Hodeitsuago eta freskoago larunbatean, eta eguzkitsu, igandean
Udaberrian gaude, eta urtaroak bereizgarri duen giro aldakorra izango dugu protagonista datozen egunetan. Hala, asteburuak bi zati izango dituela iragarri du Euskalmet Euskal Meteorologia Agentziak. Larunbatean, hodeitsu eta freskotik esnatuko da eguna; igandean, aldiz, argitzera eta epeltzera egingo du.
Gaur goizean, giro eguzkitsua gailenduko da ia denean, baina kostaldean behe-hodeiek estaliko dute zerua. Arratsaldean, kostaldeko hodeiak barnealdera zabalduko dira, eta zerua estalita geratuko da. Eguneko azken orduetan, fronte bat sartuko da, eta iluntzean euri pixka bat egingo du isurialde atlantikoan. Tenperatura maximoetan aldea egongo da kostaldea eta barnealdea alderatuz gero: kostaldean, nekez helduko dira 20 ºC-ra (18-19 graduan errendituko dira termometroak); barnealdean eta hegoaldean, aldiz, 25 ºC-ra ere iritsiko dira. Iparraldeko haizea ibiliko da, arratsaldean bizi.
Larunbataren lehen zatian, fronte horren eraginpean izango gara oraindik, eta goizaldean eta goizeko lehen orduetan, zerua estalita egongo da eta euria egingo du, batez ere isurialde atlantikoan. Eguerdi aldera, hodeitza pixkanaka saretzen hasiko da eta atertu egingo du. Arratsaldean, ostarte zabalak irekiko dira edonon. Iparraldeko haizea ibiliko da eta tenperatura maximoak asko jaitsiko dira, batez ere barnealdean (15 ºC-tik behera kokatuko dira). Tenperatura minimoak egunaren amaieran neurtuko dira, eta hotz egingo du orduan; Gasteizen, esaterako, 2 ºC espero dira.
Igandean, giro eguzkitsua. Tenperatura maximoak gradu pare bat igoko dira (16-17 ºC), eta urdingune zabalak ikusiko ditugu zeruan, batez ere egunaren erdialdeko orduetan. Goizean goiz eta egunaren amaieran, behe-hodeiak izango ditugu isurialde atlantikoan, eta egunsentian, behe-lainoa sor daiteke ibar batzuetan. Goizaldean, hotza izango da, batez ere barnealdean. Euskalmeten arabera, zeroz azpiko balioak erregistratuko dira Gasteizen, eta izotza egingo du Araba eta Nafarroako zenbait lekutan. Haizeak iparraldetik eta ipar-ekialdetik joko du.
Kontsulta ezau eguraldiaren iragarpena, eta bidali zure argazkiak eta bideoak.
Zure interesekoa izan daiteke
Adi Bilbo inguruko errepideetan, seik izena aldatu dute eta, A-8a barne
Gidariek eta nabigatzaileek izen berriekin ohitu beharko dute orain. Garai bateko Hegoaldeko saihesbideak BI-10 izena hartuko du, eta Txorierriko igarobidea BI-30 izango da aurrerantzean.
Osakidetzak asteon bukatuko du iraungitako dosia jaso zutenen birtxertaketa
Hexabalentearen kasuan, gaizki txertatutako 30 lagunetatik gehienek jaso dute dosia, eta bestela, gaur-biharretan izango dute. Tetrabalente eta hirukoitz birikoari dagokionez, asteon amaituko dutelakoan dago Osakidetza.
Tolosako inauterietan bigantxak izango dira azkenean
Gipuzkoako Aldundiak behin-behinean baimendu ditu inauterietan bigantxekin egiten diren ekitaldiak eta sokamuturra. Abenduan, Frantzian dermatosi nodular kasuek gora egin zutelako erabaki zuten Jaurlaritzak eta Nafarroako Gobernuak abelburuen joan-etorriak mugatzea eta behi erakusketak, idi probak eta sokamuturra debekatu zituen, agindu bidez.
Iaz 80 pertsonak jaso zuten eutanasia EAEn, aurreko urtean baino % 62k gehiagok
Eutanasia eskaerak 120 izan ziren, eta aurreko urtean, 74.
EAEko ikastetxeetan aurrematrikula egiteko gida
Gaurtik otsailaren 13ra arte egin ahal izango da aurrematrikula online zein aurrez aurre, eta hemen jaso dugu jakin beharreko informazio guztia.
EH Bilduk iraungitako txertoen inguruan egindako ohartarazpena "sobera" zegoen, Osasun Sailaren ustez
Lore Bilbao Osakidetzaren zuzendari nagusiak ETB1eko "Egun On" saioan azaldu duenez, familiei "mezu argi bat" helarazi nahi zieten, eta, horretarako, txostenak eskatu zituzten. Horien zain zeudenean egin zuen EH Bilduk eman zuen auziaren berri. "10 egun lehenagotik baldin bazekiten, zergatik ez zuten ezer egin? Kasu honetan guk bagenekien, baina zer gertatuko litzateke jakin izan ez bagenu?", galdetu du.
Jaiotza kopurua % 0,1 jaitsi da berriro Euskadin, bi hiruhilekotan gora egin ondoren
Lurraldeka, urtebetean % 3,2ko hazkundea izan zen Araban, 547 jaiotzarekin; Bizkaian % 4,7 jaitsi ziren, 1.616 jaiotzarekin; eta Gipuzkoan % 5,5 igo ziren, 1.129 jaiotzarekin.
Bikotekidea hiltzea egotzita atxilotutako emakumea espetxera bidaltzeko agindu du epaileak
55 urteko emakumeak Basurtuko Ospitalean jarraitzen du eta sendagiria jasotzen duenean eramango dute espetxera.
Santurtzi eta Barakaldo arteko aldirietako tren-zerbitzua eten dute, matxura baten ondorioz
Santurtzitik Barakaldorako joan-etorrian dabiltzan tren guztiek Desertu-Barakaldo geltokitik hasi eta amaituko dute ibilbidea, eta erabiltzaileek autobus zerbitzua izango dute helmugara iristeko.
Ostalaritza Eskola izango da Gipuzkoan, 2027tik aurrera
Euskadiko laugarren ostalaritza-eskola izango litzateke, Leioa, Galdakao eta Gamarrako eskolekin batera. Hezkuntza Saila Donostiako Udalarekin lanean ari non kokatu ebazteko.