Emakumeek unibertsitatea lehenesten dute, eta % 39k bakarrik hautatzen dute Lanbide Heziketa
Azken urteotan, nabarmen hobetu da Euskal Autonomia Erkidegoko (EAE) emakumeen ikasketa maila. Unibertsitatean, eurak dira nagusi (% 54), eta 90eko hamarkadatik gizonei aurrea hartuta daude ikasketa mota horietan. Lanbide Heziketan, aldiz, leku apalagoa dute, eta ez dira erdira iristen —% 39,2—. Emakumeek zer ikasten duten eta non lan egiten duten argitu nahi izan du EITB Datak, eta horixe da, hain justu, ikasketen harira, ateratako ondorio aipagarriena.
Unibertsitate titulua duten andrazkoen portzentajea modu esponentzialean handitu da 80ko hamarkadatik. Duela 30 urte, unibertsitate ikasketak zituzten emakumeak % 15 baino ez ziren, baina 2020an, halako hiru ziren (% 46). Gizonen artean, ordea, ez da joera hori atzeman, eta 1986tik % 12 baino ez da igo. Are gehiago, azken hamarkadan ez da aldatu unibertsitatearen aldeko hautua egiten duten gizon gazteen kopurua.
Grafikoa: EITB Media
Emakumezkoek gehien aukeratzen dituzten unibertsitate ikasketei dagokienez, hezkuntza alorrekoak, ingeniaritzak eta ADE (enpresen administrazio eta zuzezendaritza daude.
EITB
Kontrara, Lanbide Heziketako argazkia alderantzizkoa da: 10 ikasletik 6 gizonezkoak dira, LH baita euren lehen ikasketa aukera; horien % 33k hautatzen dituzte Lanbide Heziketako ikasketak, eta % 29k, berriz, unibertsitate mailakoak.
Azken 20 urteotan, prestakuntza zikloak aukeratu izan dituzten andrazkoen portzentajea % 40 ingurukoa izan da, 2018tik pixka bat behera egin badu ere.
LHko graduren bat hautatzen dituzten emakume gehienek genero estereotipoak nagusi diren graduetan ematen dute izena, lanpostu bat lortzeko aukera gutxien dituztenak, gainera.
Grafikoa: EITB Media
Zure interesekoa izan daiteke
Hego Euskal Herrian premiazko txertaketa baimendu dezala eskatu dio Espainiako Gobernuak Europar Batzordeari, dermatosi nodularrari aurre egiteko
Frantziar estatuarekiko mugatik hurbil dauden eskualdeetan txertatu nahi ditu Espainiako Gobernuak abelburu guztiak, hau da, Euskadin, Nafarroan eta Aragoin. Izan ere, azken orduetan foku berriak agertu dira frantziar Estatuan, mugatik hurbil, gainera. Neurri horren helburua da gaixotasunaren hedapena eten eta ainerako erkidegoetara ez iristea.
Osakidetzak markak hautsi ditu azaroan, 34 transplanteekin, Gurutzetako Ospitalean
Zentroak 25 giltzurrun-transplante eta 9 gibel-transplante egin ditu hilabete bakarrean, eta arlo horretan estatuan eta nazioartean duen lidergoa sendotu du.
Esquadra Mossoek eta Guardia Zibilak IRTA-CReSA laborategiaren egoitza miatu dute, txerri-izurri afrikarra dela eta
Zero gunetik gertu dagoen eraikinean sartu dira gaur goizean, epailearen aginduz. Inguru hori susmopean dago, txerri-izurri afrikarra zabaltzea eragin omen zuen ihesaldi bat ikertzeko.
Mancisidor hautatu dute ararteko, EAJ, PSE-EE eta PPren babesarekin, eta EH Bilduren oposizioarekin
Haren aurrekoak, Manuel Lezertuak, ekainaren 19an formalizatu zuen karguari uko egin ziola, eta, harrezkero, Ines Ibañez de Maeztu izan da jarduneko arartekoa.
Hiru pertsona zauritu dira BI-637 errepidean, Erandion, hiru ibilgailuk eta autobus batek izandako istripuan
Ezbeharra 07:50 aldera gertatu da, eta ezkerreko eta erdiko erreiak itxi behar izan dituzte. Ondorioz, hiru kilometroko auto-ilarak sortu dira.
Bizkaibusen Mugi txartela erabilita ibili ahal izango da aurrerantzean
Horrela, hiru lurraldeetako edozein garraio-txartel (Bat, Barik eta Mugi) erabilita, erabiltzaileek Bizkaibusean ibiltzeko aukera izango dute, ordainketa-sistema integratu eta homogeneo baten bidez.
Albiste izango dira: EITB Maratoia, Talgo Euskadira itzuli da eta 2026rako aurreikuspen ekonomikoa
Gaurkoan Orain-en albiste izango direnen laburpena, bi hitzetan.
Baserritar jantziak, maileguan: “Sarerik ez duten familiak etortzen dira gehienbat”
Orioko Herri Ikastolan baserritar jantziak maileguan uzteko egitasmoa antolatu dute, bigarren urtez jarraian, "piztu eta eragin" ekimenaren baitan. Arropak berrabiltzea du helburu, baita herrian sarerik ez duten familiei laguntzea ere. Abarkak, gonak, zapiak, artilezko galtzerdiak... Denetarik bildu dute, eta egunotan familiak hurbilduko dira behar duten hori jasotzera.
Zestoako kasuari buruz gizarte-zerbitzuek egindako txostena "ez zen zuzena", Arartekoaren teknikari baten arabera
Zestoako sei herritarren aurka atzo abiatutako epaiketaren bigarren saioan deklaratu du Herriaren Defendatzailea erakundeko langileak, defentsaren lekuko gisa.
Kirola, musika eta lan gogorra: 110 urteko Isabel donostiarraren sekretua
Isabel Etxeberriak, 110 urterekin, pianoa jotzen jarraitzen du, arratsaldero, Bartzelonako bere etxean. Betidanik egin izan du kirola, eta gaur egun ere oso bizimodu aktiboa duela kontatu digu. Bere iritziz, sasoiz zahartzeko, garrantzitsuagoa da maitasuna kontu materialak baino.