SATEVIk egiaztatu du haurdunaldia zaurgarritasun bereziko unea dela emakumeentzat
900 840 111 telefono-zerbitzuak, indarkeriaren biktima diren emakumeei telefono bidez arreta ematen dienak, SATEVI, 2006. urtean martxan jarri zenetik ehundik gora emakume haurdun artatu ditu, zehazki 231, bikotekideek edo bikotekide ohiek eragindako indarkeria matxistaren biktimak.
"Zaurgarritasun bereziko unea da", gaur Nerea Melgosa Eusko Jaurlaritzako Berdintasun, Justizia eta Gizarte Politiketako sailburuak, Oiane Zarate 900 840 111 zerbitzuko koordinatzaileak eta Irene Carrera Osakidetzako emagin eta Bilbo–Basurtuko ESIko Berdintasun arduradunak azaldu dutenez.
2022an, SATEVIren telefono-zerbitzuak indarkeria matxistaren biktima izan diren 22 emakume haurdun artatu ditu; 2021ean, berriz, antzeko datuak aurkeztu zituen, 23 artatu baitzituen.
"Egoera arruntetan haurdunaldiak irauten duen 40 asteetan, emakumeek indarkeria matxista jasaten dutenean aktibatzen diren alarma-seinaleak daude", adierazi du Melgosa sailburuak, eta une horretan emaginek duten papera nabarmendu du, "haurdun dauden emakumeak gehien bisitatzen dituzten profesionalak baitira".
"Haurdunaldia tratu txarrak ematen dituzten gizonek emakumeen gainean kontrol handiagoa duten unea da, haien barruan beren zerbait daramatela sentitzen dutelako", adierazi du Melgosak.
Nahiz eta oraindik ez jaio, biktima
Berdintasun, Justizia eta Gizarte Politiketako sailburuaren esanetan, seme-alaba horiek, nahiz eta oraindik ez jaio, "indarkeria matxistaren biktima dira dagoeneko". Horri dagokionez, adierazi du SATEVIk 2022an artatu zituen 1.379 emakumeen % 55, zehazki 766, ardurapean seme-alaba adingabeak zituzten amak izan zirela.
Melgosaren arabera, biktima izan ziren 1.379 emakumeetatik soilik 65ek deitu zuten 900 840 111 telefonora, urtebete baino gutxiago zeramatela tratu txarrak jasaten. Ez dira % 5era iristen. Gainerakoek urteak zeramatzaten biktima izaten.
Bikotekideen edo bikotekide ohien biktima diren eta SATEVIk artatu dituen emakumeen % 100ek tratu txar psikologikoak jasan dituzte, bakarrik edo beste tratu txar mota batekin batera. Artatutako hamar emakumetik bostek, gainera, indarkeria fisikoa jasan dute; hamarretik hiruk, indarkeria ekonomikoa; eta hamarretik batek, berriz, sexu-indarkeria, bikotearen esparruan identifikatzeko zaila den eraso mota.
Eusko Jaurlaritzak gogorarazi du 900 840 111 telefono-zerbitzua urtean 365 egunez eta egunean 24 orduz irekita dagoela; berehalakoa, anonimoa, konfidentziala eta doakoa da, eta ez du arrastorik uzten telefono-fakturan. Melgosak, amaitzeko, 900 840 111 telefonora deitzeko eskatu die alarma-seinaleak identifikatzen dituzten emakume guztiei.
Albiste gehiago gizartea
Bittor Arginzonizen Etxebarri erretegiak munduko bigarren jatetxe onena izaten jarraitzen du
Peruko Maido jatetxea munduko onena izendatu dute The World 's 50 Best Restaurants 2025 sarietan. Bestalde, Etxebarri erretegiko Mohamed Benabdallah aljeriarra munduko sommelier onena izendatu dute.
Abadia Saria jaso du Gure Zirkuak
Gure Zirkuak aurtengo Abadia Saria jaso du gaur arratsaldean, Arrateko gainean (Eibar) egindako ekitaldian, komunitate oso bati “elkarrekin euskaraz bizi eta sentitzeko plaza berritzailea” eskaintzeagatik. Eider Mendoza diputatu nagusiaren eskutik jaso dute Abadia Sariaren oroigarria –Iñigo Aristegui Telloren Zazpi Petaloak eskultura– Gure Zirkuko kideek.
Beskoitzek ikastola berria izango du 2026-2027 ikasturtean
Egun dauden prefabrikatuetatik gertu, lursail bat erosi du Beskoitzeko Udalak eta bertako zati bat ikastolarentzat izango da. Herri Urratsen lortutako diruari esker eta Euskal Herri osotik iritsitako elkartasunari esker, Seaskak milioi bat euroko inbertsioa egingo du. Irailean lanak hasiko dira, eta hurrengo ikasturtean hasiko lirateke Beskoitze aldeko 50 haur inguru baldintza duinetan euskaraz ikasten.
Ehgamek Bilbao Bizkaia Harro ekimena boikoteatzeko deia egin du
EAJk Harrotasunaren Nazioarteko Eguna “bereganatu eta turistifikatu" nahi duela salatu du eta E28 Koordinadorak ekainaren 28rako deitutako manifestazio “herrikoi eta aldarrikatzailera” joateko deia egin du.
500 ekitalditik gora antolatu dituzte 2025eko sanferminetarako
Ostegun honetan aurkeztu dute sanfermin jaien egitarau ofiziala, eta iragarri dutenez, hilaren 14an Sorotan Bele talde gipuzkoarrak emango dio amaiera bederatzi eguneko zoramenari, Gazteluko plazako agertokian.
Alerta laranja Araba eta Nafarroa hegoaldean, arratsalderako iragarrita dauden prezipitazio handiengatik
Tenperatura maximoak 27 eta 35 graduren artean kokatuko dira, tokiaren arabera. Arratsaldetik aurrera baliteke ekaitzak jo eta zaparrada trumoitsuak botatzea. Hori dela eta, alerta laranja ezarriko dute Araba eta Nafarroa hegoaldean.
Klima-aldaketaren ondorioak Euskadin: 0,3 °C gehiago hamarkada bakoitzeko, bero-bolada gehiago eta itsasoaren tenperatura gora
Eusko Jaurlaritzak egindako txosten batek ohartarazi du berotze globalak gero eta ondorio handiagoak dituela Euskadin. Tenperaturak etengabe igo dira 1970etik, bero-boladen egunak bikoiztu dira eta itsas mailak erritmo bizkorrean egiten du aurrera. 2023an, itsasoaren batez besteko tenperatura inoizko altuena izan zen.
Nafarroako Unibertsitatea eta EHU, munduko 600 unibertsitate onenen artean
Massachusettseko Institutu Teknologikoak (MIT) lehen postuari eusten dio, hamalau urtez; ostean, Londresko Imperial College eta Stanfordeko Unibertsitatea daude.
Arartekoak Osakidetzan inbertsioa areagotzearen garrantzia azpimarratu du, herritarren kexak ikusita
Ines Ibañez de Maeztuk adierazi du Osasun Itunaren ostean hartuko diren neurrien esperoan dagoela, egoera hobetuko duten itxaropenarekin. "Etxebizitza eskubidea bete egiten dela bermatuko duten politika publikoen aldeko apustu irmoa" ere eskatu du.
Scientia School enpresak Pryconsa konpainiari saldu dio Amara auzoko Karmelo ikastetxea hartzen zuen eraikina
Scientia Schoolek azaldu duenez, 2019an erosi zuen ikastetxea, baina "matrikulen kopuruak behera egin zuen etengabe". "Egoera horrek itxiera ekarri zuen", gogorarazi du.