Akusatuen ezagunek errugabetu egin dituzte eta ihes eginda dagoenari egotzi diote Santi Cocaren aurkako erasoa
2019ko apirilean Santi Coca adingabea hil zuen jipoia ikusi zuten bi gaztek, akusatuen ezagunek, errugabetu egin dituzte bost auzipetuak, eta seigarren auzipetuari, justiziatik ihes eginda dagoen aljeriarrari, leporatu diote erasoaren erantzukizuna.
"Aljeriarra (bere goitizena zen) erotuta zegoen, erasokor. Zaila izan zen eustea, Santi lurrera erori zen arte", azaldu du bi lekuko horietako lehenak joan den ostiraletik Gipuzkoako Auzitegian epaimahaiarekin egiten ari diren epaiketaren hirugarren saioan.
Gazte horrek adierazi duenez, Santi Cocak "aljeriarra-ri ukabilkada bat" eman zion eztabaidan, eta, horrela, "borrokari" hasiera eman zion, bigarrena "guztiz erotu" baitzen.
Bigarren lekukoak erasoaren beste bertsio bat eman du. Aljeriarra-k aurre egin zion Santiri, eta hark ukabilkada bat eman zion. Ondoren, orain ihes eginda dagoenak adingabeari lepotik heldu zion, horma baterantz eraman zuen eta "bi ukabilkada" eman zizkion lurrera erori zen arte. Bertan, ostikada bat eman zion, eta, horren ondorioz, burua "hormaren kontra jo zuen".
Une horretan, "zerbait larria" zela pentsatu zuen, lehenik Santi begiak irekita ikusi zuelako, baina gero itxita zituelako, eta, beraz, "pultsazioak hartzera" hurbildu zen. Santi Cocari pultsurik antzeman ez zuenez, anbulantzia bat eskatu zuen. Bitartean, biktimaren anaia, tokira iritsi eta bere ondoan lurrera erori zen, "shock"ean zegoen.
Bi gazte horiek ez bezala, gertakariak jazo ziren lekuan zegoen hirugarren lekuko batek esan du "pertsona askoren" arteko "zalaparta" ikusi zuela, "mutiko bati ostikoak eta ukabilkadak" ematen ari zitzaizkiola, eta hura lurrera erori zenean "erasoak jarraitu zuela", baina taldeko guztiek ez zutela "astintzen".
Ildo horretan, laugarren gazte batek, hildakoaren anaiaren lagunak, azaldu du bost bat lagunek eraso egin ziotela Santi Cocari, eta "kontrolik gabe" eta "intentsitate handiz" ostikadak eman zizkiotela lurrean.
Astearte honetako saioaren beste une batean, Fatima Hacinek, Santi Cocaren amak, hartu du hitza. Bere semeak gaur 22 urte beteko lituzkeela gogorarazi ostean, berarekin eman zituen azken orduak oroitu ditu, eta onartu du orain gertatutakoa gogora ekartzea "depresioa" eta "mina eragin" diola, eta hori "asko" kostatu zaiola.
Zure interesekoa izan daiteke
Zaldi-probek beteko dute idi-proben lekua Abadiñoko San Blas egunean
Erroskilla eta eztarria babesteko lokarriekin batera, idi-probek leku berezia izan ohi dute San Blasetan, baina, aurtengoan, egitarauan moldaketak egin behar izan ditu Udalak, dermatosiaren ondorioz.
Dermatosi Nodular Kutsakorraren aurkako neurriak eguneratu ditu Jaurlaritzak
Behi-aziendak egotea debekatuta egongo da azoka eta erakustaldietan, baina aldundiek salbuespenez baimendu ahal izango dute ustiategi bereko behiak egotea, zenbait baldintza beteta. Neurri horrek, ate joka diren inauterietako bigantxen ikuskizunak eta sokamuturrak egitea ahabildetuko dezake.
Onddoekin egindako ontziak errealitate izan daitezke etorkizunean
Gueñesko Basque Biodesing Centerren urteak daramatzate mizelioa ikertzen. Onddoetatik datorren materiala da, urarekiko erresistentea eta biodegradagarria, eta etorkizunean plastikoa edo kartoiak ordeztu ditzake ontziak egiteko.
Iraungitako dosiarekin txertatutako haurtxo baten amak salatu du "segurtasunik eza" ematen diola egoera horrek
Iraungitako Hexabalente txertoaren dosi bat jaso zuen haurtxo baten amak deitoratu du egoera horrek "segurtasunik eza" eragiten diola, beti pentsatu izan baitu Osakidetzak dena ondo egiten duela. Barkamena eskatu diotela eta adingabeari txertoa berriro jartzeko hitzordua eman diotela ziurtatu du.
Adi Bilbo inguruko errepideetan, seik izena aldatu dute eta, A-8a barne
Gidariek eta nabigatzaileek izen berriekin ohitu beharko dute orain. Garai bateko Hegoaldeko saihesbideak BI-10 izena hartuko du, eta Txorierriko igarobidea BI-30 izango da aurrerantzean.
Osakidetzak asteon bukatuko du iraungitako dosia jaso zutenen birtxertaketa
Hexabalentearen kasuan, gaizki txertatutako 30 lagunetatik gehienek jaso dute dosia, eta bestela, gaur-biharretan izango dute. Tetrabalente eta hirukoitz birikoari dagokionez, asteon amaituko dutelakoan dago Osakidetza.
Tolosako inauterietan bigantxak izango dira azkenean
Gipuzkoako Aldundiak behin-behinean baimendu ditu inauterietan bigantxekin egiten diren ekitaldiak eta sokamuturra. Abenduan, Frantzian dermatosi nodular kasuek gora egin zutelako erabaki zuten Jaurlaritzak eta Nafarroako Gobernuak abelburuen joan-etorriak mugatzea eta behi erakusketak, idi probak eta sokamuturra debekatu zituen, agindu bidez.
Iaz 80 pertsonak jaso zuten eutanasia EAEn, aurreko urtean baino % 62k gehiagok
Eutanasia eskaerak 120 izan ziren, eta aurreko urtean, 74.
EAEko ikastetxeetan aurrematrikula egiteko gida
Gaurtik otsailaren 13ra arte egin ahal izango da aurrematrikula online zein aurrez aurre, eta hemen jaso dugu jakin beharreko informazio guztia.
EH Bilduk iraungitako txertoen inguruan egindako ohartarazpena "sobera" zegoen, Osasun Sailaren ustez
Lore Bilbao Osakidetzaren zuzendari nagusiak ETB1eko "Egun On" saioan azaldu duenez, familiei "mezu argi bat" helarazi nahi zieten, eta, horretarako, txostenak eskatu zituzten. Horien zain zeudenean egin zuen EH Bilduk eman zuen auziaren berri. "10 egun lehenagotik baldin bazekiten, zergatik ez zuten ezer egin? Kasu honetan guk bagenekien, baina zer gertatuko litzateke jakin izan ez bagenu?", galdetu du.