Arabako saskibaloi entrenatzaile bat salatu dute adingabe bati sexu erasoa egitea egotzita
Arabako Saskibaloi Federazioak lizentzia kendu dio gizonezko entrenatzaile bati, jokalari ohietako batek sexu erasoa egotzita horren kontrako salaketa aurkeztu duela jakin ostean.
Emakumeak orain aurkeztu du salaketa, baina erasoa iaz gertatu zen, artean adingabea zela. Salatzailea Toju saskibaloi taldeko junior kategoriako jokalaria zen. Denboraldi honetan, baina, jokalaria eta entrenatzailea ez zebiltzan talde berean.
Salaketaren berri izan eta berehala, Federazioak oharra atera du. Bertan dioenez, jarduera guztietatik baztertu dute entrenatzailea, polizien eta epaitegien ekinbideak bukatu bitartean.
Federazioak "elkartasuna eta erabateko babesa" helarazi nahi izan dizkio emakume salatzaileari, eta salatutako gizonaren errugabetasun-presuntzioaren eskubidea errespetatzen duela erantsi du.
Federazioaren hitzetan, "onartezinak, gaitzesgarriak eta salatzekoak dira saskibaloian aritzen den ezein pertsonaren osotasun moral edo sexualaren kontrako erasoak, zein duintasunari kalte egin diezaiokeen edozein jarrera, iruzkin, jazarpen, larderia edo eraso".
Salatutako gizona Baskoniako harrobiko taldeen entrenatzailea ere bazen, eta jardunean zegoen aurtengo denboraldian. Hori horrela, klub gorri-urdinak ere kargutik kendu du.
Ohar bidez, "kirolaren barruan ezein bortxakeria jarrera gaitzetsi eta baztertzen" duela esan du Baskoniak.
Ildo beretik, antzeko idatzia kaleratu du Toju saskibaloi taldeak ere. Azpimarratu duenez, ez zuen salatutako gertakarien berri.
Zure interesekoa izan daiteke
Gazteen % 75ek sare sozialen bidez jasotzen dute informazioa, eta % 13k soilik identifikatzen dituzte albiste faltsuak
Gazteen % 20a baino gehiago eduki ideologikoen eta eztabaidagarrien eraginpean jartzen dira egunero. Hala ere, "berdintasunaren, demokraziaren edo immigrazioaren alde jarraitzen dute" ikerketaren arabera.
Gure Eskuk “HERRITU” aurkeztu du, Euskal Herriaren erabakitzeko eskubidearen alde agertzeko
Gure Eskuk “HERRITU” ekimena aurkeztu du gaur, euskal komunitatea sendotzeko eta zutabeak indartzeko helburua duen tresna gisa. Euskarri modura txartel fisiko edo birtuala izango du. Harpidetza egiten duenak Euskal Herria 7 herrialdek osatutako nazio bat dela, eta euskararen eta erabakitzeko eskubidearen aldeko atxikimendua adieraziko du. Durangoko azokan jarriko da martxan eta asmoa herriz herri zabaltzea da, 10 euroko harpidetzaren truke.
Etxerik gabeko pertsonen kopurua bikoiztu egin da EAEn, eta 1.500 baino gehiago ziren 2024an
Argitan, Atxurigorri, AZET edo Berri-otxoak bezalako eragile sozialek manifestazioa egin dute gaur Bilboko Udalaren aurrean kartoi artean lurrean etzanda, "etxebizitza duina" izatea eragozten duen administrazioen etxebizitza-politika gaitzesteko.
Osakidetzak anbulatorioetan psikologoak kontratatzeko prozesua ireki du
Profesional horien bidez, Euskal Osasun Zerbitzuko anbulatorioetan insomnioa, antsietatea, depresio arina edo antzeko nahasmendu eta ondoezei hobeto erantzutea da helburua. Kontratatuko diren psikologoak Lehen Mailako Arretan erreferenteak izango dira, eta bitartekari lanak egingo dituzte pazientearen eta familiako medikuaren eta, kasu konplexuagoetan, ospitalez kanpoko osasun mentaleko zentroetan ematen den arreta espezializatuaren artean.
![VITORIA, 17/11/2025.- El juzgado de lo Penal número 1 de Vitoria inicia este lunes el juicio contra 21 antiabortistas acusados de coacciones por realizar concentraciones frente a una clínica en la que se realizan abortos en Vitoria. EFE / L. Rico [POOL]](https://s7g10.scene7.com/is/image/eitb/juicios-askabide-efe?fmt=webp-alpha&qlt=80)
Akusatuek ukatu egin dute inor presionatu izana, eta Askabideren aurrean isilean otoitz egin zutela ziurtatu dute
Gehienek adierazi dute ez zirela inorengana hurbildu, otoitzak isilean izan zirela, eta poliziak ez ziela inoiz alde egiteko eskatu. Argumentu horiek errepikatu dira gaur Askabide klinikaren aurrean egindako kontzentrazioengatik epaitzen ari direnek emandako bertsioetan.
Jaliscoko Kartelaren Espainiako 'bulegoa' desegin dute, adar operatiboa bat Bilbon zuena
Polizia Nazionalak 20 pertsona atxilotu ditu nazioarteko makrooperazio batean. 1.870 kilo kokaina atzeman ditu, eta Espainiako Jalisco Nueva Generacion kartelaren egitura desegin du.
Bi gizon atxilotu eta droga saltzeko gune bat desegin dute Barañainen
Azaroaren 12an egindako polizia-operazioan, 35 eta 41 urteko bi gizonezko atxilotu zituzten, droga-trafikoko delitu baten ustezko egile gisa. Auzokideen salaketen ondorioz hainbat zaintza, jarraipen eta egiaztapen-lan egin ondoren jarri zen martxan polizia-operazioa.
Zabaldu dute N-1 errepidea Legorretan, Irungo noranzkoan, bi ibilgailuren arteko istripuagatik itxita egon ondoren
Goizeko lehen orduan kamioi batek eta furgoneta batek istripua izan dute, eta furgonetako gidaria Tolosako Asuncion klinikara eraman dute, zaurituta. Errepidea zabaldu arren, 09:30ean oraindik auto ilarak zeuden.
Askabideren aurrean egindako kontzentrazioengatik auzipetuek gaur deklaratuko dute Gasteizen
21 akusatuek deklaratuko dute gaur, atzo lekukoek klinikaren aurrean presio "etengabea" egiten zutela esan ostean. Fiskaltzak dio hertsapenak egon zirela.
Euskal panettone bat Italian lehiatuko da nazioarteko final handi batean
Markina-Xemeingo Tate gozotegiaren panettonea urteko panettone iberiko onenaren finalean lehiatuko da, beste hamarrekin batera. Martxel Iridoy gozogileak bere panettonearen osagaiak argitu dizkigu.