Atxilotu bat Gipuzkoan eta beste lau Estatuan, Daeshen aurkako operazio batean
Espainiako Poliziak bost pertsona atxilotu ditu Estatuan, horietako bat Gipuzkoan, Estatu Islamikoari laguntzea egotzita. Europan, Afrikan eta Asian talde jihadistari laguntza ematen dion sare bateko kideak izango lirateke atxilotuak.
Valentzian atxilotu dituzte bi pertsona, bana Gipuzkoan, Alacanten eta Caceresen, eta bost lagunetatik bi espetxeratu dituzte.
2021ean hasitako terrorismoaren aurkako operazioan, 12 herrialdetako inteligentzia eta segurtasun zerbitzuek hartu dute parte: Marokoko Lurraldeko Segurtasun Zuzendaritza Nagusia (DGST), Aljeriako Barne Segurtasuneko Zuzendaritza Nagusia (DGSI), Mauritaniako Segurtasun Nazionaleko Zuzendaritza Nagusia (DGSN), AEBko Ikerketa Bulego Federala (FBI), Suitzako Poliziaren Bulego Federala (Fedpol) eta Poliziaren Europako Bulegoa (Europol), besteak beste.
Lehen operazioan, bi pertsona atxilotu zituzten 2022ko martxoan, bata Espainian eta bestea Suitzan, Frantzian atentatu bat prestatzea egotzita. Operazioaren lehen fasean, beste sei atxiloketa egin ziren Europan eta Magreben, eta guztira zortzi atxilotu izan ziren. Espainian atxilotutako gizonari bi urteko kartzela zigorra ezarri zioten terrorismo delituak egotzita, eta 2023. urtearen erdialdean utzi zuten aske.
Poliziaren analistek ikusi zutenez, lehen bi atxilotuak Daeshi laguntzeko nazioarteko sare bateko kide ziren, eta, hori jakinda, makrooperazio bat hasi zuten Europako, Ekialde Hurbileko eta Magrebeko hamabi herrialdetako segurtasun eta inteligentzia zerbitzuekin batera.
Sareko kide batzuk jendea jihadismoan adoktrinatzen saiatzen omen ziren, eta atentatuak egiteko nahia agertuz gero, babesa ematen zieten. Ikerketaren arabera, sare horrek gutxienez bi atentatu planifikatzen lagundu zuen.
Gainera, diru kopuru handiak mugitzen zituzten nazioarteko bidalketen eta kriptodiruaren bidez. Miaketetan, ia 200.000 euroko kriptotxanponak konfiskatu dituzte, Poliziak jakitera eman duenez.
Operazioaren amaiera bizkortu egin zuten, kideetako bat laster atentatu bat egiteko prest zegoela ikusi zutenean.
Albiste gehiago gizartea
Jaialdiak amaiera borobila eman dio Boisen, sei egun zirraragarriren ostean
Ekitaldiak zortzigarren edizioa itxi du, 1987an sortu zenetik izandako arrakastatsuenetako eta jendetsuenetako bat bezala.
Palestinarekin Elkartasuna plataformak euskal hiriburuetako jaietan mobilizatzeko deia egin du
Plataformak "hipokrisia" leporatu die gobernuei eta hedabideei, eta manifestazioak deitu ditu Gasteizen (abuztuaren 6an), Donostian (abuztuaren 10ean), Bilbon (abuztuaren 15ean) eta manifestazio nazionala Iruñean (urriaren 4an).
Bilboko kale-saltzaileen aurkako sarekadak areagotu direla salatu dute
Udaltzainenganako errespetua eskatu du Bilboko Udalak. Manteroek diote euren egoera legeztatzea ezinbestekoa da bestelako lanetarako aukera izateko. Sarekadak salatzeko protesta deitu du biharko Bizkaiko Manteroen Elkarteak.
Bi atxilotu Gasteizen, gizon bati indarkeriaz lapurtzea leporatuta
04:15 aldera jazo da lapurreta, hiriburuko parke baten inguruan. 31 eta 29 urteko atxilotuak epailearen esku utziko dituzte, beharrezko izapideak amaitutakoan.
Atxilotu bat Ordizian kokaina, 10.000 euro eta kontrabandoko tabakoa zeramala
Gidaria atxilotu dute substantzia estupefazienteen trafikoko ustezko delitua egotzita, eta deklaratu gabeko tabakoa edukitzeagatik.
Tigre-eltxoaren kontrako fumigazio lanak egin dituzte bart Hendaian
Lapurdin chikungunya gaitzaren lehen kasua agertu ondoren egin dituzte desinfekzio lanak, Hendaiako igerilekutik, tren geltokiraino. 22:00etatik 07:00ak arte kaleak erabat itxita egon dira, eta bizilagunek agintarien aginduak errespetatu behar izan dituzte. Herritarrak kezkatuta agertu dira, ez dakitelako zer-nolako eragina izan dezakeen erabilitako produktuak haien egunerokotasunean. Fumigazioaz arduratutako enpresak dio erabilitako produktua ez dela kaltegarria, eta tigre-eltxoen % 80 bat hiltzea lortzen dutela.
20.000 sinadura, txosnak Euskal Herriko ondare inmaterial izendatzeko
Bizkaiko, Gipuzkoako eta Arabako txosnen batzordeek adierazi dute jaigune horiek "arriskuan" daudela, eta ondare inmaterial izendatzeko eskaera sinatzen eta zabaltzen jarraitzeko deia egin dute.
Zeledonek prest ditu aterkia eta ardo-zahatoa, kanpandorretik jaitsi eta Andre Maria Zuriaren jaiei hasiera emateko
Zuzeneko musikak, kalejirek, ekintza herrikoiek eta familia guztientzako proposamenek beteko dituzte Gasteizko kaleak abuztuaren 4tik 9ra, sei eguneko jai giroan.
Karabela portugaldarrak topatu dituzte Bakioko hondartzan beste egun batez uda honetan
Goizean, marmokak ikusi dituzte Bizkaiko zazpi hondartzatan, eta, atzo arratsaldean, Zurriolako hondartzan bainua hartzea debekatu behar izan zuten, karabela portugaldarrek eragindako "ziztada ugari" zenbatu baitzituzten, horietako batzuk nahiko larriak.
Auroroek Gasteizko Alde Zaharrean barrena abestu dute, Andre Maria Zuriaren jaietarako deia eginez
Igande honetan izandako Arrosarioaren Prozesioak milaka gasteiztar bildu ditu, Andre Maria Zuriaren horma-hobiaren aurrean hasita eta San Migel elizan egindako meza batekin bukatuta.