Tuteran sexu-erasoa egotzita atxilotutakoak epaile aurrera eraman dituzte
Igandean Tuteran sexu-erasoa egotzita atxilotutako bost gizonak gaur, asteartearekin, eraman dituzte epaile aurrera.
Gertakariak larunbatetik iganderako gauean gertatu ziren, eta atxiloketak igandean zehar egin zituzten. Udaltzaingoak Foruzaingoarekin batera egin du ikerketa.
Foruzaingoko iturriek salaketa eta atxiloketak baieztatu dizkiote EFE agentziari. Bost gizonak astelehenean epailearen esku uztea zen asmoa, baina azkenean asteartean izango da.
Tuterako alkateak "erabat" gaitzetsi du erasoa
Alejandro Toquero Tuterako alkateak "erabat" gaitzetsi ditu gertakariak sare sozialetan zabaldutako mezu batean.
"Emakumeak ukiezinak dira, kontrakoa adierazten ez badute. Argi gera dadila nire jarrera. Erabat gaitzesten dut asteburu honetan Tuteran izandako sexu-erasoa, eta biktimari nire babes osoa helarazten diot, pertsona eta alkate gisa", adierazi du.
Era berean, gaur eguerdian udaletxe atarian egingo den elkarretaratzean parte hartzeko deia egin du, "argi eta garbi esateko Tuteran horrelako basakeriak arbuiatzen ditugula, biktimen intimitatea errespetatzen dugula eta babesten ditugula".
Zure interesekoa izan daiteke
Talde kriminal bateko hamar pertsona atxilotu dituzte Bilbon, salgaien salerosketan 300.000 euroko iruzurra egiteagatik
Guardia Zibilak faltsututako banku-egiaztagirien bidez enpresei iruzur egiten zien talde bat desegin du. Vencal operazioaren barruan egindako operatiboan, iazko apiriletik Estatuko 18 probintziatan egindako 39 delitu argitu dira.
Gaueko zaintza-patruilak antolatzea pentsatzen ari dira Lemoan, azken hilabeteetako lapurretak direla eta
Azken bi hilabeteetan, kristalak puskatu eta 43 autotan lapurtu dute herriko hainbat puntutan. Ertzaintzak bi pertsona atxilotu ditu dagoeneko, eta beste bat ikertzen ari da.
Lehen aldiz ikusi dute ibis eremita hegaztia Nafarroan
"Giselbert 916" izena duen hegazti-alea bere espezieko lehena da eskualdean, eta Eremita Proiektuari esker dokumentatutako migrazio-ibilbide baten barruan kokatzen da.
Euskal Herriko saharar diasporak bere gaitzespena adierazi du Marokoko autonomia planaren aurrean
Euskal Herriko saharar diasporak elkarretaratzea egin du gaur Gasteizen, Mendebaldeko Sahararen autonomia plana gaitzetsi, eta Marokoren subiranotasunaren pean jarriko lukeen plana errefusatzeko. Sahararren hitzetan, Espainiako Estatua da "gure lurra abandonatu behar izatearen erantzulea", eta, hori dela eta, Espainiako Gobernuari exijitu diote autonomia plana publikoki baztertzeko, independentzia erreferenduma bat egin ahal izateko.
Argentina euskal giroan murgildu da: 2025eko Euskal Aste Nazionala hartu du Tandilek
Hiria Argentinako euskal diasporaren topagune bihurtu da. Dantza, herri kirol eta kalejira artean, mila lagun baino gehiago bildu dira euskal kultura aldarrikatzeko.
AP-8ko sarbidea bost gauez itxiko dute Zarautzen, ordainlekuetan lanak egiteko
Mozketak astelehenetik ostiralera egingo dira, 22:00etatik 06:00etara.
Ertzaintzak dagoeneko identifikatu eta salatu du Zumarragan kontrol batetik ihes egin duen gidaria
Ikerketak lehen emaitzak eman ditu, agenteek 48 urteko gizonezkoa identifikatzea lortu baitute. Dena den, ez dute oraindik aurkitu, ezta atxilotu ere.
Hegoaldeko haizearekin eta 20 gradu inguruko tenperaturekin hasiko da astea
Asteazkenera arte, behintzat, ez da aldaketa handirik espero. Eguzkia eta udaberriko tenperatutak izango dira jaun eta jabe Euskal Herri osoan.
Zerbitzua etengo dute Bizkaia Zubian astelehenetik hilaren 22ra, ontziaren kableak aldatzeko
Zerbitzuak funtzionatzen ez duen bitartean, itsasadarra zeharkatzen duen txalupa-zerbitzua indartu egingo da, eta bi ontzi aldi berean ibiliko dira 06:00etatik 22:00etara, astelehenetik ostiralera.
"Niño Juan" askatu dute, ostiralean Madrilen bahitu ostean
Juan Maria Gordillo Plaza bizirik agertu da Madrilen, jipoia jaso izanaren zantzuak zituela.