Bilboko Konpartsek deitoratu dute aurtengo Aste Nagusian Udalarekiko harremana higatu dela
Bilboko Konpartsek 2023ko Aste Nagusiaren balorazio gazi-gozoa egin dute. Batetik, Bilboko Udalarekin izandako harremana "higatu" dela deitoratu dute, eta datorren urterako aldaketa sakonak eskatu dituzte, baina, bestetik, jendearen partaidetza eta "elkarlan uholdea" pozik hartu dituzte.
Salatu dutenez, tirabirak izan dira Aste Nagusia hasi aurretik Udaltzaingoarekin. Txosnak muntatzen ari zirenean, konpartsakide batzuek "bidegabeko isunak" jaso zituzten, antolakuntzaren inguruko "gaizki-ulertuen" ondorioz, eta, lehenengo egunean, Arriagako balkoitik jaiei hasiera eman behar zion taldearen motxilak erregistratu zituzten eta txupinak bahitu zizkieten. "Nortzuekiko mesfidantza izan, eta Bilboko Aste Nagusiko antolatzaile boluntarioekiko…", esan dute.
Jaien alde negatiboarekin jarraituz, erregistratutako eraso "sexistak, lgtbifoboak, lodifoboak, arrazistak eta polizialak" salatu dituzte. Horien artean aipatu dituzte "edonon txiza egiten zutenekin edo txosnetan liskarrak sortu dituztenekin" piztutako egoera biolentoak.
Horrekin lotuta, astean zehar salatu dute Udaltzaingoak jarrera "bortitza eta korporatibista" izan zuela bi konpartsakide eta txosna batean txiza egiten ari ziren bi pertsonaren artean piztutako liskarrean. Salatu zutenez, txiza egiten ari zirenek konpartsakideak mehatxatu zituzten, eta horietako batek bere burua zerbitzuz kanpoko poliziatzat identifikatu zuen. "Aburtok ez ditu Udaltzaingoaren nagusikeria eta bortizkeria aitortu nahi izan, babesa eman die, aitzitik, erantzukizuna liskarra sortu zuten bi agente mozkorren portaeran fokatuz", salatu dute.
Horrez gain, Marijaia merkantilizatzeko asmoa kritikatu dute, eta horri mugak jartzeko eskatu dute.
Iaz Udalarekin izan zuten harremana goraipatu zuten, baina aurtengo Aste Nagusian hori "higatu" dela uste dute. "Espero dezagun datorren Aste Nagusirako elkarlana eta giro ona berreskuratzea", esan dute.
Bestalde, jaietako alderdi positiboari dagokionez, konpartsen arteko lankidetza eta "elkarlan uholdea" azpimarratu dituzte. "Uholdeen 40. urteurrenak aukera eman digu orduan buru-belarri lanean ibili ziren bolondresak omentzeko, baita elkarlana eta auzolana gure balio nagusiak direla gogoratu eta azpimarratzeko ere", azaldu dute.
Azkenik, ospatu dute herritarrek parte hartu dutela konpartsek antolatutako ekintza berrietan, eta 2024ra begira "parte-hartze aktiboa izaten jarraitzera" gonbidatu dituzte, "gure jai inklusibo, parte-hartzaile, feminista eta euskaldunak herritik eta herriarentzat eraikitzen jarrai dezagun".
Zure interesekoa izan daiteke
Baserritar jantziak, maileguan: “Sarerik ez duten familiak etortzen dira gehienbat”
Orioko Herri Ikastolan baserritar jantziak maileguan uzteko egitasmoa antolatu dute, bigarren urtez jarraian, "piztu eta eragin" ekimenaren baitan. Arropak berrabiltzea du helburu, baita herrian sarerik ez duten familiei laguntzea ere. Abarkak, gonak, zapiak, artilezko galtzerdiak... Denetarik bildu dute, eta egunotan familiak hurbilduko dira behar duten hori jasotzera.
Zestoako kasuari buruz gizarte-zerbitzuek egindako txostena "ez zen zuzena", Arartekoaren teknikari baten arabera
Zestoako sei herritarren aurka atzo abiatutako epaiketaren bigarren saioan deklaratu du Herriaren Defendatzailea erakundeko langileak, defentsaren lekuko gisa.
