Hezkuntza Legeak "euskarazko eredu orokortu eta inklusiboa" jaso dezala eskatu dute Hezkuntzako eragileek
Eusko Jaurlaritzak prestatu duen Hezkuntza Legearen zirriborroaren harira, Kontseiluak eta Hezkuntza komunitateko zazpi eragilek beren ekarpenak aurkeztu dituzte gaur goizean. Besteak beste, legeak "euskarazko eredu orokortu eta inklusibo" berri bat jaso beharko lukeela uste dute, "berdintasunaren eta kohesioaren bidean" ikasle guztiak euskaldunak eta eleaniztunak izan daitezen.
Kontseiluak, Ikastolen Elkarteak, EHIGEk, HEIZEk, Hik Hasik, ELAk, LABek eta STEILASek bat egin eta proposamen "integrala" egin diote Hezkuntza Lege berriaren zirriborroari.
Paul Bilbao Kontseiluko idazkari nagusiak aurkeztu du proposamenaren edukia. Hezkuntza komunitateko eragileen arabera, legearen aurreproiektuak ez du argi zehazten zein izango den etorkizuneko hezkuntza eredua Araban, Bizkaian eta Gipuzkoan.
Sinatzaileek ezinbestekotzat jotzen dute hezkuntza eredu bakarra izatea, euskarazkoa, orokorra eta inklusiboa izango dena. Paul Bilbao Kontseiluko idazkari nagusiak azpimarratu du ikaskuntza prozesua ikastetxearen eta ikaslearen errealitatera egokitu beharko litzatekeela: "Euskara gutxiago duenari euskara gehiago ematea. Ezin onar daiteke euskara gutxiago duena euskara gutxiagorekin konformatu behar izatea, bazterketa soziala bultzatzea".
Halaber, Hezkuntzako eragileak ados daude ikasleek Derrigorrezko Bigarren Hezkuntza amaitzen dutenerako B2 maila eduki behar izatearekin, gutxienez. Irakasleen kasuan, ostera, gutxienez C1 maila izan dezaten eskatzen dute.
Gaur aurkeztutako proposamen bateratua 29 artikulutan egituratu dute. Esaterako, irakaskuntzarako sarrera eta horniketa, ikastetxeetatik kanpoko eskaintza, ebaluazioa, euskararen beste lurraldeekiko lankidetza, lanbide-heziketa, eta kirol- eta arte-ikaskuntzak. Horrez gain, ikastetxeak euskararen arnasgune bihurtzea eskatzen dute, "ikasleak euskaraz normaltasunez bizi daitezen".
Eusko Jaurlaritzak irailean aurkeztu zuen Hezkuntza Legearen zirriborroa, eta datozen egunetan amaituko da ekarpenak egiteko epea. Ondoren, Eusko Legebiltzarrari igorriko diote testua.
Hurrengo urratsak
Gaur bat eginda agertu diren eragileek proposamena erregistratuko dute Eusko Jaurlaritzak zabaldutako prozesuan. Gero, alderdiei helaraziko diete, horrela nahi izanez gero ekarpenak egin ditzaten. "Abenduan ikusi beharko dugu zer-nola jasotzen den zirriborroan, eta horren arabera, etorkizuneko estrategia definituko dugu", azpimarratu dute.
Albiste gehiago gizartea
Albiste izango dira: Karmen Eguna, Torre Pacheco eta Sitgesko zinema jaialdiaren aurkezpena
Gaurkoan albiste izango direnen laburpena, bi hitzetan.
Istilurik gabeko gaua Torre Pachecon, baina tentsioak jarraitzen du ultraeskuindarren deialdi berriengatik
Ultraeskuindarrek kontzentrazioa deitu zuten atzo, baina ez zen istilurik izan, poliziaren presentziagatik. Deialdi berrien aurrean segurtasuna indartu dute. Hainbat hedabidetako kazetariek ehun bat ultraren jazarpena sufritu dute.
Guardia Zibilak talde ultren manifestazioa geldiarazi du Torre Pachecon
Dozenaka pertsona zeuden bilduta “Herriak bakarrik salbatzen du herria” lelopean.
Donostiako Piratek Aste Nagusi herrikoi eta anitza prestatu dute, musika, joko eta abordatze tradizionalarekin
Donostiako Piratek omenaldia egingo diote Donostiako Pentsiodunen Mugimenduari, haiek izango dira abuztuaren 9tik 17ra jaietako astea ofizialki irekiko duen txupinazoa botako dutenak.
2025eko Sanferminetan 1,6 milioi pertsona bildu dira jai giroan eta istilu gutxiagorekin
Iruñeko Udalak oso positibotzat jotzen du errespetuzko giroak, delituen murrizketak eta jarduera askotan parte hartzearen igoerak markatutako jaien garapena.
Espetxera Ordizian lau ertzaini eraso egiteagatik atxilotutako bi pertsonetako bat
Tolosako epaitegi batek behin-behineko espetxealdia ezarri dio, agintaritzaren aurkako atentatua eta lesio delitua egotzita. Aldiz, atxilotutako bigarren gizona aske geratu da, kautelazko neurririk gabe.
Espetxera bidali dute Torre Pachecon gizon bati egindako erasoarekin lotura duelakoan Errenterian atxilotutako gizasemea
Ertzaintzak astelehenean atxilotu zuen Errenterian, Irunerako trena hartzera zihoala, antza denez, muga zeharkatzeko asmoz.
Bakioko udalekuetako gurasoak: "Enpresarekin harremanetan jartzen saiatu gara baina inork ez digu erantzuten"
Udalekura iritsi eta berehala, haurrek deitu zieten gurasoei haien bila joan zitezela eskatzeko. Gurasoen salatzen dutenez, Veranoaventura udalekuak antolatzen dituen enpresarekin harremanetan jartzen saiatu dira, baina inork ez die azalpenik eman. Erakundeei iruzurra argitzeko laguntza eskatzen diete.
Bakioko Udalak udaleku bat ixteko agindu du, haurren segurtasuna bermatzeko
Uztailaren 13an, igandea, Udaltzaingoa udalekua egiten ari ziren eraikinera joan zen, hainbat familiak jarritako salaketek bultzatuta. Bertan, poliziek "higiene eta segurtasun falta" nabarmena zegoela atzeman zuten. Familiek 500eriroren bueltan ordaindu zituzten, seme-alabek "esperientzia ahaztezina" bizi zezaten.
Euskadin, hildakoen batez besteko adina 81,7 urtekoa da
2024an, guztira, 22.392 lagun hil ziren, aurreko urtean baino % 0,4 gehiago, Eustat Euskal Estatistika Erakundeak argitaratutako azken datuen arabera.