Animaliak babesteko legea onartu dute Kongresuan Unidas Podemosi eta inbestidura bazkide batzuei esker
Animalien babesa, eskubideak eta ongizatea bermatzeko lege proiektua onartu dute gaur Diputatuen Kongresuan, PSOEren, Unidas Podemosen, EH Bilduren, ERCren eta CUPen aldeko botoei esker. Ehiza txakurrak babes esparrutik kanpo nahi zituen PSOEk, eta azken unera arte ez da argi egon gehiengo baten babesa izango zuen —koalizio morea bera kontra azaldu zen, ehiza txakurrak babestu behar zirela argudiatuta—. Azkenean, baina, inbestidura bazkide batzuek aldeko botoa eman dute, eta, beraz, aurrera atera da.
Eztabaidaren ondoren egindako bozketan, 174 aldeko boto izan dira, 167 diputatuk kontra bozkatu dute eta 7k abstentziora jo dute.
Goizean zehar taldeen ordezkariek boto-asmoa jakinarazteko egindako agerraldietan, Juantxo Lopez de Uralde Unidas Podemoseko diputatuak iragarri du alde bozkatuko zutela, "lotsaren zuzenketa" (ehiza txakurren salbuespena erantsi duena) gorabehera, legea "ona" dela eta "aurrerapauso asko" jaso dituela argudiatuta. Are gehiago, gainerako taldeei araua babesteko eskatu die. "Kontra bozkatuko dutenek jakingo dute nola tratatzen dituzten animaliak", gaineratu du.
Ildo beretik mintzatu da Joan Capdevila (ERC). Ehiza txakurren afera kritikatu du, baina azpimarratu du errepublikanoek berdin-berdin babestuko dutela: "Gugatik ez da izango". Horren esanetan, "deitoragarria da sozialistak ehizaren lobbya menderatzeko gai ez izatea, eta bai, ordea, banku eta petrolio enpresak, zerga ezartzeko orduan".
Iñaki Ruiz de Pinedo EH Bilduko diputatuak ere aldeko botoa iragarri du, ehiza txakurren salbuespena ulergaitza zaien arren. "Legea animalia guztientzat berdina izatea nahiko genuke, eta horrela izan dadin lan egiten jarraituko dugu. Aurrerapausoa emango dugu gaur, txikia bada ere", azaldu du.
CUPek "bai" bozkatuko duela esan du Albert Botran kideak, ehiza txakurrak babestu ez, baina legeak gainerako animalien eskubideak bermatzeko balioko duela iritzita.
Kontra azaldu dira, bestalde, Vox, PP, EAJ, Mas Pais-Berdeak Equo eta PdCat. Jeltzaleen ustez, legeak EAEren eskuduntzak urratzen ditu. Joseba Agirretxea diputatuak kritikatu duenez, "Espainiako Gobernua ez da gai izan arlo hori arautzen duen eskuduntza zein den azaltzeko".
Albiste gehiago gizartea
Jaialdiak amaiera borobila eman dio Boisen, sei egun zirraragarriren ostean
Ekitaldiak zortzigarren edizioa itxi du, 1987an sortu zenetik izandako arrakastatsuenetako eta jendetsuenetako bat bezala.
Palestinarekin Elkartasuna plataformak euskal hiriburuetako jaietan mobilizatzeko deia egin du
Plataformak "hipokrisia" leporatu die gobernuei eta hedabideei, eta manifestazioak deitu ditu Gasteizen (abuztuaren 6an), Donostian (abuztuaren 10ean), Bilbon (abuztuaren 15ean) eta manifestazio nazionala Iruñean (urriaren 4an).
Bilboko kale-saltzaileen aurkako sarekadak areagotu direla salatu dute
Udaltzainenganako errespetua eskatu du Bilboko Udalak. Manteroek diote euren egoera legeztatzea ezinbestekoa da bestelako lanetarako aukera izateko. Sarekadak salatzeko protesta deitu du biharko Bizkaiko Manteroen Elkarteak.
Bi atxilotu Gasteizen, gizon bati indarkeriaz lapurtzea leporatuta
04:15 aldera jazo da lapurreta, hiriburuko parke baten inguruan. 31 eta 29 urteko atxilotuak epailearen esku utziko dituzte, beharrezko izapideak amaitutakoan.
Atxilotu bat Ordizian kokaina, 10.000 euro eta kontrabandoko tabakoa zeramala
Gidaria atxilotu dute substantzia estupefazienteen trafikoko ustezko delitua egotzita, eta deklaratu gabeko tabakoa edukitzeagatik.
Tigre-eltxoaren kontrako fumigazio lanak egin dituzte bart Hendaian
Lapurdin chikungunya gaitzaren lehen kasua agertu ondoren egin dituzte desinfekzio lanak, Hendaiako igerilekutik, tren geltokiraino. 22:00etatik 07:00ak arte kaleak erabat itxita egon dira, eta bizilagunek agintarien aginduak errespetatu behar izan dituzte. Herritarrak kezkatuta agertu dira, ez dakitelako zer-nolako eragina izan dezakeen erabilitako produktuak haien egunerokotasunean. Fumigazioaz arduratutako enpresak dio erabilitako produktua ez dela kaltegarria, eta tigre-eltxoen % 80 bat hiltzea lortzen dutela.
20.000 sinadura, txosnak Euskal Herriko ondare inmaterial izendatzeko
Bizkaiko, Gipuzkoako eta Arabako txosnen batzordeek adierazi dute jaigune horiek "arriskuan" daudela, eta ondare inmaterial izendatzeko eskaera sinatzen eta zabaltzen jarraitzeko deia egin dute.
Zeledonek prest ditu aterkia eta ardo-zahatoa, kanpandorretik jaitsi eta Andre Maria Zuriaren jaiei hasiera emateko
Zuzeneko musikak, kalejirek, ekintza herrikoiek eta familia guztientzako proposamenek beteko dituzte Gasteizko kaleak abuztuaren 4tik 9ra, sei eguneko jai giroan.
Karabela portugaldarrak topatu dituzte Bakioko hondartzan beste egun batez uda honetan
Goizean, marmokak ikusi dituzte Bizkaiko zazpi hondartzatan, eta, atzo arratsaldean, Zurriolako hondartzan bainua hartzea debekatu behar izan zuten, karabela portugaldarrek eragindako "ziztada ugari" zenbatu baitzituzten, horietako batzuk nahiko larriak.
Auroroek Gasteizko Alde Zaharrean barrena abestu dute, Andre Maria Zuriaren jaietarako deia eginez
Igande honetan izandako Arrosarioaren Prozesioak milaka gasteiztar bildu ditu, Andre Maria Zuriaren horma-hobiaren aurrean hasita eta San Migel elizan egindako meza batekin bukatuta.