Txosten ekonomikoen eta juridikoen zain geratu da euskararen, katalanaren eta galegoaren ofizialtasuna EBn
Europar Batasuneko estatuek euskararen, katalanaren eta galegoaren ofizialtasunari buruzko erabakia atzeratzea adostu eta gero, orain Espainiako Gobernuari dagokio prozedurarekin aurrera egitea, bere esku baitago EBko txandakako presidentetza. Atzo, Gai Orokorren Kontseiluan gaia eztabaidatu zuten estatu kideek txosten ekonomikoak eta juridikoak eskatu zituzten, eta horiek bideratu beharko ditu Espainiak.
Euskara, katalana eta galegoa EBn ofizial izateak izango lituzkeen ondorioak ondo aztertu nahi dituzte atzerri gaietarako ministro europarrek, ezer erabaki aurretik. Horregatik, hiru hizkuntzon ofizialtasunak izango lukeen inpaktu ekonomikoa, juridikoa eta praktikoa sakon ezagutu arte ezer ez bozkatzea erabaki zuten.
Bozketa atzeratzeak ez zuen inor ezustean harrapatu, bai ordea bileraren ondorengo agerraldian Jose Manuel Albares Espainiako Gobernuko Atzerri Gaietarako ministroak egindako iragarpenak. EBn katalanaren ofizialtasuna lehenetsiko dutela euskararen eta galegoaren aurretik jakinarazi zuen, "prozesua arintze aldera".
Albistea ezagutu orduko, EAJk eta EH Bilduk gogor kritikatu zuten Espainiako Gobernuak katalana lehenesteko hartutako erabakia. Haserre, atzerapausorik ez emateko eskatu zuten, eta hizkuntza koofizial denak maila berean jartzeko.
Europak Parlamentuko pasilloetan ere gaiak zeresana eman zuen, eta kazetarien galderei erantzunez, bileran parte hartu zuten hainbat ministrok ziurtatu zuten inork ez ziola Albaresi eskatu katalana lehenestea. Guztiek onartu zuten zalantza asko mahaigaineratu zirela batzarrean, baina denak maila teknikokoak, legediarekin eta bideragarritasunarekin lotutakoak, izan zirela adierazi zuten.
Europan hiru hizkuntzon ofizialtasunerako bidea hasi besterik egin ez den egun berean, Espainiako Diputatuen Kongresuak hizkuntza koofizialak erabiltzeko erreforma tramitatzea onartu zuen. Diputatuak, lehen aldiz, euskaraz, katalanez eta galegoz aritu ziren, mahaitik inork isiltzeko agindurik eman gabe.
Albiste gehiago gizartea
Bi gizon atxilotu dituzte Azkoitian gizon bati sexu-erasoa egin eta legez kanpo atxikitzeagatik
Joan den asteartean, gizon bat Ertzaintzaren egoitzara joan zen sexu-eraso baten biktima izan zela eta bere borondatearen aurka atxiki zutela eta eraso fisikoa eta sexuala egin ziotela salatzeko.
Euskal Selekzioak eta Palestinak lagunarteko futbol partida jokatuko dute San Mamesen azaroaren 15ean
Espainiako agintarien arabera, ez da kirol ekitaldi huts bat izango, eta Palestinan pairatzen ari diren "giza eskubideen urraketa guztiak" ikusarazteko ere baliatuko dute lagunartekoa.
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".
Palestinaren aldeko mobilizazioak egingo dituzte ostegunean Hego Euskal Herrian
Protestak eguerdian eta arratsaldean izango dira, Gasteizen, Bilbon eta Iruñean.
EHUk 247 milioi euroko egitasmoei uko egin die Israelen parte hartzea dutelako
Joxerramon Bengoetxea errektorearen hitzetan, “herri palestinarraren genozidioaren auzia lehentasuna da” EHUrentzat. Gogorarazi du 2024ko apiriletik ez dutela harremanik Palestinan egindako krimenak gaitzesten ez dituzten unibertsitate eta erakundeekin.
EHUk uko egin dio 247 milioi euroko ikerketa-proiektuetan parte hartzeari, Israelekin loturak zituztelako
Joxerramon Bengoetxea Euskal Herriko Unibertsitateko (EHU) errektoreak asteazken honetan berretsi duenez, "Palestinako herriaren genozidioaren auzia lehentasuna da gure unibertsitatean", eta aditzera eman du EHUk uko egin diela, azken hilabeteetan, 247 milioi euroko ikerkuntza-proiektuei, biomedikuntzaren edo konputazio-zientzien arloetan, proiektu horiek Israelgo estatuarekin zuten loturagatik. Agerraldian, Bengoetxeak Europako Batzordeari eta Espainiako Gobernuari eskatu die Israelgo unibertsitateak, ikerketa-zentroak eta erakundeak bazter utz ditzatela ikerketa elkarlanak, akademikoak edo kulturalak laguntzeko europar funtsetatik.
Labar pinturak dituen historiaurreko aztarnategi bat aurkitu dute Gamiz-Fikan
Bizkaiko Foru Aldundiak jakinarazi duenez, Juan Carlos Lopez Quintanak eta Juan Carlos Izagirrek aurkitu zuten, Atxispeko San Pedro ermitaren ingurunea berreskuratzeko interbentzio programa baten baitan, 2025eko ekainaren 26an. Haitzuloa ikertu duten adituen arabera, eremu kantauriarrean dokumentatutako lehen hipogeo mistoa da.
Pertsona bat hil da Tafallan furgoneta baten eta uzta biltzeko makina baten artean izandako istripuan
Polizia-iturriek jakitera eman dutenez, istripua 09:00etan gertatu da, NA-132 errepidean, Tafalla parean, eta hildako pertsona furgonetan zihoana da.
San Mamesera sartzeko inguruak jarraitzaile zuri-gorriz bete dira, Txapeldunen Ligako hitzorduan
Zuri-gorriek Arsenalen aurka neurtuko dituzte indarrak astearte honetan, Txapeldunen Ligako 1. jardunaldiko neurketan. Athleticeko milaka zale bildu dira gaur arratsaldean partida honetan, taldea animatzeko helburuarekin.