Neguko azken asteburuak giro eguzkitsua eta udaberri beteko tenperaturak utziko dizkigu
Udaberri astronomikoa abiatzeko —hilaren 20an hasiko da— egun gutxi falta diren honetan, urtaro horren araberako eguraldia izango dugu gaurtik igandera, gutxienez. Hala, asteburuan, eguzkia eta tenperatura atseginak izango ditugu lege, Euskalmet Euskal Meteorologia Agentziaren arabera.
Ostiralean, zerua ez da guztiz urdin egongo, eta hodeiak eta ostarteak tartekatuko dira. Goizean goiz eta arratsaldean, giroa goibelagoa izango da, eta baliteke han-hemenka euri apur bat egitea; hala ere, egunaren zatirik handiena ateri egongo da, eta urdingune politak zabalduko dira tarteka. Haizea hegoaldetik sartuko da hasieran, baina eguerdi partean iparraldera egingo duenez, eguneko tenperaturak apur bat egingo du behera. Hala ere, giroa goxoa izango da, baina 20 ºC-ren bueltan errendituta.
Larunbata eguzkitsu dator, eta tenperaturak gora egingo du, balio altuenak 20-23 ºC-koak izango baitira. Goizean, zerua oskarbi agertuko da; arratsaldean, berriz, goi-hodei fin batzuk agertuko dira, baina zeruari zurixka kolorea baino ez diote emango. Hegoaldeko haizea ibiliko da, eta kostaldean baliteke brisa altxatzea arratsaldean. Goizean goiz, behe-lainoa sor daiteke ohiko ibarretan, bereziki Araban.
Udaberri itxurako giroak jarraipena izango du igandean. Zerua larunbatean baino lainotuago egongo da, baina hodeiak erdi-mailakoak eta goi-hodeiak izango direnez, ez dute ondorio garrantzitsurik ekarriko eta giro argia izango da. Haizea hego-mendebaldetik sartuko da hasieran, eta brisa altxatuko da arratsaldean. Ez dugu tenperatura aldaketarik espero, eta epeletik jarraituko du (21-23 ºC).
Joeraren arabera, astea bestela abiatuko da, fronte baten iritsierak euria ekar baitezake.
Kontsulta ezau eguraldiaren iragarpena, eta bidali zure argazkiak eta bideoak.
Albiste gehiago gizartea
Nafarroako Unibertsitatea eta EHU, munduko 600 unibertsitate onenen artean
Massachusettseko Institutu Teknologikoa (MIT) lehen postuan mantentzen da hamalaugarren urtez; ostean, Londresko Imperial College eta Stanfordeko Unibertsitatea daude.
Muturreko beroa izango dugu gaur eta bihar
Abisu horia ezarri dute ostiralera arte; tenperaturak oso altuak izango dira, 27 eta 35 gradu artekoak.
Arartekoak Osakidetzan inbertsioa areagotzearen garrantzia azpimarratu du, herritarren kexak ikusita
Ines Ibañez de Maeztuk adierazi du Osasun Itunaren ostean hartuko diren neurrien esperoan dagoela, egoera hobetuko duten itxaropenarekin. "Etxebizitza eskubidea bete egiten dela bermatuko duten politika publikoen aldeko apustu irmoa" ere eskatu du.
Scientia School enpresak Pryconsa konpainiari saldu dio Amara auzoko Karmelo ikastetxea hartzen zuen eraikina
Scientia Schoolek azaldu duenez, 2019an erosi zuen ikastetxea, baina "matrikulen kopuruak behera egin zuen etengabe". "Egoera horrek itxiera ekarri zuen", gogorarazi du.
Osakidetzak ordutegiak murriztu eta osasun-zentro batzuk itxiko ditu udan
Aldaketa horiek zentroen % 37ri eragingo diete. ELA eta CCOO sindikatuek udako plangintza kritikatu dute. Osakidetzaren egiturazko arazoek “bere horretan jarraitzen dutela” ziurtatu dute eta “benetako konponbideei heltzeko" negoziazio prozesua hastea eskatu dute.
Red Electricak zentralei egotzi die apirileko itzalaldiaren ardura: "Sorgailuek beren konpromisoak bete izan balituzte, ez zen itzalaldirik gertatuko"
Red Electricak, sistemaren operadoreak, erantzukizuna ez du bere gain hartu eta zentral sortzaileen aurka egin du, ez zituztelako bete kolapsoa saihesteko protokolo teknikoak. Gobernuak, bere aldetik, akats ugari egin zituela onartu egin du. Hala ere, operadorearen plangintza zalantzan jartzen du.
Euskadin ematen diren 10 gorroto-delitutik sei arrazistak edo xenofoboak dira
2024ko Gorroto Istiluen azken Txostenak egiaztatzen du kasuen kopuruak behera egin duela oro har, baina baieztatzen du arrazakeriak eta xenofobiak eragindako erasoak oraindik ere argi eta garbi nagusitzen direla gorrotoaren mapan Euskadin.
Andre Maria Zuriaren jaiek badute kartela
2025eko Andre Maria Zuriaren Jaiak Arabako hiriburuan ospatuko dira, abuztuaren 4tik 9ra.
Abisu horia ezarri dute Euskadin ostiralera arte, tenperaturak 35 gradura iritsiko baitira
Tenperaturak oso altuak izango dira, 27 eta 35 gradu artekoak, gunearen arabera.
Bilbo eta Arrigorriaga arteko RENFEren zerbitzua berrezarri dute, Alvia batek matxura izan ostean
Ezbeharra 07:20 aldera jazo da, Bilbotik ateratzen ari zen Alvia bat Ollarganen geldirik geratu denean, eta ezin izan du zirkulatzen jarraitu.