Goi karguetan emakumeen presentzia areagotzea aldarrikatuko du Emakundek M8an
Euskadiko erakundeek, Emakunderekin elkarlanean Martxoaren 8rako, Emakumeen Nazioarteko egunerako, abian jarriko duten kanpaina aurkeztu dute. Aurtengo leloa "Emakumea gora" izango da; izan ere, bada garaia goi postuetan, alegia, ardura lekuetan, emakume gehiago egoteko.
Horrez gain, zaintza partekatzeko beharra aldarrikatuko dute, gaur egun zaintzarako hartzen diren lau baimenetako hiruk emakumeek hartzen dituztelako.
Nerea Melgosa Berdintasun sailburua eta Miren Elgarresta Emakundeko zuzendariak eman dituzte kanpainaren xehetasun guztiak. Sailburuaren hitzetan, "gizarte honek emakume gehiago behar ditu erabaki eta eragin postuetan, eta kanpaina honetan erakusten dugu zein diren emakumeei lidergo-postu horietara berdintasunez iristea eragozten dieten oztopo nagusiak".
Esaterako, kanpainaren protagonistek berdintasun ezari buruzko zenbait datu gogorarazten dizkigu, adibidez, emakumeek gerentzia postuen % 6 bakarrik betetzea ez dela prestakuntza faltagatik, rol sexistak mantentzen direlako baizik.
Sailburuak gaineratu du kanpainak "mito faltsuak" eraisten dituela, Euskadin goi-mailako ikasketak dituzten pertsona guztien ia % 60 emakumeak baitira.
Bestalde, duela egun batzuk Idoia Mendia Eusko Jaurlaritzako Enplegu eta Lan sailburuak 2024ko martxoaren 8a jaiegun izateko proposamena egin ondoren, Emakundek aitortu du ezustean harrapatu duela.
Hala adierazi du Elgarrestak, eta erantsi du berak ez duela aurrez proposamen honen berririk izan. Testuinguru horretan, gizarte eragileen parte hartzea eta Legebiltzarreko eztabaidak ere aintzat hartzea beharrezkoa da iritzi dio.
Albiste gehiago gizartea
Jaialdiak amaiera borobila eman dio Boisen, sei egun zirraragarriren ostean
Ekitaldiak zortzigarren edizioa itxi du, 1987an sortu zenetik izandako arrakastatsuenetako eta jendetsuenetako bat bezala.
Palestinarekin Elkartasuna plataformak euskal hiriburuetako jaietan mobilizatzeko deia egin du
Plataformak "hipokrisia" leporatu die gobernuei eta hedabideei, eta manifestazioak deitu ditu Gasteizen (abuztuaren 6an), Donostian (abuztuaren 10ean), Bilbon (abuztuaren 15ean) eta manifestazio nazionala Iruñean (urriaren 4an).
Bilboko kale-saltzaileen aurkako sarekadak areagotu direla salatu dute
Udaltzainenganako errespetua eskatu du Bilboko Udalak. Manteroek diote euren egoera legeztatzea ezinbestekoa da bestelako lanetarako aukera izateko. Sarekadak salatzeko protesta deitu du biharko Bizkaiko Manteroen Elkarteak.
Bi atxilotu Gasteizen, gizon bati indarkeriaz lapurtzea leporatuta
04:15 aldera jazo da lapurreta, hiriburuko parke baten inguruan. 31 eta 29 urteko atxilotuak epailearen esku utziko dituzte, beharrezko izapideak amaitutakoan.
Atxilotu bat Ordizian kokaina, 10.000 euro eta kontrabandoko tabakoa zeramala
Gidaria atxilotu dute substantzia estupefazienteen trafikoko ustezko delitua egotzita, eta deklaratu gabeko tabakoa edukitzeagatik.
Tigre-eltxoaren kontrako fumigazio lanak egin dituzte bart Hendaian
Lapurdin chikungunya gaitzaren lehen kasua agertu ondoren egin dituzte desinfekzio lanak, Hendaiako igerilekutik, tren geltokiraino. 22:00etatik 07:00ak arte kaleak erabat itxita egon dira, eta bizilagunek agintarien aginduak errespetatu behar izan dituzte. Herritarrak kezkatuta agertu dira, ez dakitelako zer-nolako eragina izan dezakeen erabilitako produktuak haien egunerokotasunean. Fumigazioaz arduratutako enpresak dio erabilitako produktua ez dela kaltegarria, eta tigre-eltxoen % 80 bat hiltzea lortzen dutela.
20.000 sinadura, txosnak Euskal Herriko ondare inmaterial izendatzeko
Bizkaiko, Gipuzkoako eta Arabako txosnen batzordeek adierazi dute jaigune horiek "arriskuan" daudela, eta ondare inmaterial izendatzeko eskaera sinatzen eta zabaltzen jarraitzeko deia egin dute.
Zeledonek prest ditu aterkia eta ardo-zahatoa, kanpandorretik jaitsi eta Andre Maria Zuriaren jaiei hasiera emateko
Zuzeneko musikak, kalejirek, ekintza herrikoiek eta familia guztientzako proposamenek beteko dituzte Gasteizko kaleak abuztuaren 4tik 9ra, sei eguneko jai giroan.
Karabela portugaldarrak topatu dituzte Bakioko hondartzan beste egun batez uda honetan
Goizean, marmokak ikusi dituzte Bizkaiko zazpi hondartzatan, eta, atzo arratsaldean, Zurriolako hondartzan bainua hartzea debekatu behar izan zuten, karabela portugaldarrek eragindako "ziztada ugari" zenbatu baitzituzten, horietako batzuk nahiko larriak.
Auroroek Gasteizko Alde Zaharrean barrena abestu dute, Andre Maria Zuriaren jaietarako deia eginez
Igande honetan izandako Arrosarioaren Prozesioak milaka gasteiztar bildu ditu, Andre Maria Zuriaren horma-hobiaren aurrean hasita eta San Migel elizan egindako meza batekin bukatuta.