Giro argi eta lehorra Aste Santu guztian
Aste Santua giro egonkorrarekin igaroko dugu Euskal Herrian, Euskalmet agentziak eta EITBko meteorologia zerbitzuak jakinarazi dutenez. Jaiegun guztietan, eguzkitsu egongo da zeru gaina, eta tenperatura atseginak izango dira oro har. Gainera, egunek aurrera egin ahala, poliki-poliki, goranzko bidea hartuko dute termometroek, baina gauek freskoak izaten jarraituko dute.
Ostegunean, apirilaren 6an, eguzkia izango da protagonista, goizaldean eta goizean goiz erdi mailako hodeiak eta goi-hodeiak izango ditugun arren. Tenperaturak, minimoak zein maximoak, apur bat igoko dira. Dena den, izotza egingo du Araban eta Nafarroan. Haizea ahul ibiliko da, iparraldetik. Hori horrela, epelenak 16 ºC-ren bueltan ibiliko dira kostaldean, eta 18-19 ºC inguruan barnealdean.
Ildo beretik jarraituko du ostiralean ere. Zerua ia garbi egongo da, eta, eguzkiari esker, tenperatura maximoak beste koska bat igoko dira: kostaldean, 17 ºC-koak, eta 19-20 ºC-koak, barnealdean. Araban eta Nafarroan, izotza egingo du. Ipar-ekialdeko haizeak ahul joko du, batez ere kostaldean.
Larunbatean, udaberriko beste egun bat izango dugu. Eguzkia izango da jaun eta jabe, eta tenperatura maximoek gora egingo dute berriro, bereziki barnealdean —20-22 ºC harrapatuko dira—. Igandean, ez da aldaketarik espero, eta Nafarroa erdialdean eta hegoaldean espero dira tenperatura beroenak, 22-23 ºC-ko langa gaindituta.
Astelehenean, ipar-ekialdeko haizeak iparraldera egingo du, eta hodei gehiago ekarriko ditu. Dena den, ateri eutsiko dio, antzeko tenperaturarekin.
Eguraldi atsegina tarteko, turismo gidetan ikusiko ez dituzun hainbat plan topatuko dituzu bideo honetan:
Albiste gehiago gizartea
Sindikatuek eta pentsiodunek protesta egin dute Eusko Legebiltzarraren aurrean
Pentsioak Lanbide arteko Gutxieneko Soldatara (LGS) arte osatzeko Herri Ekimen Legegilea (HEL) Jaurlaritzak aintzat hartu ez izanagatik protesta egin du pentsiodunen mugimenduak. Bestalde, enplegu publikoko prozesuetan izandako euskararen aurkako "erasoaldi judiziala" salatu du LAB sindikatuak.
Bi gizon atxilotu dituzte Azkoitian gizon bati sexu-erasoa egin eta legez kanpo atxikitzeagatik
Joan den asteartean, gizon bat Ertzaintzaren egoitzara joan zen sexu-eraso baten biktima izan zela eta bere borondatearen aurka atxiki zutela eta eraso fisikoa eta sexuala egin ziotela salatzeko.
Euskal Selekzioak eta Palestinak lagunarteko futbol partida jokatuko dute San Mamesen azaroaren 15ean
Espainiako agintarien arabera, ez da kirol ekitaldi huts bat izango, eta Palestinan pairatzen ari diren "giza eskubideen urraketa guztiak" ikusarazteko ere baliatuko dute lagunartekoa.
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".
Palestinaren aldeko mobilizazioak egingo dituzte ostegunean Hego Euskal Herrian
Protestak eguerdian eta arratsaldean izango dira, Gasteizen, Bilbon eta Iruñean.
EHUk 247 milioi euroko egitasmoei uko egin die Israelen parte hartzea dutelako
Joxerramon Bengoetxea errektorearen hitzetan, “herri palestinarraren genozidioaren auzia lehentasuna da” EHUrentzat. Gogorarazi du 2024ko apiriletik ez dutela harremanik Palestinan egindako krimenak gaitzesten ez dituzten unibertsitate eta erakundeekin.
EHUk uko egin dio 247 milioi euroko ikerketa-proiektuetan parte hartzeari, Israelekin loturak zituztelako
Joxerramon Bengoetxea Euskal Herriko Unibertsitateko (EHU) errektoreak asteazken honetan berretsi duenez, "Palestinako herriaren genozidioaren auzia lehentasuna da gure unibertsitatean", eta aditzera eman du EHUk uko egin diela, azken hilabeteetan, 247 milioi euroko ikerkuntza-proiektuei, biomedikuntzaren edo konputazio-zientzien arloetan, proiektu horiek Israelgo estatuarekin zuten loturagatik. Agerraldian, Bengoetxeak Europako Batzordeari eta Espainiako Gobernuari eskatu die Israelgo unibertsitateak, ikerketa-zentroak eta erakundeak bazter utz ditzatela ikerketa elkarlanak, akademikoak edo kulturalak laguntzeko europar funtsetatik.
Labar pinturak dituen historiaurreko aztarnategi bat aurkitu dute Gamiz-Fikan
Bizkaiko Foru Aldundiak jakinarazi duenez, Juan Carlos Lopez Quintanak eta Juan Carlos Izagirrek aurkitu zuten, Atxispeko San Pedro ermitaren ingurunea berreskuratzeko interbentzio programa baten baitan, 2025eko ekainaren 26an. Haitzuloa ikertu duten adituen arabera, eremu kantauriarrean dokumentatutako lehen hipogeo mistoa da.
Pertsona bat hil da Tafallan furgoneta baten eta uzta biltzeko makina baten artean izandako istripuan
Polizia-iturriek jakitera eman dutenez, istripua 09:00etan gertatu da, NA-132 errepidean, Tafalla parean, eta hildako pertsona furgonetan zihoana da.