16 urteko mutil bat hil da Barakaldoko etxebizitza batean izandako sutean
16 urteko mutil bat hil da Barakaldoko Portu kaleko etxebizitza batean bart piztutako sute baten ondorioz. Goizaldean piztu da sutea, 03:00ak inguruan, egurrezko egitura duen eraikin bateko laugarren solairuan. Sei pertsona, bi adin txikikoak, ospitalera eraman dituzte.
Zauritutako pertsonak kolpe anitz dituzte. Izan ere, sugarrak eskaileretan zabaldu dira eta ataritik ezin aterata, leihotik salto egin behar izan dute. Igand ehonetako goizean zehar adin nagusietako biri eta bi adingabeei alta eman diete.
Eusko Jaurlaritzako Segurtasun Sailak jakitera eman duenez, sua kontrolpean dago, baina suhiltzaileak bertan daude oraindik. Eraikina erortzeko arriskua handia omen da.
Sua zerk eragin duen ikertzen ari dira. Etxebizitza kiskalita geratu da. Lehen ikerketen arabera, baliteke sua eskaileretan piztu izana. Berehala zabaldu dira sugarrak, eta eraikinaren teilatuaren zati bat ere guztiz hondatuta geratu da. Lekukoek azaldu dutenez, beldurgarria izan da bizitakoa; bizilagunak, haurrak eta bizilagunak, leihoetatik salto egiten ikusi dituzte, garretatik ihesi.
Suhiltzaileak, Ertzaintza eta osasun zerbitzuetako langileak bertaratu dira. Suhiltzaileek aurkitu dute gaztearen gorpua eraikinaren barruan.
Sutearen ondorioz, bi eraiki hustu dituzte (erretakoa eta aldamenekoa), eta bertako bizilagunentzat gune bat egokitu dute Larrea ikastetxean.
Udalaren oharra
Barakaldoko Udaleko Bozeramaileen Batzordeak dolu eguna deitu du gaurko adingabearen heriotzagatik, eta bertan behera utzi ditu gaurko jaiak, Karmengo jaietako egun handian.
Bestalde, ohar baten bidez Barakaldoko Udalak jakinarazi duenez, hildako adingabearen familia "uneoro artatu egin dute udal zerbitzuek, eta arreta psikologikoa ere eman diote".
Amaia del Campo Barakaldoko alkatea goizaldean bertan izan da, "itzaltze lanak bertatik bertara ikusten, eta euren etxetik irtenarazitako familiak laguntzen".
Suntsiketa maila handia
Barakaldoko sutean parte hartu duen suhiltzaileetako baten hitzak jaso ditu EITB Media. Ibonek azaldu duenez, "gu heldu garenerako, sutea erabat garatuta zegoen".
Leihotik behera euren burua bota duten auzokideei buruz, Ibonek esan du, suhiltzaileak heldu orduko, "pertsona horiek dagoeneko behean" zeudela. "Barruko baldintzak oso kontrakoak omen ziren, eta aukerarik onena haientzako salto egitea izan da", gaineratu du.
Izan ere, "eskailera guztiz kolapsatu da, kiskalita geratu da, orain zulo bat baino ez da geratzen". "Suntsiketa maila oso handia da, batez ere hirugarren eta laugarren solairuan eta sabaian", azaldu du suhiltzaileak. Dirudienez, sutea piztu zenean,hildako gaztea bakarrik zegoen etxe barruan.
Suhiltzaileek sutearen tokira iristeko kaleko hainbat metalezko zutoin kendu egin behar izan dituzte. Udaletik jakitera eman dutenez, berrikusi egingo dute zutoinen kokapena. Guztira, 34 suhiltzailek parte hartu dute itzaltze eta erreskate lanetan.
Albiste gehiago gizartea
Atun gorria gizentzeko Getariako uretan Aztik eta Balfegok dituzten kaioletan lehenengo 50 hegalaburrak sartu dituzte
Hegalaburraren lehen 50 aleak Getariako gizentzeko itsas haztegiko bi kaioletan daude dagoeneko. Tunidoak sardina eta berdel izoztuekin elikatuko dituzte urriaren amaierara arte, eta hil horren amaieran sakrifikatuko dituzte. Hartuko dituzten kiloak gantza dira, atunaren haragian sartzen den koipea.
