Hiru urteko kartzela zigorra ezarri diote Santi Cocaren heriotzarengatik zigortutako gazteari
Gipuzkoako Lurralde Auzitegiak hiru urte eta erdiko kartzela zigorra ezarri dio 2019ko apirilean jipoia jaso ostean hil zen Santi Cocaren auzian errudun jotako akusatu bakarrari. Herri epaimahaiak zuhurtziagabekeriazko giza hilketa egitea egotzi zion, eta horren araberako zigorra ezarri dio orain epaileak.
Epaia ez da irmoa, eta apelazio errekurtsoa aurkez dezakete aldeek.
Espetxe zigorraz gain, kalte-ordaina eta bestelako neurriak ebatzi ditu magistratuak, gaur kaleratutako epaian. Lehenengoari dagokionez, 420 euroko isuna ordaindu beharko du lesio delituengatik, eta gaztearen aita-amei 72.438 eurona eman beharko dizkie. Santi Cocaren anaiari, berriz, 20.696 euroko kalte-ordaina dagokio, eta beste 80 euro, eragindako kaltea erreparatzeko. Guztira, 165.652 euro. Bestalde, bost urteko urruntze agindua ezarri dio.
Testuak frogatutzat jo du 2016ko apirilaren 26 hartan Santi Coca eta ihes eginda dagoen gaztea borroka batean nahastu zirela. Gerora, baina, gazte donostiarra jipoitzen hasi ziren hainbat lagun, tartean zigortua izan dena, eta horrek "kolpeak eta ostikoak" eman zizkiola. Epaileak uste du zigortutakoak ez zuela uste adingabea "hil zitekenik" baina "erraza zen horretarako arriskua zegoela konturatzea".
Lau auzipetu errugabetuta, eta seigarren bat, ihesean
Epaiak absolbitu egin ditu herri epaimahaiak errugabetutako lau gazteak, eta ahozko epaiketan errugabetutako bosgarrena.
Testuaren arabera, "gertakarien bideoak ikusita, ezin da baieztatu bost gazteetako bakar bat adingabearen erasotzailea denik". Gainera, "euren gorputzetan ez zituzten topatu borrokaren batean nahastuta egon ziren zantzu edo markarik".
Seigarren auzipetu bat ere badago, baina ezin izan dute epaitu, ihes eginda baitago. Hari egotzi zioten gazteek Santi Cocaren heriotza eragin zuen "buruan emandako azken ostiko bortitza".
Zure interesekoa izan daiteke
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.
Espainiako Estatuko herritarren % 79k uste dute "posible" dela etorkizunean gerra batean arma nuklearrak erabiltzea
CISen inkesta baten arabera, herritarrak gehien kezkatzen dituen beste beldur batzuk dira gertuko senide bat galtzea, osasuna galtzea, itsu geratzea eta minbizia hartzea.