Dena prest urteko gaurik zaratatsuenerako
Danborrak, upelak, jantziak eta mototsak, sutegiak, argiak, kamerak eta megafoniak; milaka lagun ari dira horien guztien azken prestaketa lanetan, dena gertu egon dadin San Sebastian bezperan, urteko gau zirraragarrienetakoan. Jai laburra izanagatik, ez zaio bizitasunik falta, eta datozen orduetan kolorez beteko dira Donostia, Azpeitia, Tafalla eta Lakuntza udalerrietako plazak eta kaleak.
Gipuzkoako hiriburuan, inoizko danborradarik jendetsuena izango da ostiral honetan, baita parekideena ere, 21.300 parte-hartzaile baino gehiago izango baititu helduen 160 danborradatan, eta horietatik lau bakarrik izango baitira gizonez soilik osatutakoak. Izan ere, bi danborrada berri gehitu zaizkie 2024ko desfileei, eta aurrez gizonezkoek bakarrik osatzen zituzten lau danborrada mistoak izatera igaro dira; gainera, danborrada bat emakumezkoek bakarrik osatuko dute.
Gaztelubideren eskutik urtarrilaren 20an, 00:00etan, Konstituzio plazan altxatu, eta larunbat gauerdian Union Artesanaren eskutik jaitsi arte mastan izango den bandera aurten mendeurrena ospatuko duen Loiolatarra Kirol Elkarteari emango diote.
Bestalde, banderaren jaitsieran 108 lagunek hartuko dute parte, Union Artesanaren danborradarekin batera, Konstituzio plazan.
San Sebastian bezperan ohikoa denez, Donostiako Udalak Donostiako Hiritar Merezimenduaren Dominak banatuko ditu. Aurten, Adsis Fundazioa, ATECE eta Bizikletaz adinik ez gizarte-erakundeak, Angel Rueda Aramaio merkataria eta Mentxu Medel dantza-irakaslea nabarmendu dituzte.
Halaber, Isabel Verdinik 2024ko Urrezko Danborra jasoko du larunbatean, 12:30ean, inklusioaren, prestakuntzaren eta dantzaren alde egindako lanagatik.
Azpeitian, 1.600 lagunetik gora arituko dira gaur gauean helduen danborradan. Guztira, 30 taldek desfilatuko dute kaleetan, 22:00etatik aurrera. Gauerdian, Plaza Nagusian elkartuko dira guztiak, eta bandera igoko dute San Sebastian martxaren doinuak lagunduta.
EITB Donostiako eta Azpeitiko danborraden lekuko izango da aurten ere, eta saio bereziak eskainiko ditu ETB1en eta EITB.eus-en.
Larunbatean, haur danborraden txanda
Larunbatean, San Sebastian egunean, haurrak izango dira eguneko protagonista nagusiak.
Donostian, 41 ikastetxetako 4.700 haurretik gora ibiliko dira, eguerditik aurrera, Donostiako kaleetan zehar desfilatzen. San Jose ikastetxeko Anir Guyenbat izango da haiek guztiak zuzenduko dituen Danbor Nagusia.
Azpeitian, 500 haur baino gehiago izango dira kaleak kolorez beteko dituztenak, 12:30ean hasita, Alde Zaharra zeharkatuko duen danborradan.
Lakuntza eta Tafalla
Lakuntzan eta Tafallan (Nafarroa) ere ospatuko dituzte San Sebastian jaiak, txikientzako eta nagusientzako jarduerez beteriko programekin, eta danborrek protagonismoa izango dute horietan ere.
Zure interesekoa izan daiteke
Kirola, musika eta lan gogorra: 110 urteko Isabel donostiarraren sekretua
Isabel Etxeberriak, 110 urterekin, pianoa jotzen jarraitzen du, arratsaldero, Bartzelonako bere etxean. Betidanik egin izan du kirola, eta gaur egun ere oso bizimodu aktiboa duela kontatu digu. Bere iritziz, sasoiz zahartzeko, garrantzitsuagoa da maitasuna kontu materialak baino.
