Gizon bat atxilotu dute balkoitik etxe batean sartu eta labanaz bizilagunei mehatxu egiteagatik, Antzuolan
Ertzaintzak 29 urteko gizon bat atxilotu dute Antzuolan beldurra erabiliz egindako lapurreta eta lesio delituak leporatuta. Eusko Jaurlaritzaren Segurtasun Sailak jakinarazi duenez, atxilotua balkoi batetik sartu zen etxe batean eta labana batekin mehatxatu zuen bertan bizi den bikote edadetu bat, lapurreta egiteko eta eskuak lotzeko helburuarekin. Biktimetako batekin indarka aritu ondoren, ihes egin zuen.
Gertakariak joan den ostiralean, hilaren 16an, eguerdiko hamabiak aldera izan ziren Antzuolako etxebizitza batean. Bikotea etxe barruan zegoela, bat-batean txanoa eta maskara jantzita zeramatzan gizon bat sartu omen zen balkoi batetik. Gizonak labana batekin mehatxatu zituen eta zeukaten urre guztia emateko esan zien. Biktimek emandako informazioaren arabera, brida batzuk erakutsi zizkien eta gela batera eraman zituen bertan eskuak lotzeko asmoarekin. Etxeko gizonak aurre egin zion lapurrari eta biak borrokan hasi ziren. Aipatu iturrien arabera, atxilotuak balkoitik ihes egin zuen telefono mugikor bat hartuta eta beldurtzeko erabilitako labana bertan utzita.
Biktimak kolpea jaso zuen buruan borrokan ari ziren bitartean, eta osasun-zentro batean artatu behar izan zuten.
Ertzaintzak Zumarragan aurkitu zuen ustezko gaizkilea, eta haren emaztearen aurkako izapideak ere abiatu zituen ihesaldian laguntzea egotzita.
Atxilotua Bergarako Guardiako Epaitegiaren esku utzi zuten.
Albiste gehiago gizartea
Jaialdiak amaiera borobila eman dio Boisen, sei egun zirraragarriren ostean
Ekitaldiak zortzigarren edizioa itxi du, 1987an sortu zenetik izandako arrakastatsuenetako eta jendetsuenetako bat bezala.
Palestinarekin Elkartasuna plataformak euskal hiriburuetako jaietan mobilizatzeko deia egin du
Plataformak "hipokrisia" leporatu die gobernuei eta hedabideei, eta manifestazioak deitu ditu Gasteizen (abuztuaren 6an), Donostian (abuztuaren 10ean), Bilbon (abuztuaren 15ean) eta manifestazio nazionala Iruñean (urriaren 4an).
Bilboko kale-saltzaileen aurkako sarekadak areagotu direla salatu dute
Udaltzainenganako errespetua eskatu du Bilboko Udalak. Manteroek diote euren egoera legeztatzea ezinbestekoa da bestelako lanetarako aukera izateko. Sarekadak salatzeko protesta deitu du biharko Bizkaiko Manteroen Elkarteak.
Bi atxilotu Gasteizen, gizon bati indarkeriaz lapurtzea leporatuta
04:15 aldera jazo da lapurreta, hiriburuko parke baten inguruan. 31 eta 29 urteko atxilotuak epailearen esku utziko dituzte, beharrezko izapideak amaitutakoan.
Atxilotu bat Ordizian kokaina, 10.000 euro eta kontrabandoko tabakoa zeramala
Gidaria atxilotu dute substantzia estupefazienteen trafikoko ustezko delitua egotzita, eta deklaratu gabeko tabakoa edukitzeagatik.
Tigre-eltxoaren kontrako fumigazio lanak egin dituzte bart Hendaian
Lapurdin chikungunya gaitzaren lehen kasua agertu ondoren egin dituzte desinfekzio lanak, Hendaiako igerilekutik, tren geltokiraino. 22:00etatik 07:00ak arte kaleak erabat itxita egon dira, eta bizilagunek agintarien aginduak errespetatu behar izan dituzte. Herritarrak kezkatuta agertu dira, ez dakitelako zer-nolako eragina izan dezakeen erabilitako produktuak haien egunerokotasunean. Fumigazioaz arduratutako enpresak dio erabilitako produktua ez dela kaltegarria, eta tigre-eltxoen % 80 bat hiltzea lortzen dutela.
20.000 sinadura, txosnak Euskal Herriko ondare inmaterial izendatzeko
Bizkaiko, Gipuzkoako eta Arabako txosnen batzordeek adierazi dute jaigune horiek "arriskuan" daudela, eta ondare inmaterial izendatzeko eskaera sinatzen eta zabaltzen jarraitzeko deia egin dute.
Zeledonek prest ditu aterkia eta ardo-zahatoa, kanpandorretik jaitsi eta Andre Maria Zuriaren jaiei hasiera emateko
Zuzeneko musikak, kalejirek, ekintza herrikoiek eta familia guztientzako proposamenek beteko dituzte Gasteizko kaleak abuztuaren 4tik 9ra, sei eguneko jai giroan.
Karabela portugaldarrak topatu dituzte Bakioko hondartzan beste egun batez uda honetan
Goizean, marmokak ikusi dituzte Bizkaiko zazpi hondartzatan, eta, atzo arratsaldean, Zurriolako hondartzan bainua hartzea debekatu behar izan zuten, karabela portugaldarrek eragindako "ziztada ugari" zenbatu baitzituzten, horietako batzuk nahiko larriak.
Auroroek Gasteizko Alde Zaharrean barrena abestu dute, Andre Maria Zuriaren jaietarako deia eginez
Igande honetan izandako Arrosarioaren Prozesioak milaka gasteiztar bildu ditu, Andre Maria Zuriaren horma-hobiaren aurrean hasita eta San Migel elizan egindako meza batekin bukatuta.