Haurrak txertatzearen itxurak egiten zituen Santurtziko erizainaren aurkako salaketa jarri dute
Santurtziko 42 familiak salaketa jarri dute elkarrekin Barakaldoko Instrukzio Epaitegian Kabiezes auzoko osasun-zentroan haurrak txertatzen zituela itxurak egiten zituen erizainaren aurka.
Salaketak bi ustezko delitu aipatzen ditu: dokumentuak faltsutzea eta fondo publikoak bidegabe erabiltzea. Dokumentuan azaltzen denaren arabera, erizainak "adin txikikoen txertoen egutegia betetzen zuen txertoak jarri ez arren" eta "Osakidetzak eskura jarritako materiala ez zuen egoki erabiltzen"; "alferrik galtzen zuen, ez baitzion zegokion erabilera ematen".
Behin errejistroa eginda, epaitegiak familiak deitu ditu auzian deklaratu eta salatzen dena berretsi dezaten. Ondoren, maiatzaren 4ean, erizainak joan beharko du Barakaldoko auzitegira, instrukzio penal honetan ikertu gisa deklaratzera.
Aitzol Asla familien abokatuaren hitzetan, prozesu honen helburuak bi dira: alde batetik, "erizainari kolegiatu zenbakia kentzea eta honela lan egitea eragoztea" eta, bestetik, "Osakidetzak ardura bere gain har dezala, itxura batean, denbora luzez izan zirelako gertakizun larri hauek".
Kasua 2022ko urrian eman zen ezagutzera. Orduan, hainbat gurasok Osakidetzari erizain honen ekintzen berri eman zioten. Haien ustez, jarrera susmagarria zeukan "txertoen aurkako komentarioak egiten" zituelako eta "txertoa ematean, azkarregi, modu prezipitatuan" aritzen zelako.
Ezkerraldea Enkaraterri Gurutzeta ESIko pediatria sailak ikerketa abiatu zuen eta hainbat proba serologiko egin zizkien adin txikikoei, haien gorputzetan zeuden antigorputzen maila jakiteko. Ondoren, espedientea zabaldu zion erizainari eta bere ardurapean zeuden 400 umeei zabaldu zien ikerketa.
Azkenik, 50 familiei deitu zieten analisi serologikoetatik ateratako emaitzen berri emateko eta txertoaren dosi bat gehiago jartzea eskaini zieten "antigorputzek maila egokia har zezaten".
Albiste gehiago gizartea
Iruñeko Planetarioa berreraikitzeko lanak hasi dira
Urtarrilean kupula larriki kaltetu zuen sutearen ondoren, Iruñeko Planetarioak Tornamira Aretoa zaharberritzen eta eraikina osorik modernizatzen hasi da. Kultura sailburu Rebeca Esnaolak zentroa zientzia eta astronomia dibulgaziorako abangoardiako gune gisa berreskuratzea helburu duten jarduerak azaldu ditu.
Sindikatuek eta pentsiodunek protesta egin dute Eusko Legebiltzarraren aurrean
Pentsioak Lanbide arteko Gutxieneko Soldatara (LGS) arte osatzeko Herri Ekimen Legegilea (HEL) Jaurlaritzak aintzat hartu ez izanagatik protesta egin du pentsiodunen mugimenduak. Bestalde, enplegu publikoko prozesuetan izandako euskararen aurkako "erasoaldi judiziala" salatu du LAB sindikatuak.
Bi gizon atxilotu dituzte Azkoitian gizon bati sexu-erasoa egin eta legez kanpo atxikitzeagatik
Joan den asteartean, gizon bat Ertzaintzaren egoitzara joan zen sexu-eraso baten biktima izan zela eta bere borondatearen aurka atxiki zutela eta eraso fisikoa eta sexuala egin ziotela salatzeko.
Euskal Selekzioak eta Palestinak lagunarteko futbol partida jokatuko dute San Mamesen azaroaren 15ean
Espainiako agintarien arabera, ez da kirol ekitaldi huts bat izango, eta Palestinan pairatzen ari diren "giza eskubideen urraketa guztiak" ikusarazteko ere baliatuko dute lagunartekoa.
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".
Palestinaren aldeko mobilizazioak egingo dituzte ostegunean Hego Euskal Herrian
Protestak eguerdian eta arratsaldean izango dira, Gasteizen, Bilbon eta Iruñean.
EHUk 247 milioi euroko egitasmoei uko egin die Israelen parte hartzea dutelako
Joxerramon Bengoetxea errektorearen hitzetan, “herri palestinarraren genozidioaren auzia lehentasuna da” EHUrentzat. Gogorarazi du 2024ko apiriletik ez dutela harremanik Palestinan egindako krimenak gaitzesten ez dituzten unibertsitate eta erakundeekin.
EHUk uko egin dio 247 milioi euroko ikerketa-proiektuetan parte hartzeari, Israelekin loturak zituztelako
Joxerramon Bengoetxea Euskal Herriko Unibertsitateko (EHU) errektoreak asteazken honetan berretsi duenez, "Palestinako herriaren genozidioaren auzia lehentasuna da gure unibertsitatean", eta aditzera eman du EHUk uko egin diela, azken hilabeteetan, 247 milioi euroko ikerkuntza-proiektuei, biomedikuntzaren edo konputazio-zientzien arloetan, proiektu horiek Israelgo estatuarekin zuten loturagatik. Agerraldian, Bengoetxeak Europako Batzordeari eta Espainiako Gobernuari eskatu die Israelgo unibertsitateak, ikerketa-zentroak eta erakundeak bazter utz ditzatela ikerketa elkarlanak, akademikoak edo kulturalak laguntzeko europar funtsetatik.
Labar pinturak dituen historiaurreko aztarnategi bat aurkitu dute Gamiz-Fikan
Bizkaiko Foru Aldundiak jakinarazi duenez, Juan Carlos Lopez Quintanak eta Juan Carlos Izagirrek aurkitu zuten, Atxispeko San Pedro ermitaren ingurunea berreskuratzeko interbentzio programa baten baitan, 2025eko ekainaren 26an. Haitzuloa ikertu duten adituen arabera, eremu kantauriarrean dokumentatutako lehen hipogeo mistoa da.