Donostiako Amara auzoan kalean bizi diren 50 pertsona migratzaileei Arantzazun ostatu emango diete
Gipuzkoako Foru Aldundiak, Donostiako Udalarekin lankidetzan, aldi baterako ostatu bat prestatu du Oñatin.
Edurne eta Zeledon Txikiren jaitsierak Andre Maria Zuriaren plaza bete du txikien egunean
Aiora Diaz, Los Alegrios kuadrillako 12 urteko neska, eta Eñaut Saenz de Viteri, Galtzagorri kuadrillako 10 urteko blusa, izan dira aurtengo Edurne eta Zeledon Txiki. Eguerdian, txupinazoarekin batera, Zeledon Txikiren eta Edurneren panpinak San Migel elizako dorretik jaitsi dira. Ondoren, Aiora eta Eñaut elizako balkoira itzuli dira eta, handik festaz gozatzeko deia egin diete Gasteizko haur guztiei.
Donostiako Boulevardeko puntu morea berriro irekiko dute Aste Nagusian, indarkeria sexista kasuak prebenitzeko eta artatzeko
Larunbat honetatik aurrera, prentsa kiosko zaharrean, profesionalek aurrez aurreko arreta zerbitzua emango dute. Era berean, Emakumeen Etxea eta Berdintasun Sailaren telefonoa ere erabilgarri egongo dira, beste baliabide batzuekin batera.
Osakidetzak haurrei I motako diabetesa goiz detektatzeko Estatuko lehen azterlana abiatu du
6.000 pertsonak baino gehiagok parte hartuko dute Euskadiko Osasun Zerbitzuak zuzendutako lanean. Sintoma klinikoak agertu aurretik gaixotasuna identifikatzea da helburua, eta, horrela, konplikazioak murriztu eta aurretiaz jarduteko aukera ematea.
PPk eta Voxek debekatu egin dute jendaurrean Islamarekin lotutako ekitaldiak egitea, Jumillan, Murtzian
Ezingo dute ospatu, adibidez, musulmanen artean ohikoa den Arkumearen Jaia. Voxek proposatu zuen mozioa, eta PPren babesarekin, aurrera atera da. Jumilla da, hortaz, xenofobia instituzioek bultzatzen duen lehen herria.
EAEk 2.355 biztanle irabazi ditu bigarren hiruhilekoan, atzerritarren etorrerari esker
Jatorriari dagokionez, Araban, Bizkaian eta Gipuzkoan bizi diren atzerritar gehienak Kolonbian (1.400), Marokon (830) eta Venezuelan (760) jaiotakoak dira.
Beste sute bat piztu da Artaxoa eta Añorbe artean, baina suhiltzaileek egonkortzea lortu dute
Sutea 18:13an hasi da, eta ez du zerikusirik asteartean piztu ziren biekin. Sutea garagar eta gari uzta jasota dagoen galtzu soro batean hasi da, baina basoa gertu du.
EHUk Bakearen aldeko Adierazpena sinatu du Hiroshiman, eta Bengoetxea errektoreak Gazako sarraskia salatu du
Joxerramon Bengoetxeak "memoria ariketaren garrantzia" azpimarratu du. "Unibertsitateok gure esku dagoena egitera behartuta gaude, errepika ez dadin eta gertatutakoa ahaztu ez dadin", erantsi du.
Beroa Eukal Herrian: osasun alerta gorria Nafarroan, eta abisu horia EAEn eta Iparraldean
Ostegunetik aurrera tenperatura altuak izango dira, eta Nafarroako Erriberan 40 gradura iritsiko dira. Aurreikuspenen arabera, balio horiek igandera arte mantenduko dira, gutxienez. Gainera, ostiralean tenperatura maximoak 35 gradutik gorakoak izan daitezke, ez bakarrik Arabako hegoaldean, baita Kantauri isurialdeko barnealdean ere.