Hemen da Gabonetako loteria: kontsulta ezazu zozketaren inguruan jakin beharreko guztia
Dena prest da Madrileko Errege Antzokian Eguberrietako loteriaren zozketa egiteko. Goizeko 8:30etik aurrera, eitb.eus-ek zuzenean eskainiko du zozketa.
Euskaldunek 77,50 euro gastatu dituzte batez beste aurtengo zozketan. Nafarrek apur bat gutxiago gastatu dute: 57,64 euro. Aurreko urteetan sariren bat egokitu den udalerrietan, abenduaren 22ko zozketarako dezimoak eta partizipazioak arin baino arin baino arinago agortu dira. Basauri da horren adibide. 2021ean, milioi ugari banatu zituen Basauriko eskubaloi taldeak, eta aurten, berehalako batean saldu ditu partizipazioak.
Aurtengo zozketak 2520 milioi euro banatuko ditu sarietan. Sari nagusiak, sari desiratuenak, 400.000 euro banatuko ditu dezimo bakoitzeko (4 milioi euro serieko). Bigarren sariak 125.000 euro banatuko ditu dezimoko; eta hirugarren sariak, 50.000 euro. 2.000 euroz azpiko sariak abenduaren 23an kobratu ahal izango dira edozein loteria administraziotan.
Gabonetako zozketako sari nagusia 36 aldiz egokitu da Euskadin; eta lau aldiz, Nafarroan. Bizkaia izan da sarituena, 19 aldiz; ondoren, Gipuzkoa, 14 aldiz; eta azkenik, Araba, hiru aldiz soilik.
Bilbon, 14 aldiz egokitu da sari potoloa; Donostian, zazpi; Iruñean, lau; eta Gasteizen, bi.
Zein aukera dut sari nagusia irabazteko?
Demagun poltsa batean 2,5 kilo arroz ditugula, ale jakin bat margotu dugula, eta hain zuzen, margotutako ale hori atera nahi dugula; bada, ale hori ateratzeko probabilitatea eta ostegunean Gabonetako loterian sari potoloa irabaztekoa berdin-berdina da. Inoiz pentsatu al duzu bihotzak zenbat taupada ematen dituen egunean Bada, taupada bat aukeratu, bakarra, eta hori asmatzeak ere probabilitate berdina du. Burusoila ez bazara, buruan 100.000 bat ile dituzu; bada, pentsatu horietako jakin bat kendu nahi duzula, eta Gabonetako loterian sari nagusia irabazteko dituzun aukerak horiek izango dira, ez handiagoak. Inoiz ikusi duzu bost litroko botila bat? Bada, tanta bat, bat bakarrik, eta hori izango litzateke zure dezimoa osteguneko loteria ontzian.
Xuban Diez Izagirre EHUko irakasle eta Matematikan doktoreak azaldu eta erakutsi dio hori dena eitb.eus-i.
Zozketa zuzenean eta bilatzailea
eitb.eus webguneak zuzenean eskainiko du abenduaren 22an Eguberrietako loteriaren zozketa. Era berean, loteriaren zenbakiak kontsultatu ahal izateko bilatzailea izango du. Horri esker, saririk egokitu zaizun edo ez kontsultatu ahal izango duzu.
Zozketaren iragarkia, klasiko bat
Gabonetako zozketan parte hartzeko ohitura handia dago herritarren artean. Zozketaren iragarkia ere, klasiko bilakatu da. Josean Bengoetxea eta Kandido Uranga euskal aktoreak izan dira protagonista 2022ko hiru iragarkietako bitan.
Zure interesekoa izan daiteke
Gizon bat atxilotu dute Sarrigurenen, emaztea hiltzea eta ama larri zauritzea egotzita
Gertakariak Eguesibarrean (Nafarroa) jazo dira, arratsaldeko 19:30ak aldera.
Gaizki aparkatzeagatik jarritako isunak egiazkoak direla ziurtatu du Hendaiako Herriko Etxeak
Bidasoa eskualdeko hainbat bizilaguni isunak kobratzeko posta bidez bidalitako gutunak iruzurra zirela zabaldu zuen ostegunean Eusko Jaurlaritzako Segurtasun Sailak.
11 urteko zigorra ezarri diote gizon bati Bizkaian, bikotekide ohiaren etxera baimen gabe sartu eta hura bortxatzeagatik
Bikotekideak izan ziren sei urtez, nahiz eta ez ziren elkarrekin bizi. 2021eko azaroan neskak amaitutzat eman zuen harremana. Gizonak, ordea, kontaktuan jarraitzeko eskatu zion, eta 2021eko azaroaren 22ko goizean emakumearen etxera sartu zen, haren baimenik gabe, eta bortxatu egin zuen.
Baskoniak ehunka zaleren babesa jasoko du Valentzian
Baskoniaren mila jarraitzaile inguru joan dira Valentziara 2026ko Errege Kopa dela eta. Eguraldia lagun, giroa ezin hobea da Baskoniako zaleen bilgunea den "Araba Etxean".
65 urtetik gorako pertsonen artean alkohol eta psikofarmakoen kontsumo handiaz ohartarazi du Eusko Jaurlaritzak
Osasun Publikoaren eta Adikzioen Zuzendaritzak egindako txosten batek agerian jarri duenez, EAEko gizonen ia % 40k egunero kontsumitzen dute alkohola, eta emakumeen artean gora egin du lo-eragileen eta lasaigarrien erabilerak.
8 urteko kartzela-zigorra Legorretan kontrako norabidean zihoala hiru pertsonaren heriotza eragin zuen gidariarentzat
Akusazioek eta defentsak akordioa adostu dute, eta akusatuak erruduna dela onartu du. Hori dela eta, ez da beharrezkoa epaiketarekin jarraitzea. Ostiral honetan Gipuzkoako Auzitegian egindako saioan, auzipetuak barkamena eskatu die biktimen sendiei, malko artean.
Bost pertsona atxilotu dituzte Iruñean, emakume etorkinak prostituitzera behartzeagatik
Emakumeak haien jatorrizko herrialdeetan erakartzen zituzten, “lan-kontratu erakargarriak” eskainiz; Nafarroara iritsitakoan, baina, mehatxatu egiten zieten eta prostituitzera behartzen zituzten.
Gizon batek 10 urteko semea hil du eta emaztea larri zauritu du bart Tenerifen
Guardia Zibilak tiroz hil du ustezko hiltzailea, agenteei matxete batekin mehatxatu ostean.
Aturri ibaiak gainezka egin du Baionan
Aturri ibaiak gainezka egin du ostegun honetan Baionan. Azken egunetan pilatu den euriak eta itsasgorak bat egin dutenean, goizeko zein arratsaldeko seiak bueltan, ibaia bere bidetik irten da. Goizean urak eragin dituen eragozpenak ikusita, arratsalderako Baionako Herriko Etxeak zentzuz jokatzeko eta ibai ingurura ez hurbiltzeko deia egin badu ere, azkenean ez da eragozpen nabarmenik egon.
Zabaldu dute Zumaia eta Getaria arteko errepidea, olatu handiengatik itxita egon ostean
Itsasgora izan den unean egon da itxita, Pedro denboraleak eragin dituen olatu handiengatik. Ostiral goizeko itsasgoraren garaian ere, 05:00etatik 07:00etara, 4 metro inguruko olatuek joko dutela itsas-bazterra espero da.