Etorkinek gizarte-zerbitzuetan jasotzen dutena baino ekarpen handiagoa egiten diote BPGri
Askotan entzun ohi da atzerritarrak bertoko diru-laguntza pubikoez bizi direla edota tokiko gizarte politikez aprobetxatzera etortzen direla gurera. Hala ere, ikerketa guztiek maltzurkeriaz beteriko akusazio horiek errotik gezurtatzen dituzte, eta hala adierazten dute baita ere Ikuspegi Immigrazioaren Euskal Behatokiaren eta Nafarroako Gobernuaren azkenengo azterlanek. Ildo horretan, Xabier Aierdi Soziologian doktoreak argi esaten du: "Oso datu gutxirekin erraz froga daiteke immigranteek ia laukoiztu egiten dutela zerbitzuetan eta abarretan sortu egiten duten kostua. Immigrazioak ekonomikoki ekarpen handi bat egiten du gizartean, ikaragarria".
EAEren kasuan, Ikuspegiren azken azterlanak, 2018an argitaratutakoak, azaltzen du berton finkatuta dauden atzerritar jatorriko biztanleek % 2,06ko ekarpena egin ziotela urte horretan EAEko Barne Produktu Gordinari (BPG) kontsumo-terminoetan, eta ongizate-sistemetara sartzeagatik egotz dakiekeen gastuaren eta egindako kontsumoaren arteko aldea 818 milioi euroko ingurukoa izan zela. "Egiaztatuta geratu da, beraz, administrazioak ongizate-sisteman egindako gastua txikiagoa dela atzerritar jatorriko pertsonek EAEn egiten duten kontsumoa baino", ondorioztatzen du txostenak. Ildo beretik, Nafarroan, foru Gobernuak egindako ikerketen arabera, atzerritarrek % 3,4ko ekarpena egin zioten tokiko BPGari 2018an.
Aierdik azaltzen duenez, normalean, arrazoi ekonomikoak tarteko etortzen dira atzerritarrak gurera, eta berton geratzeko asmoa dute, haien bizitza garatzeko. Horiek kontratatzeko aukera handiena duten merkatuetara bideratzen dira, hau da: zerbitzuetara eta etxe- eta zaintza-lanetara. Kontuak horrela, zehazki, Hego Euskal Herrian bizi diren eta Gizarte Segurantzan afiliatuta dauden atzerritar jatorriko gizon-emakumeen % 14 inguruk etxeetan eta ostalaritzan egiten du lan, eta beste horrenbestek komertzioetan eta eraikuntzan, baita manufaktura-industrian ere, Espainiako Estatuko Gizarteratze, Gizarte Segurantza eta Migrazio Ministerioaren 2021eko datuen arabera.
Zure interesekoa izan daiteke
26 urteko kartzela-zigorra berretsi dute Donostian hiru adingaberi sexu-erasoak egin zizkien masajistarentzat
EAEko Justizia Auzitegi Nagusiak atzera bota du auzipetuak jarritako helegitea, eta berretsi egin du Gipuzkoako Auzitegiaren epaia. 17 urteko zaintzapeko askatasuna ere ezarri zion horrek, espetxe-zigorra bete eta biktimei 40.000 euroko kalte-ordaina ordaindu ondoren.
Gorpu bat topatu dute Txingudiko badian, eta Irunen desagertutako gizonarena izan daiteke
Hilaren 15etik dago gizona agertu barik, Bidasoa ibaira salto egin eta gero, ustez lapurreta batean parte hartzen ari zela Ertzaintzako agenteek antzeman ostean.
Voxek EHUn egindako ekitaldiaren aurrean hartutako erabakiak "egokiak" izan direla defendatu du Joxerramon Bengoetxeak
Joxerramon Bengoetxea EHUko errektoreak nabarmendu duenez, hartutako erabakien helburua Voxek campus huts bat aurkitzea zen. "Prebentzio neurri hori osasun-hesitzat har dezakegu", gaineratu du.
Furgoneta baten gidaria hil da trenak aurretik eramanda, Kuartangon
Istripuaren ondorioz, Bilbo-Miranda Ebro lineako zirkulazioa eten dute, eta garraiobide alternatiboa eskaini diete erabiltzaileei.
Sarrigurengo hilketa matxistaren egilea espetxeratzeko agindua eman du epaileak
Epaileak ohartarazi du hiltzaileak ihes egiteko arriskua duela, erailketa eta giza-hilketa, saiakuntza graduan, egotzita.
Bizkaiko bi ikastetxe publikok eta Arabako batek Nazioarteko Batxilergoa eskainiko dute datorren ikasturtean
Titulazio bikoitza lortzeko aukera izango dute, beraz, ikasleek: Batxilergoko titulu ofiziala eta Nazioarteko Batxilergoko diploma. Horretarako, gutxienez 8,25eko nota izango beharko dute ikasleek, eta Ingeles eta Euskara ikasgaietan ere bai.
Pertsona bat hil da eta beste bat larri zauritu da Arabako piroteknia-enpresa batean izan den leherketan
Ezbehar 11:10ean izan da, FML enpresan, Bergüendako kontzejuan, Gasteiztik 44 kilometrora. Bertako alkateak esan du segurtasun kontuetan enpresan "dena zuzen" zegoela.
Mehatxuen aurrean, EAEko erakundeek feminismoa "defendatzeko eta zabaltzeko" deia egingo dute aurtengo M8ko kanpainan
Urtero bezala, martxoaren 8ko kanpaina ondu dute Emakundek, Foru Aldundiek eta Eudelek. "Eman tokia berdintasunari" izango du lelotzat, eta gaurtik M8ra, berdintasuna zaindu eta babesteko eremua dela aldarrikatuko dute.
Kosner Baskoniak bihar ospatuko du Kopako titulua Andre Maria Zurian, 19:00etan
Kosner Baskoniak Espainiako Kopa irabazi osteko gaua luze joan da Gasteizen. Taldea goizaldean iritsi da hiriburura, eta zaleek kale eta plazak hartu dituzte, festa giroan. Asteartean izango da harrera ofiziala.
Albiste izango dira: Kosner Baskonia Kopako txapeldun!, EHUren Arabako campusa itxita eta greba eguna Tubos Reunidosen
Gaurkoan Orain-en albiste izango direnen laburpena, bi hitzetan.