Aita Marik 112 pertsona erreskatatu ditu Mediterraneoan egindako bi operaziotan
Aita Marik, Salvamento Maritimo Humanitario (SMH) gobernuz kanpoko erakundearen ontziak, 112 pertsona erreskatatu ditu azken orduetan Mediterraneoan egindako bi operaziotan. Egurrezko bi ontzitan noraezean aurkitu dituzte 112 lagunak, tartean 19 adingabe.
SMHk ohar batean adierazi duenez, gainezka zegoen egurrezko ontzi bat ikusi dute aurrena, eta zeramatzan 55 pertsonei lagundu diete. Gehienak siriarrak dira, baina badira Egiptotik, Iraketik eta Sudanetik irtendakoak ere. Gerora, bigarren patera bat begiztatu dute, eta 57 pertsona erreskatatu. Egiptoarrak, bangladeshtarrak, siriarrak, libiarrak, pakistandarrak eta palestinarrak daude erreskatatutakoen artean.
Denak "onik" daude, baina "neke eta hipotermia zantzuekin", Aita Marin egin dieten lehen osasun azterketaren arabera. Dena dela, aurki beste esplorazio sakonago bat egingo diete.
Euskal erreskate ontzia Reggio di Calabria bidean da orain, hara joateko agindua eman baitiete Italiako agintariek. Aurreikuspenen arabera, bihar eguerdian iritsiko da portura.
Erreskate operaziook larunbat arratsaldean eta gaur goizaldean egin ditu Aita Marik, Malta, Italia eta Espainiako agintariak horren jakitun zirela.
"SMH erakundekook jakin badakigu jarrera pribilegiatua dugula gizartearen baitan aldaketa eragiteko, eta Europara heltzeko saiakeran pertsona horiek pairatzen dituzten giza eskubideen urraketen lekuko gara, lehen pertsonan, gainera".
Horren aurrean, Europako agintariei egin diete deia "salbamendurako dispositibo bat mantentzeko ardura" har dezaten, "jendea giza eskubideak urratzen diren herrialdeetan geratzeko euste programak diru publikoz finantzatu barik".
Halaber, Gazako egoera salatzeko baliatu du oharra gobernuz kanpoko erakundeak. Bonbardaketak amaitzeko, bahitutakoak askatzeko eta zibilak Zerrendatik ateratzeko bide humanitarioak zabaltzeko eskatu du, besteak beste.
"Uste dugu Palestinako eta Libanoko herritarrek Mediterraneo itsasoko ur hilgarrietan sartzera behartuta ikusiko dituztela euren buruak, datozen aste eta hilabetotan, sarraskitik ihesi", nabarmendu dute.
Zure interesekoa izan daiteke
Baserritar jantziak, maileguan: “Sarerik ez duten familiak etortzen dira gehienbat”
Orioko Herri Ikastolan baserritar jantziak maileguan uzteko egitasmoa antolatu dute, bigarren urtez jarraian, "piztu eta eragin" ekimenaren baitan. Arropak berrabiltzea du helburu, baita herrian sarerik ez duten familiei laguntzea ere. Abarkak, gonak, zapiak, artilezko galtzerdiak... Denetarik bildu dute, eta egunotan familiak hurbilduko dira behar duten hori jasotzera.
Zestoako kasuari buruz gizarte-zerbitzuek egindako txostena "ez zen zuzena", Arartekoaren teknikari baten arabera
Zestoako sei herritarren aurka atzo abiatutako epaiketaren bigarren saioan deklaratu du Herriaren Defendatzailea erakundeko langileak, defentsaren lekuko gisa.
Kirola, musika eta lan gogorra: 110 urteko Isabel donostiarraren sekretua
Isabel Etxeberriak, 110 urterekin, pianoa jotzen jarraitzen du, arratsaldero, Bartzelonako bere etxean. Betidanik egin izan du kirola, eta gaur egun ere oso bizimodu aktiboa duela kontatu digu. Bere iritziz, sasoiz zahartzeko, garrantzitsuagoa da maitasuna kontu materialak baino.
Eider Gotxi (Guggenheim Urdaibai Stop): "Herritarron lanari esker lortu da Guggenheim Urdaibai proiektua bertan behera geratzea"
Guggenheim Urdaibai egitasmoa behin betiko bertan behera gelditu eta biharamunean, erakundeen jarrera "zurrun eta inposatzailearen aurrean" herria garaile atera dela azpimarratu du Eider Gotxi Guggenheim Urdaibai Stop plataformaren bozeramaileak. Garaipena jai giroan ospatzeko otsailaren 7rako Gernikan antolatu duten ospakizunean parte hartzeko deia egin die herritarrei. Bestalde, Gotxik ohartarazi du plataformaren bidea ez dela bukatzen eta ontziola Muruetatik ateratzea izango dela hurrengo erronka.
Gutxienez 11 kilometroko auto-ilarak AP-8an, Irunen, eta kamioiak ezin dira Biriatuko mugan zehar pasa
AP-8an, gutxienez 11 kilometroko auto-ilarak daude Irun parean, Baionarako noranzkoan, eta 0 kilometroan kamioientzako trafikoa arautzeko neurri bereziak aktibatu dira. Ibilgailu astunen murrizketak 05:00etatik 20:00etara egongo dira indarrean.
ETB ON aurkeztu dute, EITBren telebista plataforma digital berria
ETB ON plataforman zuzenekoen eskaintza handia eta EITB Taldearen edukirik onenak klik bakar batean topatuko ditu erabiltzaileak, nahi duen unean eta moduan ikusteko. Teknologia berri bat ardatz hartuta, Nahieran plataforma historikoa birformulatu eta etorkizunera begira jarri du EITBk.
Gernika, Bermeo eta Mundakako herri plataformek Busturialdea-Urdaibairako plan estrategikoa kritikatu dute
Ez daude ados Eusko Jaurlaritzak eta Bizkaiko Foru Aldundiak eskualderako egin duten inbertsio planarekin. Eskualdea zahartzen ari dela diote, gazteak kanpora joaten ari direlako ez dutelako bertan lan egin eta bizitzeko aukerarik. Beraz, lehendabizi enplegua eta etxebizitza planak behar direla diote.
Urdaibaiko Guggenheim museoa baztertu dute, proiektua iragarri eta 17 urtera
Bi urteko azterketa eta hamaika eztabaidaren ondoren, Urdaibaiko Guggenheim proiektua baztertzearen erabakia hartu du Patronatuak. Orain hilabete, Elixabete Etxanobe Bizkaiko ahaldun nagusiak azaldu zuen luze joko zuela museoa eraikitzeko lurrak garbitzea, bai eta egitasmoaren aurkako salaketak epaitegietan argitzea ere. Eta kalean proiektuak kritika andana jaso izan du talde ekologisten eta herritarren aldetik.
Guggenheim Urdaibai egitasmoa behin betiko baztertu du museoko Patronatuak
Arratsaldean egindako bileran aho batez hartu dute azken erabakia, proiektuaren bideragarritasun faltagatik. Egitasmoa aurrera eramateko zailtasun handiena Murueta ontziola dagoen lur zatiaren egoera juridikoa dela jakinarazi du Elixabete Etxanobe diputatu nagusiak.
163 postuk eta hogei bat jarduerak girotuko dute Donostiako San Tomas azoka
Datorren igandean, Gipuzkoako hiriburuan izango den azokara hurbilduko direnek, salmenta postuez gozatzeaz gain, gustu eta adin guztietarako jardueretan parte hartu ahal izango dute.