Hezkuntza legeari buruzko eztabaida "ika-mika politikotik at" uzteko eskatu die Bildarratzek alderdiei
"Kritikak ezustean harrapatu ninduen, baina ez diot garrantzi berezirik eman nahi, ezta kendu ere". Hitzokin erantzun du Jokin Bildarratz Eusko Jaurlaritzako Hezkuntza sailburuak PSE-EEk atzo, Hezkuntza legearen proiektua onartu berritan, egindako kritikei buruz galdetuta. Hedabideetara igorritako ohar batean sozialistek esan zutenez, onartutako testuak "ez die ezarritako helburuei erantzuten". Ezadostasun horren berririk ez duela orain arte izan aitortu du sailburuak.
Radio Euskadin egin dioten elkarrizketan polemikan sartu nahi gabe eman dituen azalpenen arabera, testuak "2022ko apirilaren 7ko espirituari bere osotasunean eusten dio". "Eusko Jaurlaritzak mandatu bat jaso zuen, eta guk erabat leial jokatu dugu. Iaz adostutako testuaren ildo guztiak errespetatu dira, testua oso antzekoa da, eta bere horretan itzuli diogu Eusko Legebiltzarrari", zehaztu du.
Udal eta foru hauteskundeetako kanpaina ate-joka den honetan, Hezkuntza Legeari buruzko eztabaida ika-mika edota liskar politikotik at uzteko eskatu die Bildarratzek alderdi politikoei. Orain arte bezala "elkarrekin lan egiten jarraitzeko eskatzen diet", erantsi du. Horren hitzetan, "oso garrantzitsua" da "familiei lasaitasun mezu bat" helaraztea.
Hezkuntza ereduei buruz, berriz, berretsi du ez dela aldaketarik egongo, eta alderdiekin adostutako hasierako testuan jasotakoa beteko dela. Zentzu horretan, hiru puntu azpimarratu ditu: familiek nahi duten eredua aukeratu ahal izango dute, eskola bakoitzak bere hizkuntza proiektua landuko du tokiko egoera soziolinguistikoaren arabera eta ikasketa prozesuaren amaierarako hizkuntza helburu zehatzak ezarri dira.
Azkenik, sailburuak adierazi du eskola publikoak "lehentasun osoa" izango duela, eta kontrakoa esatea "eslogan bat besterik ez da".
Albiste gehiago gizartea
"Nahasmendu delirantea" diagnostikatu diote medikuek Kabiecesen 400 haur baino gehiago txertatu gabe utzi zituen erizainari
Epaiketaren laugarren egunean, auzipetua auzitegian aurkeztu da, baina deklaratzeko moduan ez dagoela onartu du.
Iruñeko Planetarioa berreraikitzeko lanak hasi dira
Urtarrilean kupula larriki kaltetu zuen sutearen ondoren, Iruñeko Planetarioa Tornamira Aretoa zaharberritzen eta eraikina osorik modernizatzen hasi da. Kultura sailburu Rebeca Esnaolak zentroa zientzia eta astronomia dibulgaziorako abangoardiako gune gisa berreskuratzea helburu duten jarduerak azaldu ditu.
Sindikatuek eta pentsiodunek protesta egin dute Eusko Legebiltzarraren aurrean
Pentsioak Lanbide arteko Gutxieneko Soldatara (LGS) arte osatzeko Herri Ekimen Legegilea (HEL) Jaurlaritzak aintzat hartu ez izanagatik protesta egin du pentsiodunen mugimenduak. Bestalde, enplegu publikoko prozesuetan izandako euskararen aurkako "erasoaldi judiziala" salatu du LAB sindikatuak.
Bi gizon atxilotu dituzte Azkoitian gizon bati sexu-erasoa egin eta legez kanpo atxikitzeagatik
Joan den asteartean, gizon bat Ertzaintzaren egoitzara joan zen sexu-eraso baten biktima izan zela eta bere borondatearen aurka atxiki zutela eta eraso fisikoa eta sexuala egin ziotela salatzeko.
Euskal Selekzioak eta Palestinak lagunarteko futbol partida jokatuko dute San Mamesen azaroaren 15ean
Espainiako agintarien arabera, ez da kirol ekitaldi huts bat izango, eta Palestinan pairatzen ari diren "giza eskubideen urraketa guztiak" ikusarazteko ere baliatuko dute lagunartekoa.
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".
Palestinaren aldeko mobilizazioak egingo dituzte ostegunean Hego Euskal Herrian
Protestak eguerdian eta arratsaldean izango dira, Gasteizen, Bilbon eta Iruñean.
EHUk 247 milioi euroko egitasmoei uko egin die Israelen parte hartzea dutelako
Joxerramon Bengoetxea errektorearen hitzetan, “herri palestinarraren genozidioaren auzia lehentasuna da” EHUrentzat. Gogorarazi du 2024ko apiriletik ez dutela harremanik Palestinan egindako krimenak gaitzesten ez dituzten unibertsitate eta erakundeekin.
EHUk uko egin dio 247 milioi euroko ikerketa-proiektuetan parte hartzeari, Israelekin loturak zituztelako
Joxerramon Bengoetxea Euskal Herriko Unibertsitateko (EHU) errektoreak asteazken honetan berretsi duenez, "Palestinako herriaren genozidioaren auzia lehentasuna da gure unibertsitatean", eta aditzera eman du EHUk uko egin diela, azken hilabeteetan, 247 milioi euroko ikerkuntza-proiektuei, biomedikuntzaren edo konputazio-zientzien arloetan, proiektu horiek Israelgo estatuarekin zuten loturagatik. Agerraldian, Bengoetxeak Europako Batzordeari eta Espainiako Gobernuari eskatu die Israelgo unibertsitateak, ikerketa-zentroak eta erakundeak bazter utz ditzatela ikerketa elkarlanak, akademikoak edo kulturalak laguntzeko europar funtsetatik.