu du.
21 urteko gizonezko bat atxilotu dute Gasteizen, bikotekideari eraso egin eta telefono mugikorra kentzeagatik
Gertakariak joan den larunbatean jazo ziren, 08:30 inguruan.