Aita Mari portura iritsi da eta lehorreratu ditu erreskatatutako 31 migratzaileak
Aita Mari erreskate ontzia gaur goizaldean iritsi da Civitavecchiako (Italia) portura Libiako itsasoan erreskatatutako 31 migratzailerekin, terzobinario.it hedabide italiarrak zabaldu duenez.
Itsasontzia 01:40 aldera iritsi da eta orduan hasi da erreskatatutako 31 migratzaileak lehorreratzen, covid kontrolak egin ostean. Erreskatatutakoen artean hiru hilabeteko haur bat dago, eta sei adingabe gurasorik gabe ontziratu ziren.
Gurutze Gorriak bi karpa muntatu ditu portuan bertan, eta anbulantziak eta Itsas Osasuneko zerbitzuak bertaratu dira.
Erreskatea asteazken arratsaldean egin zuen Itsas Salbamendu Humanitarioa gobernuz kanpoko erakundearen ontziak. "Egurrezko ontzi txiki eta ezegonkor batean pilatuta", 31 pertsona ikusi zituzten, urduri, keinuak egiten eta laguntza eske. "Bakar batek ere ez zuen salbamendu jakarik, eta arrisku bizian zeuden guztiak", azaldu du gobernuz kanpoko erakundeak.
Taldean 10 ume zeuden, lau haur txiki eta hiru hilabeteko haurtxo bat tartean. Horrez gain, hiru emakume haurdun zihoazen. Gehienak Boli Kosta, Senegal eta Gineakoak dira.
Itsas Salbamendu Humanitarioko iturriek EITB Mediari egindako adierazpenen arabera, denak "onik" daude
Gobernuz kanpoko erakundeak salatu duenez, Italiako Gobernuak Civitavecchiako portuan, Erromatik gertu, lehorreratzeko baimena eman zien eta bi egun behar izan dituzte hara heltzeko. Itsas Salbamendu Humanitarioaren hitzetan, "egoera horrek erreskatatutako pertsonen sufrimendua areagotzen du, hilabeteak edo urteak baitaramatzate migratzen, eta eskubideak maiz urratu dizkiete".
Horren hitzetan, Itsasoko Giza Bizitzaren Segurtasunerako Nazioarteko Hitzarmenaren (SOLAS delakoa, 1974koa) arabera, erreskate kasuetan ontzitik gertuen dagoen portuan eman beharko da lehorreratzeko baimena, onik ateratako pertsonak itsasoan ahalik eta denbora gutxien egon daitezen. Itsas Salbamendu Humanitarioak salatu du Italiako Gobernua "sistematikoki" ari dela arau hori urratzen.
Mediterraneora buelta
Isa Egiguren Aita Mari ontziko bozeramaileak Euskadi Irratian egindako adierazpenetan kontatu duenez, "dena ondo badoa", gaur gauean Mediterraneora itzuliko dira berriz ere. Hala, lehen aldia litzateke egun bakarrean "misio bikoitza" egiten dutela.
Izan ere, orain arte, erreskate bat egin eta pertsona horiek lehorreratu ondoren, beti itzultzen ziren euren "kanpo basera" baina oraingoan, itzuli ordez, berriro ere Mediterraneorantz itsasoratuko dira, beste erreskate bat egiteko esperantzan.
Albiste gehiago gizartea
"Nahasmendu delirantea" diagnostikatu diote medikuek Kabiecesen 400 haur baino gehiago txertatu gabe utzi zituen erizainari
Epaiketaren laugarren egunean, auzipetua auzitegian aurkeztu da, baina deklaratzeko moduan ez dagoela onartu du.
Iruñeko Planetarioa berreraikitzeko lanak hasi dira
Urtarrilean kupula larriki kaltetu zuen sutearen ondoren, Iruñeko Planetarioa Tornamira Aretoa zaharberritzen eta eraikina osorik modernizatzen hasi da. Kultura sailburu Rebeca Esnaolak zentroa zientzia eta astronomia dibulgaziorako abangoardiako gune gisa berreskuratzea helburu duten jarduerak azaldu ditu.
Sindikatuek eta pentsiodunek protesta egin dute Eusko Legebiltzarraren aurrean
Pentsioak Lanbide arteko Gutxieneko Soldatara (LGS) arte osatzeko Herri Ekimen Legegilea (HEL) Jaurlaritzak aintzat hartu ez izanagatik protesta egin du pentsiodunen mugimenduak. Bestalde, enplegu publikoko prozesuetan izandako euskararen aurkako "erasoaldi judiziala" salatu du LAB sindikatuak.
Bi gizon atxilotu dituzte Azkoitian gizon bati sexu-erasoa egin eta legez kanpo atxikitzeagatik
Joan den asteartean, gizon bat Ertzaintzaren egoitzara joan zen sexu-eraso baten biktima izan zela eta bere borondatearen aurka atxiki zutela eta eraso fisikoa eta sexuala egin ziotela salatzeko.
Euskal Selekzioak eta Palestinak lagunarteko futbol partida jokatuko dute San Mamesen azaroaren 15ean
Espainiako agintarien arabera, ez da kirol ekitaldi huts bat izango, eta Palestinan pairatzen ari diren "giza eskubideen urraketa guztiak" ikusarazteko ere baliatuko dute lagunartekoa.
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".
Palestinaren aldeko mobilizazioak egingo dituzte ostegunean Hego Euskal Herrian
Protestak eguerdian eta arratsaldean izango dira, Gasteizen, Bilbon eta Iruñean.
EHUk 247 milioi euroko egitasmoei uko egin die Israelen parte hartzea dutelako
Joxerramon Bengoetxea errektorearen hitzetan, “herri palestinarraren genozidioaren auzia lehentasuna da” EHUrentzat. Gogorarazi du 2024ko apiriletik ez dutela harremanik Palestinan egindako krimenak gaitzesten ez dituzten unibertsitate eta erakundeekin.
EHUk uko egin dio 247 milioi euroko ikerketa-proiektuetan parte hartzeari, Israelekin loturak zituztelako
Joxerramon Bengoetxea Euskal Herriko Unibertsitateko (EHU) errektoreak asteazken honetan berretsi duenez, "Palestinako herriaren genozidioaren auzia lehentasuna da gure unibertsitatean", eta aditzera eman du EHUk uko egin diela, azken hilabeteetan, 247 milioi euroko ikerkuntza-proiektuei, biomedikuntzaren edo konputazio-zientzien arloetan, proiektu horiek Israelgo estatuarekin zuten loturagatik. Agerraldian, Bengoetxeak Europako Batzordeari eta Espainiako Gobernuari eskatu die Israelgo unibertsitateak, ikerketa-zentroak eta erakundeak bazter utz ditzatela ikerketa elkarlanak, akademikoak edo kulturalak laguntzeko europar funtsetatik.