Eguraldiak epel eta lehor eutsiko dio astearte eguerdira arte
Larunbatetik lagun ditugun tenperatura epelak eta giro lehorrak jarraipena izango du ordu batzuez, astearte eguerdira arte bai behintzat, Euskalmet Euskal Meteorologia Agentziak egindako iragarpenaren arabera. Bihar, ordea, aldaketa dator, eta euria eta giro freskoa bueltan izango ditugu.
Gaur, astea hastearekin bat, ildo beretik jarraituko du aroak: hego-mendebaldeko haizearekin eta tenperatura epelekin. Egunsentian, behe-lainoa sor daiteke Ebro ibarrean eta barnealdeko bailara batzuetan, eta laino horrek eguerdira arte ere iraun dezake zenbait tokitan. Gainerakoan, goi-hodeiak izango badira ere, igandean baino argiagoa izango da eguna; hodeitza saretuago egongo da eta egun eguzkitsua izango da egunaren momentu askotan. Tenperaturak berdintsu jarraituko du, eta hego-mendebaldeko haizea ibiliko da; bereziki mendi inguruetan nabarituko da.
Asteartean etorriko da aldaketa. Goizean, hego-mendebaldeko haizeak giroa epelduko du, eta eguraldia nahiko argia izango da lehenengo orduetan. Orduek aurrera egin ahala, baina, zeruan gero eta ugariagoak izango dira lainoak, eta eguerdian, haizeak mendebaldera egitearekin batera, zerua estali egingo da. Euritara joko du Euskal Herriaren erdialdean eta ipar partean. Hegoaldean, iluntzera arte eutsiko dio ateri, baina hor ere euria egingo du gauetik aurrera. Tenperatura maximoak apur bat jaitsiko dira, eta minimoak egunaren amaieran neurtuko dira toki askotan.
Asteazkenean, zerua hodeitsu egongo da eta euria egingo du, hasieran ipar partean eta ondoren, lurralde osoan. Tenperaturek behera egingo dute, eta haizea mendebaldetik eta ipar-mendebaldetik joko du, zakar kostaldean.
Albiste gehiago gizartea
Bittor Arginzonizen Etxebarri erretegiak munduko bigarren jatetxe onena izaten jarraitzen du
Peruko Maido jatetxea munduko onena izendatu dute The World 's 50 Best Restaurants 2025 sarietan. Bestalde, Etxebarri erretegiko Mohamed Benabdallah aljeriarra munduko sommelier onena izendatu dute.
Abadia Saria jaso du Gure Zirkuak
Gure Zirkuak aurtengo Abadia Saria jaso du gaur arratsaldean, Arrateko gainean (Eibar) egindako ekitaldian, komunitate oso bati “elkarrekin euskaraz bizi eta sentitzeko plaza berritzailea” eskaintzeagatik. Eider Mendoza diputatu nagusiaren eskutik jaso dute Abadia Sariaren oroigarria –Iñigo Aristegui Telloren Zazpi Petaloak eskultura– Gure Zirkuko kideek.
Beskoitzek ikastola berria izango du 2026-2027 ikasturtean
Egun dauden prefabrikatuetatik gertu, lursail bat erosi du Beskoitzeko Udalak eta bertako zati bat ikastolarentzat izango da. Herri Urratsen lortutako diruari esker eta Euskal Herri osotik iritsitako elkartasunari esker, Seaskak milioi bat euroko inbertsioa egingo du. Irailean lanak hasiko dira, eta hurrengo ikasturtean hasiko lirateke Beskoitze aldeko 50 haur inguru baldintza duinetan euskaraz ikasten.
Ehgamek Bilbao Bizkaia Harro ekimena boikoteatzeko deia egin du
EAJk Harrotasunaren Nazioarteko Eguna “bereganatu eta turistifikatu" nahi duela salatu du eta E28 Koordinadorak ekainaren 28rako deitutako manifestazio “herrikoi eta aldarrikatzailera” joateko deia egin du.
500 ekitalditik gora antolatu dituzte 2025eko sanferminetarako
Ostegun honetan aurkeztu dute sanfermin jaien egitarau ofiziala, eta iragarri dutenez, hilaren 14an Sorotan Bele talde gipuzkoarrak emango dio amaiera bederatzi eguneko zoramenari, Gazteluko plazako agertokian.
Alerta laranja Araba eta Nafarroa hegoaldean, arratsalderako iragarrita dauden prezipitazio handiengatik
Tenperatura maximoak 27 eta 35 graduren artean kokatuko dira, tokiaren arabera. Arratsaldetik aurrera baliteke ekaitzak jo eta zaparrada trumoitsuak botatzea. Hori dela eta, alerta laranja ezarriko dute Araba eta Nafarroa hegoaldean.
Klima-aldaketaren ondorioak Euskadin: 0,3 °C gehiago hamarkada bakoitzeko, bero-bolada gehiago eta itsasoaren tenperatura gora
Eusko Jaurlaritzak egindako txosten batek ohartarazi du berotze globalak gero eta ondorio handiagoak dituela Euskadin. Tenperaturak etengabe igo dira 1970etik, bero-boladen egunak bikoiztu dira eta itsas mailak erritmo bizkorrean egiten du aurrera. 2023an, itsasoaren batez besteko tenperatura inoizko altuena izan zen.
Nafarroako Unibertsitatea eta EHU, munduko 600 unibertsitate onenen artean
Massachusettseko Institutu Teknologikoak (MIT) lehen postuari eusten dio, hamalau urtez; ostean, Londresko Imperial College eta Stanfordeko Unibertsitatea daude.
Arartekoak Osakidetzan inbertsioa areagotzearen garrantzia azpimarratu du, herritarren kexak ikusita
Ines Ibañez de Maeztuk adierazi du Osasun Itunaren ostean hartuko diren neurrien esperoan dagoela, egoera hobetuko duten itxaropenarekin. "Etxebizitza eskubidea bete egiten dela bermatuko duten politika publikoen aldeko apustu irmoa" ere eskatu du.
Scientia School enpresak Pryconsa konpainiari saldu dio Amara auzoko Karmelo ikastetxea hartzen zuen eraikina
Scientia Schoolek azaldu duenez, 2019an erosi zuen ikastetxea, baina "matrikulen kopuruak behera egin zuen etengabe". "Egoera horrek itxiera ekarri zuen", gogorarazi du.