10 leku Aste Santuan ikusteko, Euskaditik irteten ez bazara
Lur magiko eta enblematikoa izanik, Euskadik istorio amaigabeak, mila koloreko natura, milaka urteko kultura, gastronomia propioa eta esperientzia paregabeak eskaintzen dizkie bidaiariei, berez nabarmentzen diren espazio ahaztezinak eta txoko ikusgarriak.
Halarik ere, oraindik badira gune tipikoez haraindiko txokoak. Izan ere, gero eta gehiago dira esperientzia desberdinak eskaintzen dituztenak, milaka pertsona liluratzen eta harrapatzen dituzten ibilbide turistikoetatik kanpo. Aste Santua ate joka dugula, heldu da leku berriak ezagutzeko eta esperientzia berriak bizitzeko abenturan murgiltzeko unea.
Hainbat plan proposatuko dizkizuegu, Aste Santuan gertuko ihesaldi batez gozatzeko:
1. Espeleologia Mairuelegorreta kobazuloan: Kultura, misterioa eta espeleologia nahasten dira labirinto honetan, Gorbeia mendiaren erraietan, apirilaren 7an, Muruan (Zigoitia), 09:00etan.
2. La Cabaña Pottery & Plants: Ariketa fisikoa zeramika tailerrekin eta landareen hazkuntzarekin, mendietara begira, birgaitutako baserri batean. Yoga jarduera apirilaren 4an eta 11n Sarrian (Zuia).
3. Aisialdia eta abentura Mendexa Abentura Parken: Gozatu zuhaitzetako abentura-baso batez, goialdeko erronka eta emozioekin, adin guztientzako zirkuituekin.
4. Oleoturismoa Araban: Bisita gidatua, dastatze maridatua, museoa eta esperientziaz beteriko eguna pasatzeko aukera izango duzu Arabako Errioxan. Kalitate handiko olibadi-olio birjina estra sortzen duten ehun urteko olibondoak ezagutuko dituzu.
5. Ibilbide turistikoa eta ginkana digitala Portugaleten: Udalerria joko-taula bihurtzen da, mugikorra jolasteko tresna da, hainbat enigma asmatzen saiatu behar duzu, udalerriko ondare kultural, tradizional eta gastronomikoa ikasten duzun bitartean.
6. Getxoko Flyscha gaueko begirada batetik: Flyscharen jatorria ezagutzeko esperientzia gauean murgilduta, itsaslabarrak argi batekin esploratuz.
7. Artzain bihurtu egun batez: Gorbeian oraindik bizirik dirauen milaka urteko lanbide hau deskubri dezakezu. Artaldeak gidatzen dituzten txakurrekin, Gorbeiako gazta goxoa egiteko esnea ematen duten ardiekin eta tradizioa hiltzen uzten ez duten pertsonekin.
8. Burdinaren harana: Euskal Herriko burdinaren historia bertatik bertara bizi, Lenbur Lurralde Museoan.
9. Gozatu ermitekin: Ezagutu ermiten ibilbidea, Gipuzkoan paregabeak diren paisaiez disfrutatzeko aukera ematen duena.
10. Sentitu zaitez Indiana Jones egun batez Irugurutzetako meatzeetan: Jantzi kaskoa eta gozatu erromatarrak ustiatzen hasi ziren meatze hauen historiaz.
Zure interesekoa izan daiteke
Berriro itzali dute Derioko sutea, Loiuko aireportutik gertu berpiztu zena
Sua astelehenean piztu zen San Isidro auzoko baso-eremu batean. Suhiltzaileek sugarrak erabat itzaltzea lortu zuten arren, sua berriro piztu zen eta lanean ari dira goizaldera arte.
Bideo hunkigarria argitaratu du Lara Tacorontek, Mexikora ikastera joan eta hil duten gaztearen ahizpak
Lara Tacorontek, asteburuan Mexikon labankadaz hil zuten Claudiaren ahizpak, salatu duenez, inork ez zion bere familiari jakinarazi “duela oso gutxi” beste bi emakume hil zituztela unibertsitate berean, Moreloseko Autonomoan. "Zergatik ez du inork ezer egiten?", galdetu eta deitoratu du "gutako bakoitza, pertsona gisa, gizarte gisa, aldatzen ez garen arte, horrelakoek gertatzen jarraituko dute".
Gasteizek gogortu egingo du animalien ordenantza: 200 euro pixa eta gorozkiak ez garbitzeagatik, nahitaezko asegurua eta 100.000 eurorainoko isunak
Ordenantzaren eguneraketak arau-hauste arinak gogortuko ditu: egun 750 eurotik beherakoak eta 3.000 eurora iritsiko dira orain. Berritasunen artean, animalien pixa urez garbitzeko betebeharra dago, eta hori ez betetzeak 200 euroko isuna izango du.
Trafikoa bere onera etorri da N-634an, Galdakao parean, istripu baten ondorioz ia bi orduz itxita egon ondoren
Ezbeharra 14:45ean gertatu da Kortederrako gasolindegitik gertu, 96. kilometroan. Auto batek eta kamioi batek elkarren kontra jo dute, eta pertsona bat zauritu da.
Zestoako jaietan pertsona bati egindako eraso "bortitza" salatu dute
Udalak ohar baten bidez jakinarazi duenez, lagun bat "bortizki" kolpatu zuten, eta erasoaren ondorioz, hezur haustura eta buruan zauriak izan zituen. Hori dela eta, ospitalera eraman zuten, eta Neurologia Zerbitzuan dago ingresatuta. Bestalde, Segurtasun Sailak zehaztu du irailaren 9ko gauerdian gertatu zela erasoa, eta biktima 40 bat urteko gizonezko bat dela.
Sexu-askatasunaren aurkako delituak batez beste % 8 hazi dira Euskadin
2025ean 2.200 kasu salatu ziren. Fiskaltzaren memoriak ohartarazi duenez, adingabeei zuzendutako prebentzio eta kontzientziazio lanak "ez dira funtzionatzen ari".
Justizia Anderrentzat plataformak gezurretan aritzea leporatu die Santurtziko Udalari eta poliziari
Ander S. T. poliziaren indarkeriak hil zuela frogatuko omen dute prozesu judizialean, eta frogetako bat aurkeztu dute: atxiloketaren bideoa. Plataformak manifestazioa deitu du urriaren 3an.
Ikasle-egoitza ala partekatutako pisua? Unibertsitateetako egoitzen eskariak gora, alokairuen garestitzeagatik
Etxebizitza partekatua aurkitzea gero eta zailagoa da, eta egoitza eta pisuaren arteko prezio-aldea txikitu egin da. Ikasle-egoitza batzuk %100eko okupaziotik gertu daude: erosotasunak, zerbitzuek eta banakako gelek gero eta ikasle gehiago erakartzen dituzte.
Espetxera eraman dute motozerra batekin hainbat gazte mehatxatu zituen gizona
Leporatzen dizkioten gertakariak irailaren 12ko goizaldean jazo ziren. Aurrekari polizialak zituen gizon hori hainbat pertsonari segika ibili zen Algortan, motozerra bat eskuetan zuela.
Eguraldi aldaketa gaurtik aurrera, eta euria asteazkenerako zein ostegunerako
Goiza eguzkitsua eta beroa izango da, baina iluntzerako aldaketa iritsiko da eta asteazkenean tenperaturek nabarmen egingo dute behera. Euria egingo du bai asteazkenean baita ostegunean ere.