Iruñeko Konstituzio plazako plaka euskarara itzuli beharko da
Iruñeko Udalak Konstituzio plazaren izena euskarara itzuli beharko duela ebatzi du Administrazioarekiko Auzietako 2. epaitegiak, Navarra Sumaren udal gobernuak jarraitutako irizpidearen kontra. Epaia ez da irmoa eta helegitea jar daiteke Nafarroako Justizia Auzitegi Nagusiaren aurrean.
Gaur jakinarazi duten epaian, epaileak berretsi egin du Euskararen Ordenantza ez betetzeagatik Nafarroako Administrazio Auzitegiak onartutako ebazpena. Iruñeko Udalak plaka gaztelera hutsean jarri ostean, Joseba Asiron EH Bilduko zinegotziak helegitea aurkeztu zuen Nafarroako Administrazio Auzitegian, eta arrazoia eman zion.
Udalak, bere aldetik, zioen Constitución izen propioa dela eta ezin dela euskarara itzuli, eta epaitegietara jo zuen. Orain magistratuak adierazi du ez direla kaleei izena ematen dien pertsonen izen-abizenak itzultzen, baina bai izen abstraktuak dituztenak. Horren esanetan, ez da Concepcion Benitez edo Isabel Garbayo Ayala pertsona izenak dituzten kaleen kasu berdina. Horregatik, euskara itzultzeko agindu du.
Era berean, magistratuak azaldu duenez, Konstituzio terminoak, informazio gehigarrian egiten den bezala, 1978ko Espainiako Konstituzioari erreferentzia egin nahi badio ere, horrek ez du berezko izen bihurtzen. "Ikus bedi informazio gehigarri hori bera ere ageri dela plaka elebidunean (Constitución Española de 1978 y 1978ko Espainiako Konstituzioa)", dio.
Epaileak gaineratu duenez, 1978ko Konstituzioari egiten dion aipamenak ez du izen berezi bihurtzen. Izan ere, aipaturiko plakan "Constitución Española de 1978" y "1978ko Espainiako Konstituzioa" izeneko oharra ageri da txikiz.
Irizpide kontrajarriak
Urtarrilean, Iruñeko Administrazioarekiko Auzietako 1. epaitegiak kontrako erabakia hartu zuen. Epaileak ebatzi zuen Nafarroako Administrazio Auzitegiak kaleen izenak itzultzeko irizpidea aldatu zuela, inolako motibaziorik gabe.
Zer dago epai kontrajarri horien atzean? Prozedura Zibilaren Legearen baitan, Iruñeko Udalak erabaki zuen bi kasuak ez metatzea eta horregatik atera dira auzi berari buruzko bi erabaki ezberdin.
Albiste gehiago gizartea
Giako Andre Mariaren eguna ospatu dute Portugaleten
Ohitura den legez, uztailaren 1ean milaka pertsona gerturatu dira Portugaletera Giako Andre Mariaren eguna ospatzera. Egun osoko egitarau oparoa antolatu dute: prozesioaz gainera, jaitsierak, musika, herri-kirolak eta jokoak izango dira giroa alaitzeko.
Abian dira aldundiek eskaintzen dituzten udalekuak
Bizkaia, Araba eta Gipuzkoan 4.000 plaza baino gehiago eskaintzen dira 7 eta 13 urte bitarteko neska-mutilentzat. Horrez gain, 14 eta 17 urte bitarteko gazteentzat ere eskaintzen dira oporretako egonaldiak.
Argi berdea, sarreren birsalmentan prezioa igotzea debekatzen duen arauari
Espainiako Gobernuak argi berdea eman dio ikuskizunetarako sarreren birsalmentan prezioa igotzea debekatzen duen arau bati. Helburua da birsalmentan aritzen diren plataformek eta enpresek sortzen dituzten gehiegizko onurak eta espekulazioa geldiaraztea.
ELAk Bilboko Udala salatuko du, lan eskaintza publikoetan euskara maila jaisteagatik
Udalak %70etik %40ra jaitsi du 35 deialditan euskarazko hizkuntza eskakizunak egiaztatzeko baldintza eta, kasu batzuetan, erabat kendu du baldintza hori.
Nola eragiten die beroak gailu elektronikoei?
Tenperatura altuen eta bero-boladen ondorioak pairatzea ez da soilik gizakion kontua. Askotan, gailu elektronikoek, gure egunerokoan hain beharrezkoak direnek, funtzionatzeari uzten diote beroa dela eta.
Gasteiz eta Bilboko aireportua lotzen dituen autobus linea berria abian da
Lehenengo autobusa 4:30ean irtengo da Gasteiztik, eta, azkena, 21:45ean. Loiutik lehen eta azken zerbitzuak, berriz, 6:30ean eta 23:30ean izango dira, hurrenez hurren.
Aske utzi dute apirilean Bilbon gizon bat indarkeriaz hiltzeaz akusatutako gizona, kautelazko neurriekin
Ertzaintzak atzo atxilotu zuen 30 urteko gizasemea, hilketaren ustezko egilea zelakoan. Baliteke atxiloketa gehiago egitea, jakinarazi dutenez.
Gizon bat espetxeratu dute Donostian emakume bat jo eta bortxatzeagatik
Gertakariak larunbat gauean izan ziren, Udaletik baieztatu dutenez.
TAO zerbitzua, udan: Bilbo, Donostia, Gasteiz eta Iruñean izango diren aldaketa nagusiak
Bilbon, larunbatetan eta jaiegunetan zerbitzua bertan behera geldituko da, eta abuztutik arratsaldetan gauza bera gertatuko da. Gasteizen, abuztuaren 4tik 31ra bitartean ez da zerbitzua ordaindu beharko. Aitzitik, Donostian larunbat arratsaldeetara eta igande eta jaiegunetara zabalduko da, eta Iruñean, sanferminetan, eguneko 24 orduetan ordaindu beharko da.
Erretzea debekatuta, Iparraldeko parke eta hondartza publikoetan
Eskola inguruak, autobus geltokiak eta kiroldegiak ere debeku horren barruan daude. Hala ere, tabernetako terrazetan ez da debekua ezarri, eta neurriak ez die bapeagailu eta antzekoei eragiten.