18 urteko kartzela-zigorra ezarri diote Atarrabiako krimenaren egileari, eta 9 urtekoa haren konplizeari
Epaileak 18 urteko kartzela-zigorra ezarri dio Yaroknys Miguel Perezi, urtarrilaren 15ean Atarrabian (Nafarroa) izandako hilketa baten egileari, 9 urteko zigorra Emmanuel Florentino Alcantara konplizeari, eta, azkenik, 6 hilabetekoa biktimarekin zegoen akusatu nagusiaren emazteari, krimena estaltzea egotzita, Nafarroako Justizia Auzitegi Nagusiak ostegun honetan ohar baten bidez jakinarazi duenez. Biktimak 25 labankada jaso zituen.
Epaiketaren ostean, herri-epaimahaiak hilketa delituaren erruduntzat jo zuen akusatu nagusia, 48 urteko iruindar bati 25 labankada emateagatik, ibilgailu bateko kopilotuaren eserlekuan zegoela.
Biktima, Alfredo Ogando Uceta, Iruñeko bizilaguna, Diana Sugeid akusatuaren emaztearen autoan zegoen. Biktimak harreman sentimentala zuen Sugeidekin. Une hartan, emakumea Atarrabiako hotel batean sartu zen, gela bat ikusteko.
Gizona sastatu ondoren, auzipetuak ihes egin zuen, lagun batekin batera. Biak Madrilera joan ziren, eta handik hiltzaileak Dominikar Errepublikara ihes egin zuen. Martxoaren 13an itzuli zen Espainiara, bere borondatez, eta harrezkero behin-behineko espetxealdian dago.
Joan den astean, herri-epaimahaiak epaia eman ondoren, fiskalak 20 urteko espetxe-zigorra eskatu zuen krimenaren egilearentzat, 11 urtekoa konplizearentzat eta urtebete eta 9 hilabeteko espetxe-zigorra estaltzailearentzat. Akusazio partikularrak eskaera horiekin bat egin zuen.
Defentsek, berriz, gutxieneko zigorrak ezartzea eskatu zuten. Horrela, hilketaren errudunarentzat 15 urte eskatu zituen, konplizearentzat 7 urte eta 6 hilabete, eta emakumearentzat 6 hilabete.
Krimenagatik eskatutako zigorrez gain, epaimahaiak errudun jo zuen egile materialaren laguna, agiriak faltsutzeagatik, Kolonbiako pasaporte faltsu bat izateagatik. Fiskalak 9 hilabeteko zigorra eskatu zuen delitu horrengatik, eta defentsak, berriz, 6 hilabetekoa. Epaileak 7 hilabeteko espetxe-zigorra ezarri dio, baita 420 euroko isun-zigorra ere.
Era berean, hilketaren egile eta konplize gisa zigortutako bi pertsonek 100.000 euroko kalte-ordaina eman beharko diete biktimaren alargunari eta lau seme-alabei. Halaber, 25.000 euro ordaindu beharko dizkiote hildakoaren arreba bati, eta 4.731, heriotzaren gastuengatik.
Zure interesekoa izan daiteke
CCOO sindikatuak ez du lekukorik eramango aurtengo Korrikan
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.
Espainiako Estatuko herritarren % 79k uste dute "posible" dela etorkizunean gerra batean arma nuklearrak erabiltzea
CISen inkesta baten arabera, herritarrak gehien kezkatzen dituen beste beldur batzuk dira gertuko senide bat galtzea, osasuna galtzea, itsu geratzea eta minbizia hartzea.
Gorpu bat aurkitu dute itsasoan, Ondarroa eta Lekeitio artean
Gorpua ezin izan dute identifikatu, baina baliteke asteartean Mendexan desagertutako 82 urteko arrantzalea izatea.
Tasa turistikoa 2027ko urtarrilaren 1etik aurrera ezarriko da Euskadin
Gipuzkoako Foru Aldundiak turismoari lotutako zerga berria arautzen duen Foru Arauaren proiektua onartu du. Zergaren oinarria gau kopuruaren arabera kalkulatuko da.
76 urteko gizon bat eta 38 urteko emakume bat atxilotu dituzte, Bilbon, emakume bati sexu-erasoa egiteagatik
Biktima atxilotuekin batera Santutxuko Karmelo kaleko etxebizitza batera igo omen zen.
Dozenaka lagunek justizia eskatu dute Parisen hildako gazte tolosarrarentzat
"Justizia Dalianentzat" lelopean, Parisen hil zuten Tolosako bizilagunaren senide eta lagunek elkarretaratzea egin dute gaur arratsaldean. Martxoaren hasieran aurkitu zuten haren gorpua, Frantziako hiriburuko etxebizitza batean.