Castron senargaiari lepoa mozteagatik akusatutako emakumea "lasai eta botikak hartuta" zegoen
Carmen Merino Castro Urdialesen bikotekideari lepoa moztea akusatutako emakumea "lasai eta botikak hartuta" zegoen biktimaren (Jesus Maria Baranda) garezurra aurkitu zutenean, 2019ko irailean. Garezurra pakete baten barruan aurkitu zuten, eta hilabete batzuk lehenago, lagun bati eman omen zion, etxean gorde zezan, sexu-jostailuak zituela argudiatuta.
Auzipetua zein egoeratan zegoen jakinarazi du gaur, asteazkena, haren aurkako epaiketaren hirugarren saioan, aurkikuntza makabroa gertatu zen etxebizitzara joan zen osasun zerbitzuetako langile batek. Gainera, profesional horrek Kantabriako Probintzia Auzitegiko Hirugarren Sekzioko epaimahaiaren aurrean azaldu duenez, anbulantziaren barruan egoera "bortitz samarra" gertatu zen arreta behar izan zuen emakumeak auzipetuari kargu hartu zionean: "Nola egin ahal izan didazu hau?". Elkarrizketa horren aurrean, osasun langilea "bazterrean" eta "isilik" egon zen.
Lekuko horrek zehaztu du laguna "asaldatuta" zegoela, eta Merinoz esan du "profil lasaia" zuela, eta "bistakoa" zela "botikaren bat hartuta zegoela", adibidez, antsiolitikoekin edo beste farmako deribatu batzuekin, eta horregatik erabaki zutela osasun zentrora eramatea.
Bikotearen lagun batek ere lekukotza eman du gaurko saioan. Lagun horrek 20 urtez ezagutzen zuen Baranda.
Adierazi duenez, biktima azken aldiz ikusi zuen deika hasi eta erantzunik jaso ez baino astebete lehenago gutxi gorabehera. Alferrikako saiakera horien ondoren, susmagarriarekin harremanetan jarri zen, eta hark azaldu zion bikotekideari "telefonoa komunera erori" zitzaiola eta "ez zebilkiola". Hori dela eta, zenbaki berri bat eman zion, baina ezin izan zuen harekin hitz egin, eta, deiren bat egin ondoren, WhatsAppetik mezuak jaso zituen. Elkarrizketa horretan, akusatuarekin hitz egin ondoren, desagertuak zera esan zion lagunari: "Oso gustura nago. Txerri bat bezala nago putzu batean. Ez daukat estaldurarik. Deituko dizut".
Epaiketak ostegunean jarraituko du egiteke dauden lekukotzekin: fiskalaren bat eta defentsaren lau.
Albiste gehiago gizartea
"Nahasmendu delirantea" diagnostikatu diote medikuek Kabiecesen 400 haur baino gehiago txertatu gabe utzi zituen erizainari
Epaiketaren laugarren egunean, auzipetua auzitegian aurkeztu da, baina deklaratzeko moduan ez dagoela onartu du.
Iruñeko Planetarioa berreraikitzeko lanak hasi dira
Urtarrilean kupula larriki kaltetu zuen sutearen ondoren, Iruñeko Planetarioa Tornamira Aretoa zaharberritzen eta eraikina osorik modernizatzen hasi da. Kultura sailburu Rebeca Esnaolak zentroa zientzia eta astronomia dibulgaziorako abangoardiako gune gisa berreskuratzea helburu duten jarduerak azaldu ditu.
Sindikatuek eta pentsiodunek protesta egin dute Eusko Legebiltzarraren aurrean
Pentsioak Lanbide arteko Gutxieneko Soldatara (LGS) arte osatzeko Herri Ekimen Legegilea (HEL) Jaurlaritzak aintzat hartu ez izanagatik protesta egin du pentsiodunen mugimenduak. Bestalde, enplegu publikoko prozesuetan izandako euskararen aurkako "erasoaldi judiziala" salatu du LAB sindikatuak.
Bi gizon atxilotu dituzte Azkoitian gizon bati sexu-erasoa egin eta legez kanpo atxikitzeagatik
Joan den asteartean, gizon bat Ertzaintzaren egoitzara joan zen sexu-eraso baten biktima izan zela eta bere borondatearen aurka atxiki zutela eta eraso fisikoa eta sexuala egin ziotela salatzeko.
Euskal Selekzioak eta Palestinak lagunarteko futbol partida jokatuko dute San Mamesen azaroaren 15ean
Espainiako agintarien arabera, ez da kirol ekitaldi huts bat izango, eta Palestinan pairatzen ari diren "giza eskubideen urraketa guztiak" ikusarazteko ere baliatuko dute lagunartekoa.
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".
Palestinaren aldeko mobilizazioak egingo dituzte ostegunean Hego Euskal Herrian
Protestak eguerdian eta arratsaldean izango dira, Gasteizen, Bilbon eta Iruñean.
EHUk 247 milioi euroko egitasmoei uko egin die Israelen parte hartzea dutelako
Joxerramon Bengoetxea errektorearen hitzetan, “herri palestinarraren genozidioaren auzia lehentasuna da” EHUrentzat. Gogorarazi du 2024ko apiriletik ez dutela harremanik Palestinan egindako krimenak gaitzesten ez dituzten unibertsitate eta erakundeekin.
EHUk uko egin dio 247 milioi euroko ikerketa-proiektuetan parte hartzeari, Israelekin loturak zituztelako
Joxerramon Bengoetxea Euskal Herriko Unibertsitateko (EHU) errektoreak asteazken honetan berretsi duenez, "Palestinako herriaren genozidioaren auzia lehentasuna da gure unibertsitatean", eta aditzera eman du EHUk uko egin diela, azken hilabeteetan, 247 milioi euroko ikerkuntza-proiektuei, biomedikuntzaren edo konputazio-zientzien arloetan, proiektu horiek Israelgo estatuarekin zuten loturagatik. Agerraldian, Bengoetxeak Europako Batzordeari eta Espainiako Gobernuari eskatu die Israelgo unibertsitateak, ikerketa-zentroak eta erakundeak bazter utz ditzatela ikerketa elkarlanak, akademikoak edo kulturalak laguntzeko europar funtsetatik.