Hezkuntza Plazara ekimenak "etsipena eta kezka" agertu ditu Euskal Hezkuntza Legearen zirriborroarekiko
Azken 40 urtean Euskal Autonomia Erkidegoan indarrean egon den Hezkuntza Lege orokorra ordezkatuko duen lege berriaren aurreproiektuak zeresana ematen jarraitzen du. Euskal Eskola Publikoaz harro plataformak, Kontseiluak, Ikastolen Elkarteeek, sindikatuek zein bestelako hainbat eragilek zalantzan jarri dute irailean aurkeztutako zirriborroa. Atzo bertan, ELAk, LABek eta Steilasek grebara deitu zuten, Hezkuntza Legearen aurreproiektuaren zirriborroa arbuiatzeko eta Podemos Ahal duguren babesa jaso zuen deialdiak.
Gaur, Hezkuntza Plazara ekimenak "etsipena eta kezka" agertu ditu Hezkuntza legerako lehen zirriborroarekiko eta lege on bat lortzeko "herri bultzada sendo bat eraikitzeko sugar bilakatu beharra" dagoela adierazi dute Bilboko Kafe Antzokian egindako agerraldian.
Hezkuntza akordioaren fasea adostasun politiko zabalez itxi zela apirilean gogoratu dute, baina irailean argitaratu den lehen zirriborroaren edukia ikusita, ekimeneko bozeramaileek uste dute akordioaren oinarrizko elementuak "desagertu eta desitxuratu" egin direla. Era berean, zirriborroari "zehaztasuna eta anbizioa" falta zaizkiola uste dute.
Iraileko dokumentuak ez ditu euren hitzetan nahikoa baliabide jastotzen, ezta ebaluazio zein zuzenketa neurririk ere. Halaber, EAEreko Legea dela jakin arren, Euskal Herri guztia kontuan hartu beharko lukeela uste dute, eremu administratibo ezberdinen arteko elkarlanerako atea irekita utziz.
Ikasle guztiak euskaraz B2 maila lortzeari buruz, helburu egokia dela esan dute baina zirriborroak ez dituelako horretarako baliabideak zehazten kritikatu dute.
2020an aurkeztu zen Hezkuntza Plazara ekimena Hernanin, 16 urte lehenago onartu zen Euskal Herriko Oinarrizko Hezkuntza Akordioa delakoa berritzeko helburuz.
Zure interesekoa izan daiteke
21 urteko gizonezko bat atxilotu dute Gasteizen bikotekideari eraso egitea eta telefono mugikorra kentzeagatik
Gertakariak joan den larunbatean jazo ziren, 08:30 inguruan.
Asteburu honetan egingo dute udazkeneko bilketa handia elikagaien bankuek
Beharra duten familiei laguntzeko, elikagaiez eta bestelako hainbat produktuz biltegiak betetzea dute helburu elikagaien bankuek. Aurten, dohaintzez gainera, lanerako boluntarioak ere eskatu dituzte.
Liztor asiatikoa, espezie inbaditzaile eta kezkagarria
Bi aste eskasetan hiru pertsona hil dira Galizan liztor asiatikoaren ziztadez. Horrek espezie inbaditzaile honekiko kezka areagotu egin du Euskal Herrian ere. Zer egin beharko genuke liztor asiatikoaren habia ikusten badugu? Oier Alberdi liztor beltzaren tratatzaileak zenbait aholku eman ditu gai konplexu honen aurrean.
Taldean egindako eraso faxista eta LGTBIfobiko bat salatu dute Gorraitzeko jaietan
Berhezi Berdintasun Kontsultorioak azaldu duenez, taldeak ikur frankistak eta falangistak zeramatzan. Bestalde, Kontsultorioak Eguesibko Udalaren isiltasuna kritikatu du, irailean gertatutako erasoaren aurrean.
Motor-gidari bat hil da Lemoizen gertatutako trafiko-istripu batean
Istripua gertatu den BI-3152 errepidea itxita dago, eta Ertzaintzak izapideak ireki ditu arrazoiak argitzeko.
Sarrigurenen atxilotutako gizona espetxeratu dute, adingabe bati sexu-erasoa egiteagatik
Fiskaltzak behin-behineko espetxeratzea eskatu du, komunikatua eta fidantzarik gabea, 16 urteko adingabe bati penetrazioarekin egindako sexu-eraso (bortxaketa) delitu batengatik.
Hizkuntza Ofizialen Kontseilu berria eratu da, "forma eta funtsa" aldatuta
Osaera berria izango du, eta berritasun nagusienetako da kontseilura batuko direla autonomia erkidegoetako hizkuntza politiketako ordezkariak.
Lagun bat ospitaleratu dute Gasteizen, patinetea lehertu eta kea arnasteagatik
Ibilgailuak lokal baten barruan egin zuen eztanda, eta jabeek bateria bertatik atera eta su-itzalgailu batekin busti zuten, suhiltzaileak iritsi aurretik.
Gizon bat atxilotu dute bikotekide ohia hiltzea leporatuta, Huelvan
47 urteko emakumezko biktimaren lankideek horren gorpua aurkitu zuten, indarkeria zantzuekin, lan egiten zuen eta bizi zen nekazaritza-lursailean bertan. Emakumearen alabak joan den astean Guardia Zibilari jakinarazi zionez, atxilotuak ama mehatxatu egin zuen, beste pertsona batekin ezkonduko zela iragarri ondoren.
Gabonetako trena, gaueko lasterketa eta mahai-futbol txapelketa: Bilboko metroak 30 urte bete ditu, eta ospatzen dabil
Bilboko metroak hiru hamarkada beteko ditu aurten, eta kontzertuak, zozketak eta dekorazio bereziak egingo ditu, baita Gabonetako trena, futbolin-txapelketa eta Underrun gaueko lasterketa ere.