Osakidetzak gizartearen kontzientziazioa bultzatuko du sexu-transmisiozko infekzioen hazkundearen aurrean
Sexu-transmisiozko infekzioak (STI) mundu osoko osasun-arazo bihurtu dira: milioi bat kasu berri zenbatzen dira egunero. Eta Euskadi ez da salbuespena, Gotzone Sagardui Eusko Jaurlaritzako Osasun sailburuak gaur goizean Bilbon aurkeztu duen 2022ko Hiesaren eta STIen Euskal Planaren memorian jasotako datuen arabera. Izan ere, 2000tik hazkunde jarraitua izan du.
Hala, STIen hiru kontsulta nagusietan, Araba, Donostia eta Basurtu unibertsitate ospitaleetakoetan, azken bost urteetan (2018-2022) gonokozia diagnostikoak % 177 hazi dira, eta sifili diagnostikoak, berriz, % 53. Gainera, azken urteotan indarrez sartu da Chlamydia tracomatis infekzioa, eta, hain zuzen ere, hori da gehien gailendu dena.
Gainera, egiaztatu da sexu-transmisiozko infekzioek batez ere gazteenei eragiten dietela; hala, STIen laurden bat inguru 15 eta 24 urte bitartekoen tartean antzematen da. Zehazki, 2022an, adin horretakoak izan ziren Chlamydia kasuen % 29,5, gonokozia kasuen % 23,3 eta sifilis diagnostikoen % 17.
GIBari dagokionez, Euskadin 127 infekzio zenbatu ziren iaz (2021ean, 119; 2020an, 105; 2019an, 147; eta 2018an, 171), hau da, 5,8 kasu 100.000 biztanleko 2022an.
Egoera horren aurrean, dagoeneko indarrean dagoen nerabeentzako eta gazteentzako prestakuntza afektibo-sexualaz gain, Osasun Sailak STIen gorakada nabarmen horretaz ohartarazteko ekintza osagarriak abiaraztea erabaki du; besteak beste, sailburuak berak gaur aurkeztutako informazio- eta sentsibilizazio-kanpaina, preserbatiboa infekzio mota horien transmisioa saihesteko metodo eraginkor gisa erabiltzeko beharra azpimarratzen duena.
Kanpainak Tinder plataformaren profil gisa irudikatzen du infekzio bakoitza, eta horren gainean "Ez egin match STIekin" leloa irakur daiteke. Ekimenak diagnostiko goiztiarraren garrantzia ere nabarmentzen du.
Albiste gehiago gizartea
Pertsona bat hil da Trebiñun, bi autoren artean izandako istripuan
Gaueko lehen orduan izan da ezbeharra, Araba 2124 errepidean. Bi ibilgailuk aurrez aurre jo dute eta errepidea itxita geratu da Burgoserako norantzan.
Euriteek arazoak eragin dituzte Montserraten eta bi pertsona desagertu dira Bartzelonan
Lekuko batek larrialdi-zerbitzuei dei egin die arratsaldean, Sant Quinti de Medionan, ibaiko urak auto bat arrastaka zeramala eta barruan bi pertsona zihoazela ohartarazteko. Ordu batzuk geroago, autoa aurkitu dute baina inor ez zegoen barruan.
27 pertsona ebakuatu behar izan dituzte Montserrateko funikularretik, Katalunian, euri jasa gogorrak direla eta
Montserrat funikularraren inguruetan 100 litro bota ditu metro koadroko, eta 27 pertsona ebakuatu dituzte euriteek eragindako luizi baten ondorioz. Katalunia osoa dago abisu laranjan eta euriak gogor jo du, batez ere, Bartzelonan, Gironan eta Tarragonan. Suhiltzaileek 90 bat esku-hartze egin dituzte dagoeneko, eta errepideetan ardura handiz gidatzea eskatu dute. Euriteen ondorioz, gainera, bertan behera gelditu dira zenbait hegaldi, eta Gironan atzerapenak daude tren zerbitzuan, trenbidera eroritako zuhaitz bategatik.
Berrezarrita tren-zirkulazioa Tolosa eta Villabona artean, zutoinen erorketaren ondorengo etenaldia eta gero
Renfek errepide bidez garraio alternatiboa eskaintzeko plan bat jarri du martxan igande goizean, kaltetutako bidaiariak euren azken helmugara edo gutxienez Tolosako geltokira eramateko. Hala ere, zirkulazioa berriro ere martxan jarri da 19:00ak aldera.
Beharrezkoa al da benetan proteina ugariko produktuak kontsumitzea?
Proteinarekiko obsesioa saltokietara iritsi da, baita nutrizionisten kontsultetara ere. Osasungarriak ematen badute ere, etiketak irakurri beharra dago. Adituek formula klasikoa gomendatzen dute: dieta orekatua eta ariketa fisikoa.
Zibererasoak kaltetutako Europako aireportuetan gorabehera gutxi batzuk izaten ari dira oraindik
Aenak larunbatean ziurtatu zuenez, Espainiako aireportuetan ez da ia arazorik izan, baina Europako beste batzuekin lotzen dituzten hegaldietan atzerapenak izan dira, Collins Aerospace sistemarekin lotutako gorabeheren ondorioz.
Gizon bat hil dute gaur goizean Bilbon, eta Ertzaintzak ikerketa abiatu du
Ertzaintzak dispositibo berezia ezarri du Solokoetxe auzoan, eta hainbat gune miatu ditu erasoa ikertzeko.
Ertzaintzak abiadura kontrolatzeko kanpaina bat egingo du datorren astean
2024an, EAEko errepideetan trafiko-istripuetan hildako pertsonen % 32 abiadura desegokiarekin lotutako ezbeharretan zendu ziren.
![(Foto de ARCHIVO)
[Sevilla] [Comunicacion.Csic.Andalucia] Ndp Científicos Del Csic Participan En La Obtención De La Escala De Riesgo Genético De Alzheimer Más Completa
REMITIDA / HANDOUT por CSIC
Fotografía remitida a medios de comunicación exclusivamente para ilustrar la noticia a la que hace referencia la imagen, y citando la procedencia de la imagen en la firma
04/9/2025](https://s7g10.scene7.com/is/image/eitb/alzheimer:eitb-banner?$eitb-banner$&fmt=webp-alpha&qlt=80)
43.700 pertsonak baino gehiagok dute alzheimerra Euskal Herrian: prebentzioa oinarrizkoa duen erronka handia
Adituen arabera, 2050. urterako 120.000 pertsona baino gehiago izan daitezke kaltetuak. Senideen eta zaintzaileen elkarteek gaixoak zaintzen dituztenen eskubideak aitortzearen garrantzia azpimarratu dute, eta ikusezin bihurtu ohi den lan hori nabarmendu dute.
Bi aktibista Kursaaleko zubitik zintzilikatu dira, Palestinaren aldeko manifestazio jendetsuaren ostean
Zinemaldiak eskaintzen duen foku mediatikoa aprobetxatuz, milaka pertsonak manifestazioa egin dute gaur arratsaldean Gipuzkoako hiriburuan. Amaieran, bi ekintzaile Kursaaleko zubitik zintzilikatu dira eta ordubetez baino gehiagoz eten dute trafikoa zubian, bai ibilgailuentzat, bai oinezkoentzat.