TOP14 errugbi ligaren finalaurrekoak hartuko ditu Donostiak ostiral eta larunbatean
Reale Arena estadioak futboleko ateak errugbiko zutoinengatik aldatuko ditu ostiral eta larunbat honetan. TOP14 Frantziako Errugbi Ligako finalerdiek estadioaren harmailak eta hiriko kaleak zalez beteko dituzte.
Kirol arloan, ekainaren 9an, 21:05ean Toulouse eta Racing 92 taldeek lehen finalerdia jokatu dute. Dagoeneko sarrerak agortuta daude. Ekainaren 10ean, larunbatean, 17:00etan, bigarren finalerdia jokatuko dute Stade Rochelais eta Bordeaux Begles taldeek.
Jarduera egitarau zabala
TOP14ko finalerdiei esker, errugbia protagonista izango da Donostian, eta donostiarrek zein hirira gerturatzen diren afizionatu guztiek hiriko hainbat puntutan antolatuko dituzten jardueretan hartuko dute parte.
Zaleak bi lekutan bilduko dira, bereziki: alde batetik, Anoetako Reale Arena estadioko hegoaldean jarriko duten Fan Zone-an, eta bestetik, Saguesen kokatuko duten Village du TOP14 eremuan.
Estadioaren hegoaldeko guneak musika jarduerak eta jateko zein edateko salmenta tokiak izango ditu. Saguesen, bestalde, Bera Bera errugbi taldeak Basque Beer Festival garagardo azoka antolatuko du. Gaur arratsaldean, 18:00etan, zabalduko ditu ateak.
Gainera, hiriko hainbat tokitan bi egunei kolorea emango dieten jarduerak antolatuko dituzte; besteak beste, Katalunia plazan, Artzain Onaren inguruan, Easo plazan edo Pio XII.ean. Herri Kirolen erakustaldia, gozoen merkatua, bertsolariak, trikitilariak edo zaleak estadiora lagunduko dituzten txarangak izango dira. Informazio guztia www.donostia.eus/top14 webgunean dago eskuragarri.
Eragin sozial eta ekonomikoa
Guztira, 70.000 eta 80.000 pertsona bitarte iritsiko dira Donostiara, Udalak eta Gipuzkoako Aldundiak aurreikusi dutenez. Horrek izango duen eragin ekonomikoa garrantzitsua izango da; 12 eta 15 milioi euro bitarteko eragin zuzena, hain zuzen ere. Frantziako ligaren ustez, 25 milioi eurokoa izango da eragina (inpaktu zuzena eta zeharkakoa batuta).
Eragozpenak ere ekarriko ditu TOP14 errugbi ligaren finalaurrekoak, erdigunean trafiko mozketak egingo baitituzte.
Albiste gehiago gizartea
Sindikatuek "propagandatzat" jo dute Osakidetzak Lehen Mailako Arretako 13 zentrotan psikologia zerbitzua eskainiko duela iragarri izana
ELA eta LAB sindikatuek ohartarazi dutenez, psikologo hauek "ez dute espezialitaterik, eta ezin izango dute tratamendurik diagnostikatu edo bideratu". Lehen Mailako Arretako osasun zentroetan psikologia zerbitzua ezarriko duen proiektu pilotua aurkeztu die Eusko Jaurlaritzako Osasun Sailak Osakidetzako sindikatuei. Osasun Sailak iragarri duenez, helburua "anbulatorioetako arreta emozionalaren irisgarritasuna hobetzea" da.
44 urteko gizonezko bat hil da Arrigorriagan, autoarekin BI-3723 errepidetik AP-68ra erorita
Lau metrotan behera erori da ibilgailua. Pertsona bakarra zihoan barruan, eta tokian bertan zendu da.
EITBren "Glaziarrak agurtzen" lanak aitortza lortu du nazioarte mailan, Venice TV Awards sarietan
Nazioarteko telebista-programen berrikuntza eta bikaintasuna saritzen dituzte Veneziako Telebista golardoek, eta Cross Platform Programming atalean izendatu dute proiektua, EITBk eduki berritzaile eta hainbat euskarritan emititzearen alde egindako apustua aitortuta. Glaziarrak agurtzen PRIMERANen, Euskal Telebistan eta ORAINen estreinatu zen, guztietan egokitutako lengoaia eta formatuak erabilita.
Osakidetzak psikologia zerbitzua emango du Lehen Arretako 13 zentrotan
Gipuzkoako lau zentrotan, Arabako bitan eta Bizkaiko zazpitan arituko dira psikologoak. Lehen Arretako gaixoen ongizate emozionalaren erreferente izango dira psikologo horiek, kasu arinenak ere artatuz, eta familia-medikuaren eta ospitalez kanpoko osasun mentala artatzeko zentroen arteko bitartekari moduan jardungo dute.
Aurkikuntza arkeologiko oso garrantzitsua Iruñean: Barbazan dorrearen barruan dagoen Kalonjeen atea
Iruñean, arkeologia aurkikuntza bat da albiste. Katedral ondoan dago eta Joseba Asiron alkateak eta urbanismo batzordeak bisitatu berri dute. Aurkikuntza ikusgarri eta garrantzitsuaz mintzatu da Iñaki Sagredo arkeologoa. Nahi izanez gero, bisita gidatua egiteko aukera dago.
Giza Eskubideen Behatokiak kereila bat bultzatu du 1974ko Asturiagako segadagatik
Behatokiak iragarri du kereila bat aurkeztuko duela 1974an Hondarribian izandako polizia-operazio frankista batean hildako Roque Méndez Villada eta José Luis Mondragón Elorzaren heriotzengatik.
Zazpi ibilgailuk istripua izan dute Txorierriko igarobidean, eta auto-ilara luzeak daude errepideetan
Ezbeharra asteazken honetako goizeko zortziak baino lehen gertatu da, eta ez da inor zauritu, Eusko Jaurlaritzako Segurtasun Sailak jakinarazi duenez.
Adunako prostituzio-etxe bateko arduraduna atxilotu dute, sexu-esplotazioa eta sexu-eraso saiakera bat egitea leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.