Tenperaturek gora egingo dute eta Nafarroa abisu horian sartu da
Bero olatua iritsi zaigu Iberiar Penintsularen hegoaldetik eta tenperaturek gora egingo dute gaur Euskal Herrian. Termometroak 35 graduren bueltan ibiliko dira lurraldearen hegoaldean. AEMETek, estatuko meteorologia agentziak, abisu horia ezarri du ia Nafarroa osorako. Salbuespen bakarrak Pirinioak eta Kanturi isurialdea dira.
Hain zuzen ere, AEMETen iragarpenaren arabera, Iruñean gaur tenperatura baxuena 16 gradukoa izango da eta altuena, berriz, 37 gradura iritsiko da. Tuteran termometroak 19 eta 37 graduren artean mugituko direla espero da. Lizarran baxuena 16koa izango da eta altuena 36 graduren bueltan ibiliko da. Izaban ere bero egingo du; 14 eta 34 gradu arteko tenperaturak izango dira.
Bere aldetik Euskalmetek, euskal meteorologia agentziak, egin duen iragarpenari begiratuz, Araban eta Gipuzkoa eta Bizkaiaren barneko bailaretan ere bero handia egingo du. Hala, Guardian tenperatura 35 ºC-tara iritsiko dela espero da. Gasteizen 33 ºC-ren bueltan ibiliko da eta Arrasaten 31 gradu harrapatuko ditu.
Kostaldean tenperatura ez da hain altua izango baina han ere bero egingo du. Bilbon 29ra eta Donostian 27ra iristea espero da.
Horrez gainera, eguraldiaren iragarpenaren arabera, goizeko hodeiak desagertu egingo dira eta egun eguzkitsua izango da gaurkoa.
Bihar, Nafarroa erdi eta hegoaldean are bero handiagoa egingo duela espero da. Erriberan tenperaturak 40 gradura iritsiko direla aurreikusi da eta alerta laranja ezarriko da. Hala ere, arratsaldean ipar-haizea, ziertzoa, sartuko dela espero da eta horrek egoera arinduko du.
Nafarroako iparraldean eta gainerako lurraldeetan biharko eguna freskoagoa izango da.
Albiste gehiago gizartea
Nafarroako Unibertsitatea eta EHU, munduko 600 unibertsitate onenen artean
Massachusettseko Institutu Teknologikoak (MIT) lehen postuari eusten dio, hamalau urtez; ostean, Londresko Imperial College eta Stanfordeko Unibertsitatea daude.
Muturreko beroa izango dugu gaur eta bihar
Abisu horia ezarri dute ostiralera arte; tenperaturak oso altuak izango dira, 27 eta 35 gradu artekoak.
Arartekoak Osakidetzan inbertsioa areagotzearen garrantzia azpimarratu du, herritarren kexak ikusita
Ines Ibañez de Maeztuk adierazi du Osasun Itunaren ostean hartuko diren neurrien esperoan dagoela, egoera hobetuko duten itxaropenarekin. "Etxebizitza eskubidea bete egiten dela bermatuko duten politika publikoen aldeko apustu irmoa" ere eskatu du.
Scientia School enpresak Pryconsa konpainiari saldu dio Amara auzoko Karmelo ikastetxea hartzen zuen eraikina
Scientia Schoolek azaldu duenez, 2019an erosi zuen ikastetxea, baina "matrikulen kopuruak behera egin zuen etengabe". "Egoera horrek itxiera ekarri zuen", gogorarazi du.
Osakidetzak ordutegiak murriztu eta osasun-zentro batzuk itxiko ditu udan
Aldaketa horiek zentroen % 37ri eragingo diete. ELA eta CCOO sindikatuek udako plangintza kritikatu dute. Osakidetzaren egiturazko arazoek “bere horretan jarraitzen dutela” ziurtatu dute eta “benetako konponbideei heltzeko" negoziazio prozesua hastea eskatu dute.
Red Electricak zentralei egotzi die apirileko itzalaldiaren ardura: "Sorgailuek beren konpromisoak bete izan balituzte, ez zen itzalaldirik gertatuko"
Red Electricak, sistemaren operadoreak, erantzukizuna ez du bere gain hartu eta zentral sortzaileen aurka egin du, ez zituztelako bete kolapsoa saihesteko protokolo teknikoak. Gobernuak, bere aldetik, akats ugari egin zituela onartu egin du. Hala ere, operadorearen plangintza zalantzan jartzen du.
Euskadin ematen diren 10 gorroto-delitutik sei arrazistak edo xenofoboak dira
2024ko Gorroto Istiluen azken Txostenak egiaztatzen du kasuen kopuruak behera egin duela oro har, baina baieztatzen du arrazakeriak eta xenofobiak eragindako erasoak oraindik ere argi eta garbi nagusitzen direla gorrotoaren mapan Euskadin.
Andre Maria Zuriaren jaiek badute kartela
2025eko Andre Maria Zuriaren Jaiak Arabako hiriburuan ospatuko dira, abuztuaren 4tik 9ra.
Abisu horia ezarri dute Euskadin ostiralera arte, tenperaturak 35 gradura iritsiko baitira
Tenperaturak oso altuak izango dira, 27 eta 35 gradu artekoak, gunearen arabera.
Bilbo eta Arrigorriaga arteko RENFEren zerbitzua berrezarri dute, Alvia batek matxura izan ostean
Ezbeharra 07:20 aldera jazo da, Bilbotik ateratzen ari zen Alvia bat Ollarganen geldirik geratu denean, eta ezin izan du zirkulatzen jarraitu.