Ikasketa gehiagorekin, aukera zabalagoa eta lanpostu hobea al dute emakumeek?
Azken urteotan andrazkoen ikasketa maila hobetu izanak eragin zuzena izan du enpleguan eta horiek lan merkatuan hartu duten lekuan. Gaur-gaurkoz, landunen ia erdiak dira Hego Euskal Herrian, EITB Dataren arabera.
Emakumeen okupazio tasak nabarmen egin du gora 2002tik, eta oraindik gizonen tasarekin parekatu ez bada ere (7 puntuko aldea dute), bi sexuen arteko arrakala 20 puntu txikitu da azken bi hamarkadetan.
Adin tarteei erreparatuta, aipagarria da 45-64 urteko emakume langileen artean izandako aldaketa. Duela 20 urte, hiru lanpostutik bat baino ez zuten betetzen; egun, ia bitik bat izatera heldu dira.
Grafikoa: EITB Media
Baina, emakume langileen kopurua igotzeaz gain, hobetu al dira euren baldintzak? Alegia, emakumeen enplegua kuantitatiboki hazteaz gain, kualitatiboki hobetu al da?
Erantzuna ez da bat eta bakarra, eta erpin asko ditu. Batetik, unibertsitate ikasketak behar dituzten 10 lanpostutik 6 eurek betetzen dituzte (zuzendaritza postuen ondotik, kualifikazio onena dutenak).
Nolanahi ere, andrazkoak dira gehiengo (% 65) "oinarrizko okupazioak" deitzen diren horietan, kualifikazio gabeko profilak dituztenetan —hortaz, txarren ordaindutakoetan—: supermerkatuetako apal-betetzaileak, etxeko langileak, garbiketa... Dena dela, azken hamarkadako joerari erreparatzen badiogu, kategoria honetan jaitsi da gehien emakumeen presentzia, 2011-2013an % 70 baitziren.
Ifrentzuan, 10 zuzendaritza postutik hiru bakarrik betetzen dituzte emakumeek Hego Euskal Herrian, baina, orobat, talde honetan igo da gehien emakumeen kopurua azken hamarkadan; 5-6 puntu, zehazki.
Grafikoa: EITB Media
Badira feminizatutako jarduerak, adibidez osasuna (% 77 emakumeak), hezkuntza (% 69) edo etxeko jarduerak**; azken horretan, ia denak andrazkoak dira (% 95). Gizonak gehiengoa dira oraindik eraikuntzan (% 11 bakarrik dira emakumezkoak) edo industria arloan (% 20).
**OHARRA: Sarritan ezkutuan eta migratutako emakumeen esku dagoen sektore honetan, ordainpeko eta ogasunean aitortutako enplegua bakarrik hartu da kontuan.
Zure interesekoa izan daiteke
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).
Tubos Reunidosek hartzekodunen konkurtsoa aurkeztu du
Enpresak maiatzaren 6an bilera egingo du Trapagaran eta Amurrioko langile batzordeekin. Bestalde, Amurrioko greba mugagabearekin jarraitu ala ez erabakitzeko asanblada egin ahal izateko beharrezkoak ziren 235 sinadurak aurkeztu dituzte Lan Ikuskaritzaren aurrean.
Medikuek mahai sektoriala eratzea eskatu dute, “Osakidetzaren egitura aldatzeko”
Salatu dutenez, lanean jasaten duten "gainkargak" etengabe luzatzen diren "agenda txikle" deritzonak eragiten dizkie, eta horrek haien osasunerako kaltegarria da.
Gipuzkoan, hiru kontrataziotik bi goi-mailako ikasketak dutenek beteko dituzte
Unibertsitatera joan direnek zein graduondoa dutenek kontratuen % 47 biltzen dute, eta bereziki nabarmentzekoa da STEM profilen eskaera handia. Nolanahi ere, kontratazioa aurreikusten duten enpresa guztiek diote zailtasunak dituztela langileak aurkitzeko eta lanpostuak betetzeko.
Eusko Jaurlaritza, Gipuzkoako Foru Aldundia eta Papresako batzordea gaur arratsaldean bilduko dira, CL Groupen eskaintzaren ostean
Hitzordua arratsaldean izango da, Gipuzkoako Foru Jauregian, Extremadurako enpresak Errenteriako paper-fabrika 39 milioi euroren truke erostea planteatu baitu, plantillaren % 72ri eutsita. Langileek aurreratu dute ez dutela proposamena onartuko.
Egunean 188.000 petrolio upel gehiago ekoitziko ditu OPEP+ aliantzak ekainetik aurrera
Bestalde, merkatuaren egoera gertutik aztertzen jarraitzeko konpromisoa hartu dute aliantza osatzen duten herrialdeek, eta berretsi dute garrantzitsua dela "ikuspegi zentzuduna" izatea, "baita ekoizpenaren doikuntza handitzeko, gelditzeko edo kentzeko malgutasuna izatea ere".
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.