Atzera bota dute Manadako bost zigortuetako bati kartzela-zigorra murriztea
Kartzelaldia murrizteko Manadako bost zigortuetako batek egindako eskaria atzera bota du Nafarroako Lurralde Auzitegiak. "Bai bakarrik da bai" legea aintzat hartuta, Angel Bozak —2016ko sanferminetan taldean neska bat bortxatu zuenetako batek—, Auzitegi Gorenak ezarritako 15 urteko espetxe-zigorra 13 urte eta 9 hilabetera jaistea eskatu zuen, joan den azaroan.
Gaur kaleratutako autoan, magistratuek argudiatu dute legearen azken moldaketa kontuan hartuta ere, 15 urteko kartzela ezartzea egokia dela. Erabakia arrazoitzeko, Auzitegi Gorenaren epaia ekarri dute gogora, bortxaketa jarraituaren delituan azpimarra jarriz. Bai fiskaltza eta baita biktimaren defentsa ere zigorra berrikustearen kontra agertu ziren. Orain, azken ebazpen horren auka helegitea jartzeko aukera zabalik dago, Nafarroako Justizia Auzitegi Nagusian.
Auzitegi Gorenak, 2019an, bortxaketa jarraitua egotzita zigortu zuen Boza, tratu iraingarria ematea eta taldean aritzea larrigarri gisa hartuta. Bere epaian, Gorenak ondorioztatu zuen "gertakariak oso larriak" izan zirela eta auzipetuek erakutsitako "jarrerak" areagotu egiten duela euren "erruduntasuna". Hori dela eta, zigorra legeak aurreikusitakoaren gainetik ezartzea "justifikatuta" dagoela zehaztu zuen. Ildo horretan, Gorenak "erasotzaileen parte-hartzea banan-banan aztertuta egin zuen lan xehea" nabarmendu du Nafarroako Lurralde Auzitegiak.
Hain zuzen, zigorren murrizketen harira piztu den polemika dela eta, Sexu Askatasunerako Legearen erreforma gaur erregistratu du PSOEk Kongresuan, gobernukide duen Unidas Podemosekin akordioa itxi gabe.
Zure interesekoa izan daiteke
Jendetza bildu du Korrikak Maulen
Lurraldeko eta hiriburuko hainbat elkarte eta herriko etxe ikusi ditugu parte-hartzen, hala nola, Sohütako pastorala, UEU, Palestinaren aldeko elkartea, Pitxu gaztetxea, Xiberoko Botza eta beste hainbat. Handik Nafarroa Beherea alderako bidea hartu du. Gaueko 22:00 pasata sartuko da lurralde hartan Aiherratik.
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
Ibilbide osoa zuzenean ikusteko aukera dago ETB ON plataforman, EITBren telebista plataforma digital berrian. Euskararen lekukoa martxan da jada, eta Atharratzetik abiatu den oihuak Euskal Herri osoa zeharkatuko du beste behin. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Trafikoa bere onera itzuli da A-8an Irun parean, baina auto-ilara txikiak oraindik daude Kantabriarako noranzkoan, Abanton
Zubiaren hasieran trafiko-eragozpenak izan dira A-8 autobidean.
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe jarraituko du ibilbidea, eguneko 24 orduetan.
ELAk adierazi du CCOOko kide batzuek euskaldunen hizkuntza eskubideen aurkako kanpaina abiatu dutela
ELAk adierazi du bat datorrela AEKrekin, Korrikaren antolatzailearekin, eta babestu egin du CCOOren zuzendaritza lasterketatik baztertzeko erabakia. ELA sindikatuak “euskararen aurka antolatutako kanpaina” baten parte izatea leporatu die CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzen ez uzteko erabakia hartu izana.