Kirola, musika eta lan gogorra: 110 urteko Isabel donostiarraren sekretua
Isabel Etxeberriak, 110 urterekin, pianoa jotzen jarraitzen du, arratsaldero, Bartzelonako bere etxean. Betidanik egin izan du kirola, eta gaur egun ere oso bizimodu aktiboa duela kontatu digu. Bere iritziz, sasoiz zahartzeko, garrantzitsuagoa da maitasuna kontu materialak baino.
Eider Gotxi (Guggenheim Urdaibai Stop): "Herritarron lanari esker lortu da Guggenheim Urdaibai proiektua bertan behera geratzea"
Guggenheim Urdaibai egitasmoa behin betiko bertan behera gelditu eta biharamunean, erakundeen jarrera "zurrun eta inposatzailearen aurrean" herria garaile atera dela azpimarratu du Eider Gotxi Guggenheim Urdaibai Stop plataformaren bozeramaileak. Garaipena jai giroan ospatzeko otsailaren 7rako Gernikan antolatu duten ospakizunean parte hartzeko deia egin die herritarrei. Bestalde, Gotxik ohartarazi du plataformaren bidea ez dela bukatzen eta ontziola Muruetatik ateratzea izango dela hurrengo erronka.
Gutxienez 11 kilometroko auto-ilarak AP-8an, Irunen, eta kamioiak ezin dira Biriatuko mugan zehar pasa
AP-8an, gutxienez 11 kilometroko auto-ilarak daude Irun parean, Baionarako noranzkoan, eta 0 kilometroan kamioientzako trafikoa arautzeko neurri bereziak aktibatu dira. Ibilgailu astunen murrizketak 05:00etatik 20:00etara egongo dira indarrean.
ETB ON aurkeztu dute, EITBren telebista plataforma digital berria
ETB ON plataforman zuzenekoen eskaintza handia eta EITB Taldearen edukirik onenak klik bakar batean topatuko ditu erabiltzaileak, nahi duen unean eta moduan ikusteko. Teknologia berri bat ardatz hartuta, Nahieran plataforma historikoa birformulatu eta etorkizunera begira jarri du EITBk.
Gernika, Bermeo eta Mundakako herri plataformek Busturialdea-Urdaibairako plan estrategikoa kritikatu dute
Ez daude ados Eusko Jaurlaritzak eta Bizkaiko Foru Aldundiak eskualderako egin duten inbertsio planarekin. Eskualdea zahartzen ari dela diote, gazteak kanpora joaten ari direlako ez dutelako bertan lan egin eta bizitzeko aukerarik. Beraz, lehendabizi enplegua eta etxebizitza planak behar direla diote.
Urdaibaiko Guggenheim museoa baztertu dute, proiektua iragarri eta 17 urtera
Bi urteko azterketa eta hamaika eztabaidaren ondoren, Urdaibaiko Guggenheim proiektua baztertzearen erabakia hartu du Patronatuak. Orain hilabete, Elixabete Etxanobe Bizkaiko ahaldun nagusiak azaldu zuen luze joko zuela museoa eraikitzeko lurrak garbitzea, bai eta egitasmoaren aurkako salaketak epaitegietan argitzea ere. Eta kalean proiektuak kritika andana jaso izan du talde ekologisten eta herritarren aldetik.
Guggenheim Urdaibai egitasmoa behin betiko baztertu du museoko Patronatuak
Arratsaldean egindako bileran aho batez hartu dute azken erabakia, proiektuaren bideragarritasun faltagatik. Egitasmoa aurrera eramateko zailtasun handiena Murueta ontziola dagoen lur zatiaren egoera juridikoa dela jakinarazi du Elixabete Etxanobe diputatu nagusiak.
163 postuk eta hogei bat jarduerak girotuko dute Donostiako San Tomas azoka
Datorren igandean, Gipuzkoako hiriburuan izango den azokara hurbilduko direnek, salmenta postuez gozatzeaz gain, gustu eta adin guztietarako jardueretan parte hartu ahal izango dute.