Ertzaintzak ukatu egin du Gasteizen emakumearen bahiketan inplikatutako pertsona bat baino gehiago dagoenik
Gaur arratsaldeko lehen orduan Gasteizko lonja batean emakume baten bahiketarekin eta erasoarekin zerikusia izateagatik ikertutako pertsona gehiago egon litezkeela zabaldu den arren, azkenean inplikatu bakarra dago, atxilotua, Ertzaintzatik zehaztu dutenez. Gaur goizaldean gertatu da, Arabako hiriburuko Hedegile kaleko lonja batean.
Bertan, atxilotuak hainbat orduz bahituta eduki zuen bikotekide ohia, eta denbora horretan eraso egin zion.
Emakumeak lokaletik ihes egitea lortu zuen, eta Ertzaintzari abisua eman zion. Ertzainek ustezko erasotzailea aurkitu zuten, eta egiaztatu zuten gizonak urruntzeko agindua zuela indarrean, indarkeria matxista aurrekariengatik.
41 urteko atxilotua ertzain-etxean egon da egunean zehar, arratsaldeko 18:30ak aldera lokalera eraman aurretik. Ertzaintzaren polizia zientifikoak ere joan dira lonja horretara, eta argazkiak egin dituzte barrura sartu aurretik.
Lokala Udalarena da
Gasteizko Udaleko iturriek baieztatu dutenez, gertakariak jazo diren lokala Udalarena da, eta maizterrak ez zuen errenta ordaintzen 2022ko azarotik.
Gaineratu dutenez, duela denbora bat Udaltzaingoa gizon hori lonja horretatik ateratzen saiatu zen, baina azkenean ezin izan zuen egin, ez baitzuen bizitoki alternatiborik.
Eraikineko bizilagunek azaldu dutenez, okupatzailea gizon "problematikoa" zen, eta beldur pixka batekin bizi dira.
Elkarretaratze isila
Gasteizko Udalak bost minutuko elkarretaratze isila deitu du astearte eguerdirako, 12:00etarako, Maider Etxebarria alkatea buru dela, azken eraso matxista gaitzesteko. Protesta Plaza Berrian izango da, "Gasteiz: eraso matxisten aurka" lelopean.
Gainera, Udalak adierazpen instituzionala onartu du, indarkeria matxistaren azken kasu hori irmo gaitzesteko, eta biktimari eta haren ingurukoei babesa eta hurbiltasuna adierazteko, behar dituzten baliabideak eskainiz.
Albiste gehiago gizartea
Iñaki Kerejazu (Zeledon): "Jai seguruak behar ditugu guztiontzat; ez dugu inolako erasorik onartuko Gasteizen"
Bigarren urtez jarraian Iñaki Kerejazuk gorpuztuko du Zeledon, eta ordu batzuk besterik ez dira falta bere ohiko aterkia, ardo-zahatoa eta zapia hartzeko eta Andre Maria Zuriaren jaiei hasiera emateko, 18:00etan.
Espainiako online jokalarien kopurua % 20 baino gehiago igo da 2024an, 'ongietorri bonuak' direla eta
Eskubide Sozialen, Kontsumoaren eta 2030 Agendaren Ministerioak zuzenketa bat bultzatu du Bezeroentzako Arreta Zerbitzuen hurrengo Legean, arau horrek 'ongietorri bonu' deritzonen debekua barne har dezan.
Karabela portugesa gorabeherak eragiten ari da Euskal Herriko hondartzetan
Donostiako Zurriolan eta Kontxan, eta Bizkaian Bakioko hondartzan atzeman dituzte. Itsas korronteen eta haizearen ondorioz iritsi ohi dira bizidun horiek itsasertzera, eta zenbaitetan horien ziztadak arriskutsuak izan daitezke.
Albiste izango dira: Andre Maria Zuriaren jaiak, abisu horia beroagatik eta enpleguari buruzko datuak
Gaurkoan albiste izango direnen laburpena, bi hitzetan.
Jaialdiak amaiera borobila eman dio Boisen, sei egun zirraragarriren ostean
Ekitaldiak zortzigarren edizioa itxi du, 1987an sortu zenetik izandako arrakastatsuenetako eta jendetsuenetako bat bezala.
Palestinarekin Elkartasuna plataformak euskal hiriburuetako jaietan mobilizatzeko deia egin du
Plataformak "hipokrisia" leporatu die gobernuei eta hedabideei, eta manifestazioak deitu ditu Gasteizen (abuztuaren 6an), Donostian (abuztuaren 10ean), Bilbon (abuztuaren 15ean) eta manifestazio nazionala Iruñean (urriaren 4an).
Bilboko kale-saltzaileen aurkako sarekadak areagotu direla salatu dute
Udaltzainenganako errespetua eskatu du Bilboko Udalak. Manteroek diote euren egoera legeztatzea ezinbestekoa da bestelako lanetarako aukera izateko. Sarekadak salatzeko protesta deitu du biharko Bizkaiko Manteroen Elkarteak.
Bi atxilotu Gasteizen, gizon bati indarkeriaz lapurtzea leporatuta
04:15 aldera jazo da lapurreta, hiriburuko parke baten inguruan. 31 eta 29 urteko atxilotuak epailearen esku utziko dituzte, beharrezko izapideak amaitutakoan.
Atxilotu bat Ordizian kokaina, 10.000 euro eta kontrabandoko tabakoa zeramala
Gidaria atxilotu dute substantzia estupefazienteen trafikoko ustezko delitua egotzita, eta deklaratu gabeko tabakoa edukitzeagatik.
Tigre-eltxoaren kontrako fumigazio lanak egin dituzte bart Hendaian
Lapurdin chikungunya gaitzaren lehen kasua agertu ondoren egin dituzte desinfekzio lanak, Hendaiako igerilekutik, tren geltokiraino. 22:00etatik 07:00ak arte kaleak erabat itxita egon dira, eta bizilagunek agintarien aginduak errespetatu behar izan dituzte. Herritarrak kezkatuta agertu dira, ez dakitelako zer-nolako eragina izan dezakeen erabilitako produktuak haien egunerokotasunean. Fumigazioaz arduratutako enpresak dio erabilitako produktua ez dela kaltegarria, eta tigre-eltxoen % 80 bat hiltzea lortzen dutela.