Eider Gotxi (Guggenheim Urdaibai Stop): "Herritarron lanari esker lortu da Guggenheim Urdaibai proiektua bertan behera geratzea"
Guggenheim Urdaibai egitasmoa behin betiko bertan behera gelditu eta biharamunean, erakundeen jarrera "zurrun eta inposatzailearen aurrean" herria garaile atera dela azpimarratu du Eider Gotxi Guggenheim Urdaibai Stop plataformaren bozeramaileak. Garaipena jai giroan ospatzeko otsailaren 7rako Gernikan antolatu duten ospakizunean parte hartzeko deia egin die herritarrei. Bestalde, Gotxik ohartarazi du plataformaren bidea ez dela bukatzen eta ontziola Muruetatik ateratzea izango dela hurrengo erronka.
Gutxienez 11 kilometroko auto-ilarak AP-8an, Irunen, eta kamioiak ezin dira Biriatuko mugan zehar pasa
AP-8an, gutxienez 11 kilometroko auto-ilarak daude Irun parean, Baionarako noranzkoan, eta 0 kilometroan kamioientzako trafikoa arautzeko neurri bereziak aktibatu dira. Ibilgailu astunen murrizketak 05:00etatik 20:00etara egongo dira indarrean.
ETB ON aurkeztu dute, EITBren telebista plataforma digital berria
ETB ON plataforman zuzenekoen eskaintza handia eta EITB Taldearen edukirik onenak klik bakar batean topatuko ditu erabiltzaileak, nahi duen unean eta moduan ikusteko. Teknologia berri bat ardatz hartuta, Nahieran plataforma historikoa birformulatu eta etorkizunera begira jarri du EITBk.
Gernika, Bermeo eta Mundakako herri plataformek Busturialdea-Urdaibairako plan estrategikoa kritikatu dute
Ez daude ados Eusko Jaurlaritzak eta Bizkaiko Foru Aldundiak eskualderako egin duten inbertsio planarekin. Eskualdea zahartzen ari dela diote, gazteak kanpora joaten ari direlako ez dutelako bertan lan egin eta bizitzeko aukerarik. Beraz, lehendabizi enplegua eta etxebizitza planak behar direla diote.
Urdaibaiko Guggenheim museoa baztertu dute, proiektua iragarri eta 17 urtera
Bi urteko azterketa eta hamaika eztabaidaren ondoren, Urdaibaiko Guggenheim proiektua baztertzearen erabakia hartu du Patronatuak. Orain hilabete, Elixabete Etxanobe Bizkaiko ahaldun nagusiak azaldu zuen luze joko zuela museoa eraikitzeko lurrak garbitzea, bai eta egitasmoaren aurkako salaketak epaitegietan argitzea ere. Eta kalean proiektuak kritika andana jaso izan du talde ekologisten eta herritarren aldetik.
Guggenheim Urdaibai egitasmoa behin betiko baztertu du museoko Patronatuak
Arratsaldean egindako bileran aho batez hartu dute azken erabakia, proiektuaren bideragarritasun faltagatik. Egitasmoa aurrera eramateko zailtasun handiena Murueta ontziola dagoen lur zatiaren egoera juridikoa dela jakinarazi du Elixabete Etxanobe diputatu nagusiak.
163 postuk eta hogei bat jarduerak girotuko dute Donostiako San Tomas azoka
Datorren igandean, Gipuzkoako hiriburuan izango den azokara hurbilduko direnek, salmenta postuez gozatzeaz gain, gustu eta adin guztietarako jardueretan parte hartu ahal izango dute.
Entzute prozesuak islatzen du Guggenheim Museoa Urdaibain zabaltzerik "ez" dela nahi, baina eskualdeko garapenari begi onez begiratzen zaiola utzi du agerian
Herritarren artean entzute-prozesua gidatu duen Agirre Lehendakaria Centerrek azaldu duenez, "hasierako narratiba" horien zati handi bat "beste joera bat" hartu du hilabeteetan zehar. Izan ere, Urdaibaiko Guggenheimen aurkako iritziak jaso dira, baina baita eskualdearen garapenaren aldeko jarrerak ere.
Korrika egin, osasuntsu zahartzeko: Fernando eta Leopoldo, 81 eta 76 urterekin atxintxika egiten jarraitzen duten beteranoak
Fernandok 31 Behobia daramatza, azken bi urteetan beteranoena izanik, eta Leopoldo erretiroa hartu baino pixka bat lehenago hasi zen kilometroak egiten. Korrika egitea botikarik onena da bientzat, ez bakarrik ongizate fisikoagatik, gaixotasunak prebenitzen eta sasoiz zahartzea atzeratzen ere laguntzen baitie.