Lau txosna eta hiru etxebizitza hustu behar izan dituzte Bilbon piztutako sute batengatik
Bilboko Epalzaren Alarguna kalean sutea piztu da bart, eta, ondorioz, 8, 9 eta 10 zenbakiko atarietan bizi diren bizilagunak etxetik atera eta lau txosnatan zegoen jendea lekuz aldatu behar izan dute.
Sutea 23:10 aldera piztu da, su artifizialak bukatutakoan, ke eta su gar handiak sortuta, eta bi etxebizitzetako teilatuetan kalte handiak eraginda.
Ondoren, aurretik aipatutako etxebizitzetan bizi diren pertsonak, zortzi guztira, atera dituzte. Gainera, musika kendu, eta txosna gunean zeuden milaka pertsona mugiarazi behar izan dituzte.
Juan Mari Aburto alkateak hedabideei egindako adierazpenetan esan duenez, oraindik ez dakite sua zerk eragin duen, baina momentuz "ezin da esan su artifizialek eragin dutela".
Aburto alkatea, inguruan zegoen. Argazkia EITB MEDIA
Zehatz-mehatz, hustu dituzte txosnak Txomin Barullo, Hontza, Pinpilinpauxa eta Abante dira. Ez da inolako istilurik izan, larrialdietako zerbitzuek egindako lanari eta txosna gunean zeuden milaka pertsonaren jarrerari esker.
03:00ak aldera sutea guztiz kontrolpean izatea lortu dute, eta jendea txosnetara bueltatu ahal izan da. Halere, Hontzak eta Pinpilinpauxa txosnak ez dira normaltasunera itzuli gau osoan, edariak saldu ahal izan dituzte, baina musika barik.
Bestalde, etxebizitzak "ezegonkor" daude oraindik, hori dela eta, bizilagunek ezin dute etxeetara itzuli, soilik sartu ahal dira suhiltzaile batek lagunduta.
Gaur goizean, kaleak itxita egon dira, baina dagoeneko zabaldu dituzte, eta zortzi bizilagunak hoteletara eraman ditu Udalak. Gainera, ikerketa hasi du sutea zerk eragin duen argitzeko.
Itxaropena kalea, itxita, gaur goizean. Argazkia: EITB MEDIA
Zure interesekoa izan daiteke
Medikuen grebari amaiera emateko eskatu dio Alberto Martinezek Osasun Ministerioari
Estatu markoari buruzko akordiorik ezean, datorren astelehenean laugarren greba astea hasiko dute medikuek. Alberto Martinez Osasun sailburuak azpimarratu duenez, Osakidetza ahaleginak egiten ari da arazoa bideratzeko, baina gatazkari amaiera emateko giltza Osasun Ministerioak dauka.
Altza eta Galtzaraborda arteko Topo zatia uztailaren 18an jarriko da martxan
Zati hori zabaltzeak, batetik, Altzako geltokian trenek nahitaez 'errebotatu' egin behar izatea saihestuko du, eta bestetik, Pasai Antxoko lurpeko geltoki berria estreinatzea ekarriko du, terminal zaharra desegin eta biaduktua kenduta, eraikin artean sartuta dagoen trenbide-hesia.
Fiskaltzak dio Maialen Mazonen ustezko hiltzaileak "nahita" hil zuela emakumea eta egoeraz "jakitun" zegoela, eta uste du sufri zezan jardun zuela
Arabako Lurralde Auzitegian, Maialen Mazonen hilketa argitzeko epaiketan aldeak ondorioak aurkezten ari dira gaur. Fiskaltzak eta akusazioek 45 urteko zigorrak eskatzen dituzte, hilketagatik, bi abortu deliturengatik eta adin txikiko bat abandonatzeagatik; izan ere, argi dute Maialeni hiltzeko helburuz eman zizkiola 13 labankada, eta une oro zela egiten zuenaz kontziente.
Nafarroako Ospitaleko jazarpen kasu batean "delitu zantzuak" ikusita, Fiskaltzara bidali du salaketa Osasun Departamentuak
Nafarroako Unibertsitate Ospitaleko zerbitzuburu baten aurka jazarpenagatiko salaketa jarri zen, modu anonimoan, joan den abenduan. Sare sozial bateko kontuan argitaratu zen gero, eta horren berri zabaldu zen. Bertan, Nafarroako ospitale publiko horretako emakumezko mediku batek salatu zuen zerbitzuburu horren hizkerak eta jokabideak "emakumeak gutxiesten, umiliatzen eta gauzatzat jotzen" zituela, eta zuzendaritzari "ezer ez egitea" leporatzen zion, "jakitun egon arren".
Osakidetzak ia 60.000 euroko soldata eskaini die barneko mediku egoiliarrei
Bigarren urtez jarraian Gaztetzeko eta Fidelizatzeko Programa abiatu du Osakidetzak, azken urteko egoiliarrak bertan geratzeko eta talentua erakartzeko asmoz. Hortaz, lehen edizioan baino 2.500 euro gehiago irabaziko dute erresidentzia amaitu eta Osakidetzan lan egiten duten medikuek.
Abian da Nelson David Moreno Bolañosen aurkako beste epaiketa bat: 73 urteko gizon bat hiltzea egozten zaio, app baten bidez zita bat izan ondoren
Akusatuari 37 urteko kondena ezarri zaio, beste hiru epaiketatan; gutxienez bost gizonezko homosexualen heriotzarekin lotu dute ikertzaileek, baina zazpi ere izan litezke.
Adimen gaitasun handiko helduak eta arrakastaren mitoa
Adimen handiko helduek benetan al dute bizimodu errazagoa? Asier Arrieta psikologoak eta heldutan diagnostikatutako Haizea Lopez idazleak ikuspegi anitzeko errealitatea deskribatu dute. Izan ere, potentzial handiarekin bizitzeak ez du beti bizitza errazago bihurtzen, diagnostiko berantiarrak, autoexijentziak, antsietateak eta ingurukoen itxaropen handiek tarteko.
Aranako harrera zentroa urrian zabalduko dute eta 120 pertsonentzako lekua izango du
Espainiako Gobernuak azaldu duenez, plaza kopurua murriztu izanaren arrazoia da —hasiera batean, 350 plaza zeuden aurreikusita— duela hiru urte proiektua pentsatu zenean baino errefuxiatu gutxiago ari direla iristen egun Estatura. Ondorioz, "presioa nabarmen murriztu" da.
Ikertzaileek nabarmendu dute akusatuak "bere borondatez" bi aldiz aitortu zuela Lukas Agirre hil zuela
Halaber, agente batek adierazi du bigarren auzipetuak jakinarazi ziola krimenean erabilitako labana berea zela eta ustezko hiltzaileari berak eman ziola.
Jokabide homofoboa egotzita Iruñean epaitu dituzten lau gazteek ukatu egin dute gertakarietan parte hartu izana
Biktimari elkartasuna adierazteko, Egham Nafarroak elkarretaratzea egin du auzitegiaren atarian eta homofobiari aurre egiteko neurriak eskatu ditu.