Albiste izango dira: Athletic Kopako finalera, Gipuzkoako nekazarien protestak eta Navalniren hileta
Honako gai hauek hartuko dituzte gaur, 2024ko martxoaren 1ean, hedabideetako lerroburu nagusiak:
- Athletic, Kopako finalera: Athletic 2023-24 denboraldiko Errege Kopako finalerako sailkatu da, ostegunean, finalerdietan Atletico Madril kanporatuta, jokatutako bi partidak 4-0eko emaitza izan dela. Ernesto Valverderen taldeak, gau gogoangarri batean, biribildu egin du San Mamesen Madrilen joaneko partidan lortutako garaipena; Civitas Metropolitanon 0-1 nagusitu zen Athletic, eta orain, Bilbon, 3-0 irabazi du, Iñaki eta Nico Williamsen eta Gorka Guruzetaren golei esker. Finala apirilaren 6an jokatuko dute, Cartujan, eta Mallorca izango da Athleticen aurkaria.
- Gipuzkoako nekazarien protestak: Gipuzkoako nekazariek Batzar Nagusietaraino eramango dituzte gaur euren traktoreak. Goizean goizetik hiru zutabetan abiatuko dira hiribururantz: Bidasoatik, Urolatik eta Goierritik. Donostiako erdigunea zeharkatuta, Miramonera igoko dira, Batzar Nagusien egoitzaraino eta han, ordezkari politikoei euren aldarrikapenak jasotzen dituen dokumentua emango diete. Mobilizazioa deitu duten sindikatuek ohar baten bidez azaldu dute 38 erakunde, eragile eta enpresa batu zaizkiela protestara, lehen sektoreak bizi duen egoera larria salatzeko eta laborarien ustiapenen bideragarritasuna defendatzeko asmoarekin.
- Navalniren hileta: Gaur egingo diote azken agurra Moskun Aleksei Navalni errusiako oposizioko kideari. Hileta Errusian 14:00ak direnean (12:00etan, Euskal Herrian) egingo dute, Kremlinaren begiradapean. Atzotik, segurtasun neurri handiak ezarri dituzte inguruan, eta gunea hesituta dago.
Zure interesekoa izan daiteke
Mancisidor ararteko hautatu dute, EAJ, PSE-EE eta PPren babesarekin, eta EH Bilduren oposizioarekin
Bere aurrekoak, Manuel Lezertuak, ekainaren 19an formalizatu zuen karguari uko egin ziola, eta harrezkero Ines Ibañez de Maeztu, jarduneko arartekoa izan da.
Hiru pertsona zauritu dira BI-637 errepidean, Erandion, hiru ibilgailuk eta autobus batek izandako istripuan
Ezbeharra 07:50 aldera gertatu da, eta ezkerreko eta erdiko erreiak itxi behar izan dituzte. Ondorioz, hiru kilometroko auto-ilarak sortu dira.
Bizkaibusen Mugi txartela erabilita ibili ahal izango da aurrerantzean
Horrela, hiru lurraldeetako edozein garraio-txartel (Bat, Barik eta Mugi) erabilita, erabiltzaileek Bizkaibusean ibiltzeko aukera izango dute, ordainketa-sistema integratu eta homogeneo baten bidez.
Albiste izango dira: EITB Maratoia, Talgo Euskadira itzuli da eta 2026rako aurreikuspen ekonomikoa
Gaurkoan Orain-en albiste izango direnen laburpena, bi hitzetan.
Baserritar jantziak, maileguan: “Sarerik ez duten familiak etortzen dira gehienbat”
Orioko Herri Ikastolan baserritar jantziak maileguan uzteko egitasmoa antolatu dute, bigarren urtez jarraian, "piztu eta eragin" ekimenaren baitan. Arropak berrabiltzea du helburu, baita herrian sarerik ez duten familiei laguntzea ere. Abarkak, gonak, zapiak, artilezko galtzerdiak... Denetarik bildu dute, eta egunotan familiak hurbilduko dira behar duten hori jasotzera.
Zestoako kasuari buruz gizarte-zerbitzuek egindako txostena "ez zen zuzena", Arartekoaren teknikari baten arabera
Zestoako sei herritarren aurka atzo abiatutako epaiketaren bigarren saioan deklaratu du Herriaren Defendatzailea erakundeko langileak, defentsaren lekuko gisa.
Kirola, musika eta lan gogorra: 110 urteko Isabel donostiarraren sekretua
Isabel Etxeberriak, 110 urterekin, pianoa jotzen jarraitzen du, arratsaldero, Bartzelonako bere etxean. Betidanik egin izan du kirola, eta gaur egun ere oso bizimodu aktiboa duela kontatu digu. Bere iritziz, sasoiz zahartzeko, garrantzitsuagoa da maitasuna kontu materialak baino.
Eider Gotxi (Guggenheim Urdaibai Stop): "Herritarron lanari esker lortu da Guggenheim Urdaibai proiektua bertan behera geratzea"
Guggenheim Urdaibai egitasmoa behin betiko bertan behera gelditu eta biharamunean, erakundeen jarrera "zurrun eta inposatzailearen aurrean" herria garaile atera dela azpimarratu du Eider Gotxi Guggenheim Urdaibai Stop plataformaren bozeramaileak. Garaipena jai giroan ospatzeko otsailaren 7rako Gernikan antolatu duten ospakizunean parte hartzeko deia egin die herritarrei. Bestalde, Gotxik ohartarazi du plataformaren bidea ez dela bukatzen eta ontziola Muruetatik ateratzea izango dela hurrengo erronka.
Gutxienez 11 kilometroko auto-ilarak AP-8an, Irunen, eta kamioiak ezin dira Biriatuko mugan zehar pasa
AP-8an, gutxienez 11 kilometroko auto-ilarak daude Irun parean, Baionarako noranzkoan, eta 0 kilometroan kamioientzako trafikoa arautzeko neurri bereziak aktibatu dira. Ibilgailu astunen murrizketak 05:00etatik 20:00etara egongo dira indarrean.
ETB ON aurkeztu dute, EITBren telebista plataforma digital berria
ETB ON plataforman zuzenekoen eskaintza handia eta EITB Taldearen edukirik onenak klik bakar batean topatuko ditu erabiltzaileak, nahi duen unean eta moduan ikusteko. Teknologia berri bat ardatz hartuta, Nahieran plataforma historikoa birformulatu eta etorkizunera begira jarri du EITBk.