Talidomidaren biktimentzako diru-laguntzak arautzen dituen dekretua onartu du Espainiako Gobernuak
Ministroen Kontseiluak talidomidaren 130 biktimentzako diru-laguntzak arautzen dituen dekretua onartu du gaur, Madrilgo Carlos III.a Osasun Institutuak kasuak ebaluatu ostean, Isabel Rodriguez Espainiako Gobernuko bozeramaileak prentsaurrekoan iragarri duenez.
Honako baldintza hauek betetzen dituzten pertsonei laguntza ekonomikoa jasotzeko eskubidea da: haurdunaldian gorputz-malformazioak jasan dituztenei, sendagai honek deskribatutakoekin bateragarriak direnean; haurdunaldia Espainiako Estatuan izan bada; eta interesduna Carlos III.a Osasun Institutuak kudeatzen duen Gaixotasun Arraroetako Pazienteen Erregistroan izena emanda badago.
Laguntza ordainketa bakarrean jasoko da, desgaitasun-mailaren arabera. "Adibidez, % 33ko desgaitasuna duen pertsona batek 396.000 eurorainoko laguntza jaso ahal izango du ordainketa bakar batean", adierazi du Rodriguezek.
Horrela, dekretua indarrean sartzen denetik, kaltetuek hiru hilabete izango dituzte laguntzak eskatu ahal izateko. "Espainian 130 pertsona daude erregistratuta, eta zazpi ebazpenaren zain", gogorarazi du Espainiako Gobernuko bozeramaileak.
Errege Dekretua Estatuko Aldizkari Ofizialean argitaratzen denetik eska daitezke diru-laguntzak, eta Gizarte Eskubideen Ministerioaren mendeko Imsersok kudeatuko ditu.
Talidomida 50eko hamarkadatik aurrera merkaturatutako botika bat izan zen, haurdunaldian goragaleak eta gorakoak saihesteko emakume haurdunei agindu zitzaiena. 1961etik aurrera ezagutzera eman ziren jaiotzetik malformazio oso larriak eragin zituela. Orain arte, 24 biktimak bakarrik jaso dituzten laguntzak, 2009ko Estatuko Aurrekontu Orokorren xedapen baten arabera.
Zure interesekoa izan daiteke
Jendetza bildu du Korrikak Maulen
Lurraldeko eta hiriburuko hainbat elkarte eta herriko etxe ikusi ditugu parte-hartzen, hala nola, Sohütako pastorala, UEU, Palestinaren aldeko elkartea, Pitxu gaztetxea, Xiberoko Botza eta beste hainbat. Handik Nafarroa Beherea alderako bidea hartu du. Gaueko 22:00 pasata sartuko da lurralde hartan Aiherratik.
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
AEK-ko kideek eta Zuberoako euskalgintzan erreferente den Oihana Larrandaburu Goñi atharraztarrak eman diote hasiera lasterketari. Euskal Irratiak sareko kideak izan dira lehenak lekukoa eramaten. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Trafikoa bere onera itzuli da A-8an Irun parean, baina auto-ilara txikiak oraindik daude Kantabriarako noranzkoan, Abanton
Zubiaren hasieran trafiko-eragozpenak izan dira A-8 autobidean.
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe jarraituko du ibilbidea, eguneko 24 orduetan.
ELAk adierazi du CCOOko kide batzuek euskaldunen hizkuntza eskubideen aurkako kanpaina abiatu dutela
ELAk adierazi du bat datorrela AEKrekin, Korrikaren antolatzailearekin, eta babestu egin du CCOOren zuzendaritza lasterketatik baztertzeko erabakia. ELA sindikatuak “euskararen aurka antolatutako kanpaina” baten parte izatea leporatu die CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzen ez uzteko erabakia hartu izana.