Hezkuntza Legeak "euskarazko eredu orokortu eta inklusiboa" jaso dezala eskatu dute Hezkuntzako eragileek
Eusko Jaurlaritzak prestatu duen Hezkuntza Legearen zirriborroaren harira, Kontseiluak eta Hezkuntza komunitateko zazpi eragilek beren ekarpenak aurkeztu dituzte gaur goizean. Besteak beste, legeak "euskarazko eredu orokortu eta inklusibo" berri bat jaso beharko lukeela uste dute, "berdintasunaren eta kohesioaren bidean" ikasle guztiak euskaldunak eta eleaniztunak izan daitezen.
Kontseiluak, Ikastolen Elkarteak, EHIGEk, HEIZEk, Hik Hasik, ELAk, LABek eta STEILASek bat egin eta proposamen "integrala" egin diote Hezkuntza Lege berriaren zirriborroari.
Paul Bilbao Kontseiluko idazkari nagusiak aurkeztu du proposamenaren edukia. Hezkuntza komunitateko eragileen arabera, legearen aurreproiektuak ez du argi zehazten zein izango den etorkizuneko hezkuntza eredua Araban, Bizkaian eta Gipuzkoan.
Sinatzaileek ezinbestekotzat jotzen dute hezkuntza eredu bakarra izatea, euskarazkoa, orokorra eta inklusiboa izango dena. Paul Bilbao Kontseiluko idazkari nagusiak azpimarratu du ikaskuntza prozesua ikastetxearen eta ikaslearen errealitatera egokitu beharko litzatekeela: "Euskara gutxiago duenari euskara gehiago ematea. Ezin onar daiteke euskara gutxiago duena euskara gutxiagorekin konformatu behar izatea, bazterketa soziala bultzatzea".
Halaber, Hezkuntzako eragileak ados daude ikasleek Derrigorrezko Bigarren Hezkuntza amaitzen dutenerako B2 maila eduki behar izatearekin, gutxienez. Irakasleen kasuan, ostera, gutxienez C1 maila izan dezaten eskatzen dute.
Gaur aurkeztutako proposamen bateratua 29 artikulutan egituratu dute. Esaterako, irakaskuntzarako sarrera eta horniketa, ikastetxeetatik kanpoko eskaintza, ebaluazioa, euskararen beste lurraldeekiko lankidetza, lanbide-heziketa, eta kirol- eta arte-ikaskuntzak. Horrez gain, ikastetxeak euskararen arnasgune bihurtzea eskatzen dute, "ikasleak euskaraz normaltasunez bizi daitezen".
Eusko Jaurlaritzak irailean aurkeztu zuen Hezkuntza Legearen zirriborroa, eta datozen egunetan amaituko da ekarpenak egiteko epea. Ondoren, Eusko Legebiltzarrari igorriko diote testua.
Hurrengo urratsak
Gaur bat eginda agertu diren eragileek proposamena erregistratuko dute Eusko Jaurlaritzak zabaldutako prozesuan. Gero, alderdiei helaraziko diete, horrela nahi izanez gero ekarpenak egin ditzaten. "Abenduan ikusi beharko dugu zer-nola jasotzen den zirriborroan, eta horren arabera, etorkizuneko estrategia definituko dugu", azpimarratu dute.
Zure interesekoa izan daiteke
Gizon bat atxilotu dute Barakaldon, Poliziarengandik ihesi zihoala bost ibilgailurekin talka egin eta zortzi pertsona zauritu ostean
Polizia iturrien arabera, agenteak berarengana hurbildu ziren, ustez estupefazienteak kontsumitu ostean kotxea gidatzera zihoalako.
Epaileak aske utzi ditu Hezbolarekin zerikusia dutelakoan Bizkaian atxilotutako bi lagunak
Pasaporteak kendu dizkiete eta hamabost egunean behin epaitegian agertu beharko dute. Bi gazteak Iranekin bat plataformako kideak dira; talde horrek "inperialismo genozida salatzearen" aurkako kanpaina bat salatu du.
Emakume bat hil da Tuteran, auto istripu batean
Ezbeharra NA-134 errepidean gertatu da, gaur arratsaldean. Hildako emakumeak gidatzen zuen autoak kamioi bat jo du aurrez aurre.
Osakidetzak gezurtatu egin du igandeko erizaintzako proba beroagatik bertan behera geratu dela
Osasun Sailak zehaztu du proba aurreikusita zegoen bezala egingo dutela, eta gogorarazi du Osakidetzak bere kanal ofizialen bidez ematen duela balizko aldaketen berri.
Iganderako aurreikusitako hainbat ekitaldi bertan behera utzi dituzte, bero handia dela eta
Bilbon, hiribilduaren sorreraren 726. urteurrenaren desfile ofiziala ez dute egingo. Bestalde, Gogorak bertan behera utzi du Artxandan egin behar zuen gudari eta milizianoen omenaldia. Sopelan, Kosta Trail mendi lasterketa bertan behera geratu da, eta Barakaldon hainbat ekitaldi moldatu dituzte.
Osakidetza kontaktuak bilatzen ari da Trapagarango klub batean tuberkulosi kasu bat antzeman ondoren
Euskal Osasun Zerbitzua proba diagnostikoak zabaltzea eta establezimenduko langileak banan-banan deitzea aztertzen ari da, miaketa osatzeko eta kutsatze berriak baztertzeko.
Basauriko banketxe batean lapurreta egin zuen gizonaren bila ari da Ertzaintza
Lapurreta ostegunean gertatu zen, 14:45 aldera, eta gizonak dirua hartu eta ihes egitea lortu zuen. Ertzaintzak ikerketa abiatu du, eta oraingoz ez du lapurretaren inguruko datu gehiagorik zabaldu.
Landa eremuetako mugikortasuna aztertuta, EAEko herriguneetako 3 kotxeko 2 daude hiriguneetan
Saretzen txostenean aztertu dituzten Trafiko Zuzendaritza Nagusiaren azken erregistro ofizialen arabera, Hego Euskal Herriko landa eremuetan metropolietan baino % 55 auto gehiago daude biztanleko, eta toki batzuetan bizilagunak baino gehiago dira kotxeak.
Gero eta emakume gidari gehiago dago Hego Euskal Herrian: gizonena halako bi baino gehiago hazi da kopurua azken hamarkadan
2014tik 2024ra, gidabaimena duten emakumeen kopurua % 14raino igo da Nafarroan, gizonen % 6,6ren aurretik; EAEn, aldea hirukoiztu ere egin da ia. Genero-arrakala estutzen ari da horretan, nahiz eta oraindik gizonak gehiago diren errepideetan.
Saretzen txostenaren bitxikeriak: bizilagun baino auto gehiago dituzten herriak eta emakumezko gidaririk gabeko udalerriak
Hegoaldeko mugikortasunaren berezitasunak azaleratu ditu Saretzen txostenak, besteak beste, Bizkaia motorren kopuruaren hazkundean nagusi dela, eta Nafarroak Hegoaldeko autorik zaharrenak dituela.