Balmasedako sutea, 24 orduren buruan: foku guztiak kontrolpean, eta 500 hektareatik gora erreta
Enkarterrietako (Bizkaia) eta Burgos iparraldeko hainbat herri kinka larrian jarri dituen Balmasedako sutea kontrolpean hartzea lortu dute azken orduetan, Eusko Jaurlaritzatik eta Bizkaiko Foru Aldunditik nabarmendu dutenez.
Lehen balantze baten arabera, eta perimetro zehatza ezarri gabe dagoela, 500 hektareatik gora erre ditu suak, Carlos Uriagereka Bizkaiko Foru Aldundiko Mendien Zerbitzuko buruak Balmasedako aginte postutik egindako adierazpenetan jakinarazi duenez.
Uriagerekaren arabera, foku "aktiboena" Herrera auzoan (Zalla) dago, baina "larritasun handirik gabe". "Esan dezakegu normaltasunerantz jotzen ari garela", laburbildu du.
Aurrez, Josu Erkoreka Eusko Jaurlaritzako Segurtasun sailburuak azaldu du "egoera egonkortuta" dagoela, eta sutea ez dela "gehiago hedatuko". Dena dela, perimetroaren barruan ez da baztertzen "han eta hemen zerbait piztea".
Sua Burgosko probintziaren iparralderaino iritsi da. Hori da, hain justu, okerren dagoen gunea. Jaurlaritzak baliabide materialak eta pertsonalak bidali ditu bertara. 200 bat pertsona daude lanean, eta Gaztela eta Leongo Gobernuak espero du sutea egunean zehar egonkortuko dutela.
Sutea zerk eragin duen galdetuta, Josu Erkorekak zehaztu du hori argitzeko ikerketa abian dagoela; "oraindik goiz da hipotesiak egiteko", gehitu du.
Jaurlaritzak, gainera, Baso Suteen Arriskuagatiko Larrialdietako Plan Berezia 0 fasean ezartzea erabaki zuen atzo arratsaldean. Iñigo Urkullu lehendakaria arratsaldeko lehen orduan (14:30ean) joango da Balmasedara, itzaltze lanak bertatik bertara jarraitzeko.
Bestalde, Pedro Izaga Bizkaiko Foru Aldundiko Larrialdi zuzendariak azaldu du "hainbat fokutan" lanean ari direla, eta batez ere Burgoseko mugan dagoela lan gehien, Angostura inguruan (lurraldearen hego-mendebaldean). Gaztela eta Leongo Gobernuak laguntza eskatu dio Bizkaiko Foru Aldundiari, eta horretan ari dira.
Bizkaiko aldean, Cadaguaren ezker eta eskuineko aldeko (Herreran eta Nocedalen) fokuak "kontrolpean" dituzte, baina ez itzalita. Hori horrela, sua agertzen den bakoitzean "kirurgikoki" jardungo dute, garrak amatatzen. Iragarpen meteorologikoaren arabera, haizea eguerditik aurrera apalduko da, eta horrek sutea amatatzen lagunduko du.
Familia batek etxea galdu du
Hiru etxebizitza kiskali ditu suak, baina horietako bi hutsik zeuden. "Familia batek etxebizitza galdu du", deitoratu du Erkorekak.
Aitor Larrinaga Balmasedako alkateak azaldu duenez, suak beste bi etxe kaltetu ditu, baina oraindik kuantifikatzeke daude. Gainera, lau pertsona atera behar izan dituzte euren etxeetatik, eta bi San Roque hotelean daude ostatu hartuta. "Oso une gogorrak izan dira, baina orain, itxaropentsu gaude", onartu du.
Sua larunbatean piztu zen, eta kontrolpean zegoen, baina igandeko haize bolada indartsuak tarteko, sutea berpiztu egin zen, eta kontrolik gabe zabaltzen hasi zen.
Suteak eragindako kea herriaren erdiguneraino iritsi zen, eta Putxeren jaia bertan behera utzi behar izan zuten.
Abisu horia, baso sute arriskuagatik
Atzo alerta laranja ezarri zuten EAE osoan baso sute arriskuarengatik, haize bolada bortitzen eta lurzoruak duen lehortasunaren ondorioz. Gaurkoan, abisu horia dago indarrean arrazoi beragatik.
Haizea tarteko, 780 gertakari erregistratu ditu azken orduetan SOS Deiakek EAEn: 302, Araban; 307, Bizkaian eta 171, Gipuzkoan.
Zure interesekoa izan daiteke
Jendetza bildu du Korrikak Maulen
Arratsaldeko 17:00ak baino minutu batzuk lehenago iritsi da Korrika Euskal Herriko lehen hiriburura, Maulera. Gazte zein heldu, jende andana aritu da lasterka lekukoaren atzetik eta une dibertigarri eta politak bizi izan dira Zuberoako hiriburuan. Lurraldeko eta hiriburuko hainbat elkarte eta herriko etxe ikusi ditugu parte-hartzen, hala nola, Sohütako pastorala, UEU, Palestinaren aldeko elkartea, Pitxu gaztetxea, Xiberoko Botza eta beste hainbat. Handik Nafarroa Beherea alderako bidea hartu du. Gaueko 22:00 pasata sartuko da lurralde hartan Aiherratik.
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
AEK-ko kideek eta Zuberoako euskalgintzan erreferente den Oihana Larrandaburu Goñi atharraztarrak eman diote hasiera lasterketari. Euskal Irratiak sareko kideak izan dira lehenak lekukoa eramaten. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Trafikoa bere onera itzuli da A-8an Irun parean, baina auto-ilara txikiak oraindik daude Kantabriarako noranzkoan, Abanton
Zubiaren hasieran trafiko-eragozpenak izan dira A-8 autobidean.
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe jarraituko du ibilbidea, eguneko 24 orduetan.
ELAk adierazi du CCOOko kide batzuek euskaldunen hizkuntza eskubideen aurkako kanpaina abiatu dutela
ELAk adierazi du bat datorrela AEKrekin, Korrikaren antolatzailearekin, eta babestu egin du CCOOren zuzendaritza lasterketatik baztertzeko erabakia. ELA sindikatuak “euskararen aurka antolatutako kanpaina” baten parte izatea leporatu die CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzen ez uzteko erabakia hartu izana.