Gotzone Bengoetxea: "Oso esperientzia aberasgarria da eskola txikien metodologiara egokitzea"
Gotzone Bengoetxea Lizartzako eskolako zuzendariak, Gipuzkoako eskola txikiek dituzten berezitasunak nabarmendu ditu igande honetan Euskadi Irratian, Tolosaldeko eskualdean kokatuta dagoen udalerri euskaldun horretan ospatu duten Eskola Txikien Festaren harira egindako elkarrizketan.
Bengoetxeak, hasiera-ekitaldia modu ezin hobean abiatu dela nabarmendu du, "hasierako urduritasunak" alde batera utzi ondoren. Bere esanetan, "familia handi bat" osatzen dute Lizartzako eskolan lan egiten duten pertsona guztiek, eta gaurkoa oso egun garrantzitsua dela adierazi du, haientzat zein eskola txikiak dituzten beste herri guztientzat ere.
Ildo horretatik, eskola txikiek dituzten berezitasunak azpimarratu ditu Lizartzako eskolako zuzendariak, gertutasunak, inplikazioak eta konfiantzak garrantzia handia dutela nabarmenduz. Azaldu duenez, oso esperientzia aberasgarria da eskola txikien metodologiara egokitzea". Halaber, adin aniztasuna bultzatzen duten tamaina txikiko eskola publikoentzat gaurko eguna berezia dela ziurtatu du.
Lizartza, Orexa eta Gazteluko 66 haur ari dira ikasten egun Lizartzako eskolan, 2 eta 12 urte bitartekoak. Eskola txikia izanik, adin desberdineko haurrek elkarrekin eta elkarrengandik ikasten dute, adin aniztasuna bultzatuz. Sei taldetan banatuta ikasten dute; Haur Hezkuntzako bi talde eta Lehen Hezkuntzako lau, eta 14 irakasle arduratzen dira horien guztien hezkuntzaz.
Adin ezberdineko umeak talde berean elkartzeaz gain, proiektuen bidez lan egitea, digitalizazioa, baratze propioa edo eleaniztasun proiektua ere ditu ezaugarri eskolak.
Igande honetako egitaraua. Argazkia: Eskola Txikien Festako antolakuntza
Zure interesekoa izan daiteke
Osakidetzak markak hautsi ditu azaroan, 34 transplanteekin, Gurutzetako Ospitalean
Zentroak 25 giltzurrun-transplante eta 9 gibel-transplante egin ditu hilabete bakarrean, eta arlo horretan estatuan eta nazioartean duen lidergoa sendotu du.
Esquadra Mossoek eta Guardia Zibilak IRTA-CReSA laborategiaren egoitza miatu dute, txerri-izurri afrikarra dela eta
Zero gunetik gertu dagoen eraikinean sartu dira gaur goizean, epailearen aginduz. Inguru hori susmopean dago, txerri-izurri afrikarra zabaltzea eragin omen zuen ihesaldi bat ikertzeko.
Mancisidor hautatu dute ararteko, EAJ, PSE-EE eta PPren babesarekin, eta EH Bilduren oposizioarekin
Haren aurrekoak, Manuel Lezertuak, ekainaren 19an formalizatu zuen karguari uko egin ziola, eta, harrezkero, Ines Ibañez de Maeztu izan da jarduneko arartekoa.
Hiru pertsona zauritu dira BI-637 errepidean, Erandion, hiru ibilgailuk eta autobus batek izandako istripuan
Ezbeharra 07:50 aldera gertatu da, eta ezkerreko eta erdiko erreiak itxi behar izan dituzte. Ondorioz, hiru kilometroko auto-ilarak sortu dira.
Bizkaibusen Mugi txartela erabilita ibili ahal izango da aurrerantzean
Horrela, hiru lurraldeetako edozein garraio-txartel (Bat, Barik eta Mugi) erabilita, erabiltzaileek Bizkaibusean ibiltzeko aukera izango dute, ordainketa-sistema integratu eta homogeneo baten bidez.
Albiste izango dira: EITB Maratoia, Talgo Euskadira itzuli da eta 2026rako aurreikuspen ekonomikoa
Gaurkoan Orain-en albiste izango direnen laburpena, bi hitzetan.
Baserritar jantziak, maileguan: “Sarerik ez duten familiak etortzen dira gehienbat”
Orioko Herri Ikastolan baserritar jantziak maileguan uzteko egitasmoa antolatu dute, bigarren urtez jarraian, "piztu eta eragin" ekimenaren baitan. Arropak berrabiltzea du helburu, baita herrian sarerik ez duten familiei laguntzea ere. Abarkak, gonak, zapiak, artilezko galtzerdiak... Denetarik bildu dute, eta egunotan familiak hurbilduko dira behar duten hori jasotzera.
Zestoako kasuari buruz gizarte-zerbitzuek egindako txostena "ez zen zuzena", Arartekoaren teknikari baten arabera
Zestoako sei herritarren aurka atzo abiatutako epaiketaren bigarren saioan deklaratu du Herriaren Defendatzailea erakundeko langileak, defentsaren lekuko gisa.
Kirola, musika eta lan gogorra: 110 urteko Isabel donostiarraren sekretua
Isabel Etxeberriak, 110 urterekin, pianoa jotzen jarraitzen du, arratsaldero, Bartzelonako bere etxean. Betidanik egin izan du kirola, eta gaur egun ere oso bizimodu aktiboa duela kontatu digu. Bere iritziz, sasoiz zahartzeko, garrantzitsuagoa da maitasuna kontu materialak baino.
Eider Gotxi (Guggenheim Urdaibai Stop): "Herritarron lanari esker lortu da Guggenheim Urdaibai proiektua bertan behera geratzea"
Guggenheim Urdaibai egitasmoa behin betiko bertan behera gelditu eta biharamunean, erakundeen jarrera "zurrun eta inposatzailearen aurrean" herria garaile atera dela azpimarratu du Eider Gotxi Guggenheim Urdaibai Stop plataformaren bozeramaileak. Garaipena jai giroan ospatzeko otsailaren 7rako Gernikan antolatu duten ospakizunean parte hartzeko deia egin die herritarrei. Bestalde, Gotxik ohartarazi du plataformaren bidea ez dela bukatzen eta ontziola Muruetatik ateratzea izango dela hurrengo erronka.