Irakaskuntza alorrekoak, ingeniaritzak eta Enpresen Zuzendaritza, emakumeen unibertsitate hautuak
EITB Dataren arabera, emakumeak dira unibertsitateko ikasgeletan nagusi, eta graduatuen ia erdia dira. 2021/2022 ikasturteko matrikulazio datuak xehe aztertuta, gainera, ondoriozta dezakegu honakoak daudela andrazkoen aukeratuenen artean: irakaskuntzarekin lotutakoak (andrazkoek egindako matrikulen % 14), ingeniaritzak (% 12) eta Enpresen Administrazio eta Zuzendaritzako Gradua, EAZ (% 10etik behera).
Ondoren datoz Psikologia eta Zuzenbidea (% 7 inguru), baita Medikuntza eta Erizaintza ere (% 5)
Nolanahi ere, gizonek egindako aukeraketekin alderatzean (matrikulazio guztia kontuan hartuta), argazkia zertxobait aldatzen da, eta hezkuntza alorrekoekin batera (matrikula guztien % 87,5, emakumeek egindakoak), osasungitzakoak ageri dira. Hots, Erizaintza (10etik 8 baino gehiago emakumeak), Farmazia, nutrizioa eta odontologia (% 78) eta Medikuntza (hiru heren baino gehiago emakumezkoak). Aipagarria da, halaber, Psikologian andrazkoek duten nagusitasuna: 10etik 7 dira.
Kontrara, gutxiengo dira Informatikan (% 16,8 bakarrik dira emakumeak), eta hainbat ingeniaritzatan ez dira herenera heltzen —Ingeniaritza Biomedikoa da salbuespena, 10etik 6 baitira emakumezkoak—. Kirolarekin lotutako ikasketak ere oso maskulinizatuta daude (herena, emakumeak).
EITB
Egindako ikasketak etorkizunean egingo den lanaren erakusle izan ohi dira. Hala, enplegagarritasun handiena duten graduak aztertuta, honakoak ageri dira goialdean: Medikuntza (10 titulatuetatik 9k eskuratzen dute lana), ingeniaritzak (% 88ko enplegagarritasunarekin), EAZ (10etik 8k topatzen dute lana) eta Erizaintza (hau ere % 80ko aukerekin).
Beste muturrean daude, halaber, Ekonomia (maskulinizatutako gradua, % 39 dira emakumeak), Marketing eta Publizitatea eta Psikologia (azken honetan emakumezkoak dira nagusi).
EITB
Zure interesekoa izan daiteke
Ertzaintzak 65 urtetik gorako pertsonen 11.976 biktimizazio erregistratu zituen 2025ean
Biktimizazio mota hauen erdia baino gehiago 50.000 biztanletik gorako udalerrietan kontzentratu ziren.
'Euskaltzaleon Martxak' euskaltzale guztiak batu nahi ditu ekainaren 13an Iruñean
Aldarrikapena eta ospakizuna uztartuko ditu jardunaldiak, "euskaraz bizitzeko baldintzak eskatzeko eta euskaltzale izatearen harrotasuna balioan jartzeko".
Gurutzaontzian hantabirusak kutsatutako hiru pertsonak Herbehereetara ebakuatuko dituzte
Espainiako Osasun Ministerioak adierazi duenez, pertsona horiek ebakuatu ondoren, "ez litzateke egongo arrazoi klinikorik" Kanariar Uharteetan eskala egiteko, Cabo Verde eta Uharteen arteko bidean "kasu sintomatiko berririk agertu ezean".
Seaskako ikasleek desobedientziara joko dute eta euskaraz erantzungo dute baxoko matematikako azterketa
Baionan dagoen Bernat Etxepare lizeoan egin duten agerraldian, Seaskako ikasleek iragarri dute desobedientziara joko dutela eta ekainaren 12an egin behar duten baxoko matematikako azterketa euskaraz egingo dutela. Azterketa guztiak frantsesez egitera behartuta daude, eta aspalditik ari dira baxoa euskaraz egiteko aldarrikapenarekin. Momentuz baina, ez dute aurrerapausorik lortu. Euskal gizarteari babesa eskatu diote, eta besteak beste, igandean Herri Urratsen izango diren mobilizazioetara batzeko deia egin dute.
Iñigo Urkulluk eta Patxi Lopezek Garaikoetxea gogoratu dute, zendu berritan
Lehendakari biek doluminak eta esker ona adierazi dituzte Carlos Garaikoetxea zendu ondoren. Iñigo Urkulluk adierazi du beretzat "gertukoa" zela Euskadiri buruzko planteamentuetan. Lopezek, berriz, "erreferentea" dela esan du.
Lekuko batek adierazi du Maialenen ustezko hiltzailea “noraezean" zebilela eta biktimari “familia aurka jartzea" leporatzen ziola
Maialenen hilketaren epaiketaren bigarren egunean, hainbat lekukok deklaratu dute. Maialen maiatzaren 27an hil zuen omen bikotekideak, Gasteizko hotel batean, 13 labankada emanda. Akusazioek diote hiltzeko asmoz jardun zuela, eta 45 urteko espetxe-zigorra eskatu dute. Defentsak, berriz, "errealitatetik deskonektaturik" zegoela alegatzen du.
Epaileak ikertu gisa deitu du El Bocaleko pasabidearen diseinatzailea
Egitura diseinu eta eraikuntza akatsen ondorioz erori izana posible dela adierazi du epaileak bere autoan. Ingeniariak ekainaren 5ean deklaratuko du.
OMEk baieztatu egin du bi hantabirus kasu izan direla gurutzaontzian, eta zazpi kasu aztertzen ari dira
Hiru bidaiari hil dira hantabirusak jota, eta laugarren bat zainketa intentsiboetan dago. 23 nazionalitatetako 149 lagun (88 bidaiari) zeramatzan itsasontzia Argentinatik irten zen martxoaren 20an, Cabo Verderantz. Egun, han jarraitzen du, Kanaria Handian edo Tenerifen lehorreratzeko zain. OMEk uste du gaixo eta hildakoak gurutzaontzitik kanpo infektatu zirela.
Zer da hantabirusa, karraskariek transmititzen duten eta gaixotasun larriak eragin ditzakeen birusa?
Martxoaren 20an Ushuaiatik (Argentina) abiatu zen gurutzaontzi batean agerraldi bat izan da, eta dagoeneko hainbat hildako utzi ditu. Agerraldiak gaixotasun zoonotiko horren gainera eraman du fokua.
Pertsona bat zauritu da BI-10 errepidean, Bilbon, istripu baten ondorioz
Ezbeharra Errekalde parean gertatu da, Galdakaorako noranzkoan, eta hiru erreietako bi itxi dituzte. Hala ere, 07:00ak aldera errepidea erabat zabaldu dute.