Bilboko su artifizialak leku beretik jaurtiko dira aurten, baina segurtasun neurri gehiagorekin
Gaur goizean Bilboko Udala eta Epalza Alarguna 9 zenbakiko bizilagunak bildu dira aurtengo Aste Nagusiko su artifizialen inguruan hitz egiteko.
Iaz, abuztuaren 27an, Bilboko Epalzaren Alarguna kalean sutea piztu zen eta, ondorioz, 8, 9 eta 10 zenbakiko atarietan bizi diren bizilagunak etxetik atera eta lau txosnatan zegoen jendea lekuz aldatu behar izan zuten.
Udalak baieztatu du aurten ere su artifizialak Etxeberria Parketik jaurtiko dituztela, eta segurtasun neurriak areagotu egingo dituztela.
Hauek dira hartutako neurri nagusiak:
- 125 milimetroko kalibreko su artifizialak: jaurti beharreko lehergailuen karkasak 125 milimetrokoak izango dira (orain arte jaurtitzen zirenak, 150 milimetrora irits zitezkeenak, eta gutxitan 175era).
- Jaurtiketa-eremua mugitzea: lehergailu piroteknikoak belar artifizialeko futbol-zelaitik botako dira, Mallonaren atzealdean.
- Aireko kontrol-zerbitzu bat erabiltzea: kamera termikoak dituzten droneak erabiliko dituzte, eta hegaldiak egingo dira, prebentzioz, suteen balizko konatoak edo puntu beroak detektatzeko, suak jaurtitzen diren bitartean eta ondoren, gutxienez 30 minutu geroago. Informazio guztia bideoetan jasoko da, artxibatzeko edo, gorabeherarik izanez gero, kontsultatzeko.
- Suhiltzaileen kamioia lekuz aldatuko da, San Agustinetik Itxaropena eta Epaltzaren Alarguna kaleen ingurura pasatuz.
Bizilagunek salatu zuten su artifizialek eragin zuela sutea teilatuan ustez eroritako txinpartengatik. Hilabete batzuk beranduago suhiltzaileen txostenak zehaztu zuen suteak jatorria eraikin barruan izan zuela, eta sistema elektrikoak eragin zuela.
Albiste gehiago gizartea
Froga gizarteko albistea itxasorekin
Froga gizarteko albistea sarreatxoa Froga gizarteko albistea sarreatxoa
Albiste izango dira: Andre Maria Zuriaren jaiak, abisu horia beroagatik eta enpleguari buruzko datuak
Gaurkoan albiste izango direnen laburpena, bi hitzetan.
Jaialdiak amaiera borobila eman dio Boisen, sei egun zirraragarriren ostean
Ekitaldiak zortzigarren edizioa itxi du, 1987an sortu zenetik izandako arrakastatsuenetako eta jendetsuenetako bat bezala.
Palestinarekin Elkartasuna plataformak euskal hiriburuetako jaietan mobilizatzeko deia egin du
Plataformak "hipokrisia" leporatu die gobernuei eta hedabideei, eta manifestazioak deitu ditu Gasteizen (abuztuaren 6an), Donostian (abuztuaren 10ean), Bilbon (abuztuaren 15ean) eta manifestazio nazionala Iruñean (urriaren 4an).
Bilboko kale-saltzaileen aurkako sarekadak areagotu direla salatu dute
Udaltzainenganako errespetua eskatu du Bilboko Udalak. Manteroek diote euren egoera legeztatzea ezinbestekoa da bestelako lanetarako aukera izateko. Sarekadak salatzeko protesta deitu du biharko Bizkaiko Manteroen Elkarteak.
Bi atxilotu Gasteizen, gizon bati indarkeriaz lapurtzea leporatuta
04:15 aldera jazo da lapurreta, hiriburuko parke baten inguruan. 31 eta 29 urteko atxilotuak epailearen esku utziko dituzte, beharrezko izapideak amaitutakoan.
Atxilotu bat Ordizian kokaina, 10.000 euro eta kontrabandoko tabakoa zeramala
Gidaria atxilotu dute substantzia estupefazienteen trafikoko ustezko delitua egotzita, eta deklaratu gabeko tabakoa edukitzeagatik.
Tigre-eltxoaren kontrako fumigazio lanak egin dituzte bart Hendaian
Lapurdin chikungunya gaitzaren lehen kasua agertu ondoren egin dituzte desinfekzio lanak, Hendaiako igerilekutik, tren geltokiraino. 22:00etatik 07:00ak arte kaleak erabat itxita egon dira, eta bizilagunek agintarien aginduak errespetatu behar izan dituzte. Herritarrak kezkatuta agertu dira, ez dakitelako zer-nolako eragina izan dezakeen erabilitako produktuak haien egunerokotasunean. Fumigazioaz arduratutako enpresak dio erabilitako produktua ez dela kaltegarria, eta tigre-eltxoen % 80 bat hiltzea lortzen dutela.
20.000 sinadura, txosnak Euskal Herriko ondare inmaterial izendatzeko
Bizkaiko, Gipuzkoako eta Arabako txosnen batzordeek adierazi dute jaigune horiek "arriskuan" daudela, eta ondare inmaterial izendatzeko eskaera sinatzen eta zabaltzen jarraitzeko deia egin dute.
Zeledonek prest ditu aterkia eta ardo-zahatoa, kanpandorretik jaitsi eta Andre Maria Zuriaren jaiei hasiera emateko
Zuzeneko musikak, kalejirek, ekintza herrikoiek eta familia guztientzako proposamenek beteko dituzte Gasteizko kaleak abuztuaren 4tik 9ra, sei eguneko jai giroan.