Osasun publikoaren kontrako delitua egoztea ere aurreikusi dute haurrak ustez txertatzen ez zituen erizainari
Santurtzin, Kabiezesko osasun-zentroan, haurrak ustez txertatzen ez zituen erizainak epailearen aurrean deklaratuko du gaur, Barakaldoko Instrukzio Epaitegian.
Santurtziko 42 familiak —80 adingabe inguru egon litezke kaltetuta— salaketa jarri zuten elkarrekin, Kabiezes auzoko osasun-zentroan haurrak txertatzeko plantak egiten zituen erizainaren aurka. Osasun langileari dokumentuak faltsutzea eta funts publikoak bidegabe erabiltzea egotzi diote salaketan. Horrez gainera, orain, Aitzol Asla familien abokatuak aurreratu duenez, "gero eta argiago" ikusten ari dira osasun publikoaren kontrako delitu bat ere egoztea erizainari.
Akusazioaren arabera, erizainak "adin txikikoen txertoen egutegia betetzen zuen, txertoak jarri ez arren", eta "Osakidetzak eskura jarritako materiala ez zuen egoki erabiltzen"; "alferrik galtzen zuen, ez baitzion zegokion erabilera ematen".
Aslaren hitzetan, helburu bi dituzte: alde batetik, "erizainari kolegiatu zenbakia kentzea eta, horrela, lan egitea eragoztea", eta, bestetik, "Osakidetzak ardura bere gain hartzea, itxura batean luzaroan izan direlako gertakizun larri hauek".
Kasua 2022ko urrian eman zen ezagutzera. Orduan, hainbat gurasok Osakidetzari erizain honen ekintzen berri eman zioten. Haien ustez, jarrera susmagarria zuen, "txertoen aurkako komentarioak egiten zituelako" eta "txertoa ematean, azkarregi, modu prezipitatuan aritzen zelakoa".
Ezkerralde-Enkarterri-Gurutzetako ESIko Pediatria Sailak ikerketa abiatu zuen, eta hainbat proba serologiko egin zizkien adin txikikoei, umeen antigorputzen maila neurtzeko. Ondoren, espedientea zabaldu zion erizainari, eta haren ardurapean zeuden 400 umeak sartu zituzten ikerketan.
Azkenik, 50 familiari deitu zieten analisi serologikoetatik ateratako emaitzen berri emateko, eta txertoen dosi bat gehiago jartzea eskaini zieten, umeek "antigorputzen maila egokia izan dezaten".
Albiste gehiago gizartea
Bi gizon atxilotu dituzte Azkoitian gizon bati sexu-erasoa egin eta legez kanpo atxikitzeagatik
Joan den asteartean, gizon bat Ertzaintzaren egoitzara joan zen sexu-eraso baten biktima izan zela eta bere borondatearen aurka atxiki zutela eta eraso fisikoa eta sexuala egin ziotela salatzeko.
Euskal Selekzioak eta Palestinak lagunarteko futbol partida jokatuko dute San Mamesen azaroaren 15ean
Espainiako agintarien arabera, ez da kirol ekitaldi huts bat izango, eta Palestinan pairatzen ari diren "giza eskubideen urraketa guztiak" ikusarazteko ere baliatuko dute lagunartekoa.
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".
Palestinaren aldeko mobilizazioak egingo dituzte ostegunean Hego Euskal Herrian
Protestak eguerdian eta arratsaldean izango dira, Gasteizen, Bilbon eta Iruñean.
EHUk 247 milioi euroko egitasmoei uko egin die Israelen parte hartzea dutelako
Joxerramon Bengoetxea errektorearen hitzetan, “herri palestinarraren genozidioaren auzia lehentasuna da” EHUrentzat. Gogorarazi du 2024ko apiriletik ez dutela harremanik Palestinan egindako krimenak gaitzesten ez dituzten unibertsitate eta erakundeekin.
EHUk uko egin dio 247 milioi euroko ikerketa-proiektuetan parte hartzeari, Israelekin loturak zituztelako
Joxerramon Bengoetxea Euskal Herriko Unibertsitateko (EHU) errektoreak asteazken honetan berretsi duenez, "Palestinako herriaren genozidioaren auzia lehentasuna da gure unibertsitatean", eta aditzera eman du EHUk uko egin diela, azken hilabeteetan, 247 milioi euroko ikerkuntza-proiektuei, biomedikuntzaren edo konputazio-zientzien arloetan, proiektu horiek Israelgo estatuarekin zuten loturagatik. Agerraldian, Bengoetxeak Europako Batzordeari eta Espainiako Gobernuari eskatu die Israelgo unibertsitateak, ikerketa-zentroak eta erakundeak bazter utz ditzatela ikerketa elkarlanak, akademikoak edo kulturalak laguntzeko europar funtsetatik.
Labar pinturak dituen historiaurreko aztarnategi bat aurkitu dute Gamiz-Fikan
Bizkaiko Foru Aldundiak jakinarazi duenez, Juan Carlos Lopez Quintanak eta Juan Carlos Izagirrek aurkitu zuten, Atxispeko San Pedro ermitaren ingurunea berreskuratzeko interbentzio programa baten baitan, 2025eko ekainaren 26an. Haitzuloa ikertu duten adituen arabera, eremu kantauriarrean dokumentatutako lehen hipogeo mistoa da.
Pertsona bat hil da Tafallan furgoneta baten eta uzta biltzeko makina baten artean izandako istripuan
Polizia-iturriek jakitera eman dutenez, istripua 09:00etan gertatu da, NA-132 errepidean, Tafalla parean, eta hildako pertsona furgonetan zihoana da.
San Mamesera sartzeko inguruak jarraitzaile zuri-gorriz bete dira, Txapeldunen Ligako hitzorduan
Zuri-gorriek Arsenalen aurka neurtuko dituzte indarrak astearte honetan, Txapeldunen Ligako 1. jardunaldiko neurketan. Athleticeko milaka zale bildu dira gaur arratsaldean partida honetan, taldea animatzeko helburuarekin.