Verter Recyclingek zegokiona baino lur eremu zabalagoa erabili zuen zabortegia handitzeko, baimenik gabe
Astelehenean beteko dira hiru urte Zaldibarko zabortegia behera erori zenetik. Urteurrenaren atariko, Ertzaintzak Durangoko epaitegiaren esku utzitako ikerketa baten berri dakar gaur Berria egunkariak. Horren arabera, Verter Recycling enpresak zegokiona baino lur eremu zabalagoa erabili zuen Jaurlaritzaren eta Zaldibarko Udalaren baimenik gabe.
Azaroan bidali zuen ikerketa-txostena Ertzaintzak Durangoko lehen Instrukzio Epaitegira. Bertan zehazten denez, Zaldibarko zabortegiko kudeatzaileak, Verter Recyclingek, lurralde antolaketari buruzko arauak urratu zituen; bi arau gutxienez: Zaldibarko Udalak emandako irekitze eta jarduera baimena, eta Eusko Jaurlaritzak onetsitakoa.
Izatez, 137.000 metro koadroko eremua erabili zezaketen; baina 65.000 gehiago erabili zituen Verterrek, 13 futbol zelairen pareko lur-eremua. Lur zati horietako batzuk nekazaritza eta abeltzaintza jarduerako kalifikazioa zuten, eta beste batek ustiaketakoa. Verterrek hondakinak pilatzeko eta eraikin osagarriak egiteko baliatu zituenak.
Ertzaintzak lurralde antolaketaren aurkako delitu zantzuak ikusten ditu txostenean ageri denez, baina epaileari dagokio beste kausa bat ireki edo ez erabakitzea. Oraingoz, irekita dagoen auzi bakarra ingurumenaren aurkako delituaren ingurukoa da.
Astelehenean beteko dira, hain zuzen, hiru urte Zaldibarko ezbeharra gertatu zela, eta urteurrena gogoratzeko ekitaldia egingo dute bihar Zaldibar Argitu plataformak deituta, Eitzaga auzoan. Bertan, Alberto Sololuze eta Joaquin Beltran luizian hildako langileak omenduko dituzte.ç
Zure interesekoa izan daiteke
Lau urteko haur bat oso larri Oionen, bigarren solairutik erorita
13:30 aldera gertatu da istripua, eta helikopteroz eraman dute Gurutzetako ospitalera.
Osasun Sailak zehaztu du iraungitako txerto hexabalenteak Iztietako (Errenteria) eta Ondarretako (Donostia) osasun-zentroetan jarri zituztela
Osakidetza hasi da kaltetutako 30 pertsonak (25 haurtxo eta 5 heldu) berriro txertatzen. Iraungitako txerto tetrabalentea edo hirukoitz birikoa jaso zutenek (75 bat lagun) asteon jasoko dute gertakin zuzena.
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.
Euskaraz bizitzeko eskubidea aldarrikatu eta EHEko lau ekintzaileren aurkako epaiketa salatu dute dozenaka lagunek Baionan
Euria eta hotza egin badu ere, 200 euskaltzale batu dira protestara datorren ostegunean epaituko dituzten Euskal Herrian Euskarazeko lau kideei babesa emateko.
Adingabe bat atxilotu dute Getxon, beste gazte bati lepoan labankadak eman eta larri zauritzeagatik
Ertzaintzak jasotako testigantzen arabera, 01:00ak aldera, hiru gazte Areeta auzoko parke batean zeuden banku batean eserita, erasotzailea eurengana joan eta oldartu zitzaienean. Higu gazteek korrika alde egin zuten baina bat harrapatu eta zauritu egin zuen.
Kamioi batek A63 autobian izandako istripuak auto-ilara luzeak eragin ditu Donibane Lohizune parean
Ibilgailua irauli egin da, eta ondorioz zama galdu du. Errepidea erabat itxi dute eta 6 kilometrora arteko ilarak sortu dira, baina 19:15ean errei bat ireki dute bertan hiru orduz geldirik egon diren ibilgailuak pasatzeko. Ondoren, berriro itxi dute bidea, kamioia bertatik kendu ahal izateko.
Gizon bat atxilotu dute Errenterian beste gizon bat labanaz hiltzen saiatzea egotzita
Ertzaintzak atzo atxilotu zuen 36 urteko gizasemea, baina gertakariak hilaren 12an jazo ziren, Gipuzkoako udalerri horretako lokal batean. Biktima, 21 urtekoa, ospitaleratu egin behar izan zuten, zauri larriak baitzituen.